10. oktober 2006

UKA 2006/9

 

allannguutissatut siunnersuut

uunga

Sulisoqarnermut akitsuut pillugu Inatsisartut inatsisissaattut siunnersuummut

Aappassaaneerinissamut Naalakkersuisunit saqqummiunneqartoq.

 

§ 1-mut

1. § 1-imi, imm. 1, allanngortinneqasaaq: "§ 38, takuuk § 39" uunga: "§ 76, takuuk § 78".

§ 2-mut

2. § 2, imm. 1, imatut oqaasertaqassaaq:
"Imm. 1. Sulisoqarnermut akitsuut, inuussutissarsiutinut atatillugu iliniartitseqqittarnermi, sulisoqarnermi ilinniartitseqqittarnerit piginnaasallu ineriartortinneqarnissaasa aningaasalersorneqarnerannut ilaasoq akissarsiarititat katinnerisa 0,9 %-attut annertussuseqarpoq".

3. § 2, imm. 4-mi, allanngortinneqassaaq: "§ 17 b aamma § 17 c" uunga: "§ 39 aamma § 40".

§ 4-mut

4. § 4 imatut oqaasertaqassaaq:
"§ 4. Suliffeqarfiup akitsuummik akiliisussaatitaasup qaammatit naaneri tamaasa, kingusinnerpaamillu qaammatip tulliuttup ulluisa ulluinnaasut kingullersaanni akissarsiat akitsuusiivigineqartussamik katinnerat kiisalu taakkua akitsuutissaat akileraaruserivimmut nalunaarutigissavai.
Imm. 2. Nunalunaaruteqarneq akileraaruseriffiup immersugassiai atorlugit pissaaq."

§ 5 aamma § 6-mut

5. § 5, imm. 2-mi: "sulisitsisutut kommunimut" allanngortissaaq: "akileraaruseriffimmut".

6. § 5, imm. 3 aamma 4, aammalu § 6 atorunnaassapput.

§ 7-mut

7. § 7, imm. 1-imi aamma 2-imi "Sulisitsisutut kommuni" allanngortissaaq: "Akileraaruseriffik".

§ 8 aamma § 9-mut

8. § 8, imm. 1, imatut oqaasertaqassaaq:
"Suliffeqarfik eqqunngitsumik nalunaaruteqarsimasoq paasineqarpat, ikinaagaasunillu akitsuummut akiliisoqarsimappat, aningaasat akiligassat pillaammik ernialiunneqarsinnaasut ilanngullugit piumaffigineqarnermiit ullut 14-it qaangiutsinnagit akileqquneqassapput"

9. § 8, imm. 3-5, aamma § 9 atorunnaarput.

Qulequttamut

10. Qulequtaq "Nakkutilliineq pillugu aalajangersakkat" allanngortinneqassaaq imaasillugu: "Naatsorsuuserineq pillugu aalajangersakkat".

§ 11 aamma § 12-imut

11. § 11 aamma § 12 atorunnaarput.

§ 13-imut

12. § 13 imatut oqaasertaqassaaq:
"Naalakkersuisut inatsisip matuma atuutsinneqarnissaanut malittarisassaliorsinnaapput".

§ 14-imut

13. § 14, imm. 1 nr. 2 atorunnaarpoq.

Nr. 3 aamma 4 tamatuma kingorna nr. 2 aamma 3-nngussapput.

14. § 14, imm. 1, nr. 3, nr. 2-nngortussaq imatut oqaasertaqassaaq:
"2) § 4, imm. 1, imaluunniit § 5, imm. 1-imik unioqqutitsisoq".

