31. oktober 2006

UKA 2006/43

Aalisarnermut aningaasaliissutinut immikkoortitat pillugit Inatsisartut inatsisissaattut nr. xx, xx 2006-imeersumut siunnersuummut allannguutissatut siunnersuut

 

§ 1

Aalisarnermut aningaasaliissutinut immikkoortitat pillugit Inatsisartut inatsisissaattut siunnersuummi makku allannguutigineqassapput:

1. § 16 ima oqaasertalerneqassaaq:
„Inatsisartut inatsisaat ulloq 15. december 2006 atuutilissaaq."

 

§ 2

Inatsisartut inatsisaat ulloq 15. december 2006 atuutilissaaq.

Namminersornerullutik Oqartussat, ulloq xx.yy. 2006

Hans Enoksen

/

Finn Karlsen

 

 

Inatsisissatut siunnersuummut nassuiaatit

Nalinginnaasumik oqaaseqaatit

1. Aallaqqaasiut:
Allannguutissatut siunnersuut nassiunneqarpoq tunuliaqutigalugu, 2006-imi Aningaasanut inatsimmi kontomi 50.06.50-imi, Aalisarnermik ineriartortitsinermut sillimmatit, atunngitsuukkat teknikkikkut akornutitaqanngitsumik Aningaasanut inatsimmut 2007-imut ukiunullu tulliuttunut nuunneqarnissaat qulakkeerneqassammat.

2. Siunnersuutip immikkoortui pingaarnerit:
Immikkoortoq pingaarneq tassaavoq aningaasaliissutit 2006-imi atunngitsuukkat 2007-imut ukiunullu tulliuttunut nuunneqarnissaasa qulakkeerneqarnissaat.

3. Pisortanut aningaasaqarnikkut allaffissornikkullu kingunissai:
Pisortanut aningaasaqarnikkut allaffissornikkullu allannguutissatut siunnersuut kinguneqassanngilaq.

4. Inuussutissarsiortunut aningaasaqarnikkut allaffissornikkullu kingunissai:
Inuussutissarsiortunut aningaasaqarnikkut allaffissornikkullu siunnersuut kinguneqassanngilaq.

5. Avatangiisitigut pinngortitamullu tunngasutigut kingunissat:
Siunnersuut avatangiisitigut pinngortitamullu tunngasutigut kinguneqassanngilaq.

6. Innuttaasunut allaffissornikkut kingunissat:
Siunnersuut innuttaasunut allaffissornikkut kinguneqassanngilaq.

7. Naalagaaffeqatigiinnermut namminersulernissamullu tunngasut:
Naalagaaffeqatigiinnermut namminersulernissamullu allannguutissatut siunnersuut kinguneqassanngilaq.

8. Oqartussanik kattuffinnillu tusarniaaneq:
Allannguutissatut siunnersuut Aningaasaqarnermut Pisortaqarfimmut tusarniutigineqarpoq, taakkulu akissutaat inatsisissatut siunnersuummi ilanngunneqarput.

 

 

Inatsisissatut siunnersuummi aalajangersakkanut ataasiakkaanut oqaaseqaatit

§ 1-imut.

Inatsisissatut siunnersuummi siullermi atuutilerfissaatut ulluliunneqarsimavoq 1. januar 2007. Allannguutissatut siunnersuummi piffissap 15. december 2006-imut allanngortinneqarnissaa siunnersuutigineqarpoq, qulakkeerniarlugu teknikkikkut ajornaquteqanngitsumik, 2006-imi aningaasaliissutigineqarsimasut 2006-imi naatsorsuutinut aalisarnermut aningaasaliissutinut immikkoortitanut inissinneqarnissaat. 2006-imi aningaasaliissutigineqarsimasut matuma ki-ngorna 2007-imi ukiunilu tulliuttuni atorneqarsinnaalissapput.

 
§ 2-mut.

Siunnersuutigineqarpoq inatsit 15. december 2006 atuutilissasoq.