Aalisarnermut, piniarnermut nunalerinermullu tapersiisarneq pillugu inatsisartut peqqussutaata allanngortinneqarneranik inatsisartut peqqussutaat nr. 11, 20. november 2006-imeersoq.
(Akiligassallit nikinnerat, taarsigassarsiat taarsersorneri aamma aalisarnermut piniarnermullu tapersiisarneq pillugu aalajangersakkat peerneqarnerat)
§ 1
Aalisarnermut, piniarnermut nunalerinermullu tapersiisarneq pillugu inatsisartut peqqussutaanni nr. 10 12. november 2001-imeersumi ima allannguuteqartoqassaaq:
1. Inatsisartut peqqussutaata taaguutaa ima oqaasertalerneqassaaq:
"Nunalerinermut tapersiisarneq pillugu Inatsisartut peqqussutaat."2. § 1 ima oqaasertalerneqassaaq:
"§ 1. Nunalerinermik inuussutissarsiutip pissarsiviulluartartup unammillersinnaasullu siuarsarneqarnissaa siunertaralugu kapitali 2, 3-mi aamma 4-mi allassimasutut annertutigisunik inunnut ingerlatseqatigiiffinnulluunniit inuussutissarsiummik pineqartumik Kalaallit Nunaanni ingerlatsisinnaatitaasunut Kalaallit Nunaanni aalajangersimasumik najugaqartunut angerlarsimaffeqartunulluunniit Namminersornerullutik Oqartussat tapiissuteqarsinnaapput."3. § 2, nr. 4-imi, oqaatsit uku "angallatip imaluunniit" peerneqassapput.
4. § 2, nr. 7, ima oqaasertalerneqassaaq:
"7) Nunaateqarfimmik nutaamik ingerlatsilernissamut tapiissuteqartoqarsinnaanngilaq, taarsigassarsiniartoq pisortanut imaluunniit illumut/ineqarnermut tunngatillugu akiligassanik akilereersimasassanik akiligassaqarpat".5. Kapitali 2-mut taagummit oqaatsit uku "inuussutissarsiutinut ataasiakkaanut" peerneqassapput.
6. § 3 sioqqullugu qulequttap ataani qulequtaaraq peerneqassaaq.
7. §§-it 3-miit 8-mut peerneqassapput.
8. § 9 sioqqullugu ulequttap ataani qulequtaaraq peerneqassaaq.
9. § 16-ip kingorna kapitali 2-mi ilanngunneqassaaq:
"§ 16 a. Nunalerinermut tapersiisarnermut §§-it 9-miit 16-imut imaluunniit siusinnerusukkut malittarisassat malillugit, pigisat nalillit taarsigassarsiaritinnerinut tunngaviusut taarsigassarsiniartup nutaap tiguppagit, nunalerinermullu tapersiissutinik pissarsinissamut taarsigassarsiat tigunissannut piumasaqaatit taarsigassarsiaqalersup nutaap naammassippagit, tarsigassarsiaritinneqartut tunniunneqartutut Naalakkersuisut nalunaarutigisinnaavaat.10. Kapitali 4-mut qulequtaq ima oqaasertalerneqassaaq:
"Taarsigassarsiat taarsersorneri, pillaammik ernialiussat aamma akiliinngikkallarnissamik
kiisalu isumakkeerinermik aaqqissuussinerit".11. § 20 imm. 1, ima oqaasertalerneqassaaq:
"Inuussutissarsiutinut tapersiissutitut taasigassarsiat ernialersugaallutillu aalajangersimasumik amerliartuaartutut erniaallu ikiliartuaartutut taarsersorneqassapput."12. §§ 25-imiit 26-imut peerneqassapput.
13. § 27, imm. 1-imi oqaaseq "umiunerup" peerneqassaaq.
§ 2
Inatsisartut peqqussutaat ulloq 1. januar 2007 atuutilissaaq.
Namminersornerullutik Oqartussat, ulloq 20. november 2006
Hans Enoksen/
Finn Karlsen