 

Siunnersuummut oqaaseqaatit

Oqaaseqaatit nalinginnaasut

Siunnersuut siullermik aningaasarsianit akileraarutit pillugit Inatsisartut inatsisaannut siunnersuutip (UKA 2006/30) aamma akileraaruserinermik ingerlatsineq pillugu Inatsisartut inatsisissaattut siunnersuutip (UKA 2006/29) kingunerisaannik malitseqartitsinernik arlaqartunik imaqarpoq. Siunnersuutit taakkua ilaatigut kinguneraat aalajangersakkat arlaqartut, sulisoqarnermut akitsuut pillugu Inatsisartut inatsisissaattut siunnersuummi innersuussutigineqartut, nutaanik normoqalerneri, aammalu sulisoqarnermut akitsuut pillugu Inatsisartut inatsisissaattut siunnersuummi aalajangersakkat arlaqartut peerneqarsinnaanngorlutik, akileraaruserinermik ingerlatsineq pillugu Inatsisartut inatsisaanni aalajangersakkat pissutsit pineqartut aqutarimmatigit.

Aappiullugu allannguutissatut siunnersuut Inatsisartut Akileraartarnermut Akitsuusiisarnermullu ataatsimiititaliaanit 23. maj 2006-imi allakkat tunngavigalugit saqqummiunneqarpoq, allakkani taakkunani ataatsimiititaliap ilaatigut oqaatigalugu aningaasat ilinniartitseqqittarnernut piginnaasallu ineriartortinneqarnissaannut ukiumoortumik pilersaarutinut tunngasut sulisoqarnermut akitsuutit ukiumoortumik isertitat amerlaqatigissagaat inatsisikkut qulakkeerneqarnissaa kissaatigalugu.

 

Aalajangersakkanut ataasiakkaanut oqaaseqaatit

Nr. 1-imut

Siunnersuut aningaasarsianit akileraarutit pillugit Inatsisartut inatsisissaannut siunnersuutip kingunerisaanik normulersuinerup allanngornerata malitsigisaraa.

Nr. 2-mut

Siunnersuutigineqarpoq akitsuummut procenti 0,9-mut aalajangerneqassasoq. Sulisitsisut inuussutissarsiutinut ilinniagaqarnernut tapiissutaannut akitsuut, ukiumoortumik aningaasanut inatsimmi aalajangerneqartartoq, ukioq aningaasaqarfiusumit 2000-imiilli 0,9 procentimut aalajangerneqartarsimavoq.

Aalajangersakkami oqaasertaliinermik allannguinermi erseqqissarneqarpoq, sulisoqarnermut akitsuut sulisoqarnermi ilinniartitseqqiinerup piginnaasallu ineriartortinneqarnerisa aningaasalersorneqarnerannut ilaasoq. Tamatumani paasineqassaaq ilinniartitseqqiinermut piginnaasanillu ineriartortitseqqiinermut atatillugu aningaasaliissuteqarnissamut pisariaqartitsinerup annertussusia sulisoqarnermut akitsuutinit isertitanit appasinneruppat, akitsuutinut annertussuserititaq naliliiffigeqqinneqassasoq.

Nr. 3-mut

Siunnersuut aningaasarsianit akileraarutit pillugit Inatsisartut inatsisissaannut siunnersuutip kingunerisaanik normulersuinerup allanngornerata malitsigisaraa.

Nr. 4-mut

Siunnersuut akileraaruserinermik ingerlatsineq pillugu Inatsisartut inatsisissaannut siunnersuut naapertorlugu akileraaruserinerup akileraaruseriffimmi katersorneqarnissaata malitsigisaraa.

Akitsuummik akiliisussaatitaasup akileraaruseriffimmut nalunaaruteqarnissaa akiliuteqarnissaalu kingusinnerpaamik qaammatip tulliuttup ulluisa ulluinnaasut kingullersaanni pissaaq, akileraaruseriffiup nalunaaruteqarneq pillugu immersugassiai atorlugit pissalluni.

Akitsuummik akiliisussaatitaasup immersugassiat pineqartut akileraaruseriffimmiit toqqaannartumik nassinneqarnermigut pissarsiarisassavai.

Nr. 5-imut

Siunnersuut akileraaruserinermik ingerlatsineq pillugu Inatsisartut inatsisissaannut siunnersuut naapertorlugu akileraaruserinerup akileraaruseriffimmi katersorneqarnissaata malitsigisaraa.

Nr. 6-imut

Siunnersuut akileraaruserinermik ingerlatsineq pillugu Inatsisartut inatsisissaannut siunnersuut naapertorlugu akileraaruserinerup akileraaruserivimmi katersorneqarnissaata malitsigisaraa. Tamatuma saniatigut siunnersuutip kinguneraa kingusinaartumik akiliinermi erniat akileraaruserinermik ingerlatsineq pillugu Inatsisartut inatsisaanni malittarisassat malillugit aaqqiivigineqartarnissaat.

Nr. 7-imut

Siunnersuut akileraaruserinermik ingerlatsineq pillugu Inatsisartut inatsisissaannut siunnersuut naapertorlugu akileraaruserinerup akileraaruseriffimmi katersorneqarnissaata malitsigisaraa.

Nr. 8-mut

Siunnersuut akileraaruserinermik ingerlatsineq pillugu Inatsisartut inatsisissaannut siunnersuut naapertorlugu akileraaruserinerup akileraaruseriffimmi katersorneqarnissaata malitsigisaraa aammalu kingusinaarluni akiliuteqartarnermi erniat pillugit maleruagassat aaqqiivigineqarlutik.

Suliffeqarfik eqqunngitsumik nalunaaruteqarsimasoq paasineqarpat, ikinaagaasunillu akitsuummut akiliisoqarsimappat, siunnersuutigineqarpoq, akitsuut minnaarlugu akilerneqartoq, aningaasat akiligassat pillaammik ernialiunneqarsinnaasut ilanngullugit piumaffigineqarnermiit ullut 14-it qaangiutsinnagit akileqquneqassapput. Akitsuut piffissaagallartillugu akilerneqanngippat, pillaammik ernialerlugu akilersinneqassaaq, tak. imm. 4.

Nr. 9-mut

Missangiilluni aningaasarsianik angissusiliinermi maleruagassat akileraaruserinermik ingerlatsineq pillugu Inatsisartut inatsisissaannut siunnersuut naapertorlugu aaqqiivigineqartarnissaannik siunnersuutip malitsigisaraa, taamaammallu sulisoqarnermut akitsuut pillugu Inatsisartut inatsisissaannut siunnersuummi maleruagassat pisariaarullutik taamaammallu atorunnaartariaqarlutik.

Nr. 10-mut

Siunnersuut siunnersuummi nr. 12-imut atatillugu isigineqassaaq.

Nr. 11-mut

Siunnersuut suliffeqarfiit naatsorsuutinut allattaaviinik nakkutilliineq il.il. pillugit malittarisassat akileraaruserinermik ingerlatsineq pillugu Inatsisartut inatsisissaannut siunnersuummi tamakku pillugit malittarisassanik aqunneqarnissaata malitsigisaraaa. taamaammallu sulisoqarnermut akitsuut pillugu Inatsisartut inatsisissaannut siunnersuummi maleruagassat pisariaarullutik taamaammallu atorunnaartariaqarlutik.

Nr. 12-mut

Siunnersuut akileraaruserinermik ingerlatsineq pillugu Inatsisartut inatsisissaattut siunnersuut naapertorlugu akileraaruserinermi suliassat akileraaruseriffimmi katersorneqarnissaasa malitsigisaraa.

Siunnersuutigineqarpoq, Naalakkersuisut inatsisip matuma atuutsinneqarnissaanut pisariaqartumik malittarisassaliorsinnaanerat.

Nr. 13-mut

Siunnersuut allannguutissatut siunnersuummi nr. 9-mut atatillugu isigineqassaaq, missangersuilluni aningaasarsianik angissusiliisarnermi maleruagassat sulisoqarnermut akitsuummut siunnersuummit atorunnaarsinneqassasoq aammalu atuutsinneqarnerani akileraaruserinermik ingerlatsineq pillugu Inatsisartut inatsisissaattut siunnersuummi aaqqiivigineqarluni.

Nr. 14-imut

Siunnersuut § 11, imm. 2-miit 4-mut peerneqarnissaat pillugu siunnersuutip malitsigisaraa, takuuk allannguutissatut siunnersuummi nr. 12 naapertorlugu.