12. november 2006

UKA 2006/44

 

Aalisarnermik piniarnermik nunalerinermillu inuussutissarsiutillit inuussutissarsiornerannik siuarsaaneq pillugu Inatsisartut peqqussutissaattut siunnersuummut

 

allannguutissatut siunnersuut.

Inatsisartut Aalisarnermut, Piniarnermut Nunalerinermullu Ataatsimiititaliaata peqqussutissatut siunnersuutip pingajussaaneerlugu suliarinissaanut saqqummiussaa.

Siunnersuutip taaguutaanut tunngatillugu

1. Siunnersuutip taaguutaa ima oqaasertalerneqassaaq:
"Uunga siunnersuut: Aalisarnermik piniarnermillu inuussutissarsiutillit inuussutissarsiornerannik siuarsaaneq pillugu Inatsisartut peqqussutissaattut siunnersuut nr. xx 2006-imeersoq."

§ 1-imut

2. § 1 ima oqaasertalerneqassaaq:
" § 1. Inatsisartut peqqussutiliaatigut siunertarineqartoq tassa aalisarnermik piniarnermillu inuussutissarsiutit naammassiviulluartartut unammillersinnaasullu siunissaq ungasinnerusoq isigalugu suliffissaqartitsisinnaasut siuasarnissaat suliniutitigut ungasinnerusoq isigalugu inooqatigiit aningaasarsiornerannut iluaqutaasinnaasutigut.
Imm. 2. Kapitalini 2-mi 3-milu oqaatigineqartut inuit ingerlatseqatigiilluunniit Kalaallit Nunaanni aalisarnermik piniarnermillu ingerlatsisinnaatitaasut inuussutissarsiorneq siuarsarniarlugu Naalakkersuisut inuussutissarsiutit siuarsarniarlugit taarsigassasitillugilluunniit tapiiffigisinnaavaat."

§ 3-mut

3. § 3, imm. 2, peerneqassaaq.

§ 4-mut

4. § 4, imm. 1, nr. 4, ima oqaasertalerneqassaaq:
"4) Takuneqarsinnaappat akuersissummik tunineqarnermut, aalisarnissamik akuerineqarnermut, aalisagartassinneqarnermut pisortanillu akuersissutinut allanut aallartinniakkanullu pisortanit akuersinissamut nalunaarneqarsimasoq peqqussut manna malillugu inuussutissarsiutinik siuarsaanissamut atatillugu taarsigassarsisitsisoqarsinnaavoq."

5. § 4, imm. 4, ima oqaasertalerneqassaaq:
" Imm. 4. Qinnuteqartoq angallammut ataatsimut taamaallaat inuussutissarsiut siuarsarniarlugu taarsigassarsisitsisoqarsinnaavoq. Tamanna atuupportaaq inuk taanna ingerlatseqatigiiffinnik ilivitsumik ilaannakuusumilluunniit arlalinnik piginnittuuppat."

§ 5-imut

6. § 5, imm. 1, ima oqaasertalerneqassaaq:
"Inuussutissarsiutigalugu nutaamik sanaamik umiatsiaararsiniarnermut Naalakkersuisut tapiisinnaapput inuussutissarsiutigalugu umiatsiaararsiassaq minnerpaamik isikkanik 16-inik annerpaamillu isikkanik 19-inik takissuseqarpat aammalu Kalaallit Nunaanni inuussutissarsiutigalugu umiatsiaarassatut akuerisaasimappat."

§ 7 sioqqullugu qulequttap ataani qulequtaaqqamut aamma § 7-imut

7. § 7 sioqqullugu ulequttap ataani qulequtaaraq aamma § 7, peerneqassapput.

Kapitali 4

8. Kapitali 4 peerneqassaaq.

§ 21-imut

9. § 21, imm. 3, peerneqassaaq.

§ 22-imut

10. § 22, imm. 3, ima oqaasertalerneqassaaq:
"Imm. 3. § 8, imm. 1 malillugu inuussutissarsiutit siuarsarniarlugit taarsigassarsisitsinermi nammineq aningaasaliissutit ilaqarsinnaapput pigisanik nalilinnik pissarsiariniakkap tamarmi nalinganut ilaasunik."

§ 23-imut

11. § 23, imm. 2-miit 5-imut, peerneqassapput.

§ 24-imut

12. § 24, imm. 1, ima oqaasertalerneqassaaq:
" Inuussutissarsiutit siuarsarniarlugit taarsigassarsiat aalisariummi inuussutissarsiut siuarsarniarlugu taarsigassarsiaqarfiusimasumi qularnaveeqquserneqartassapput. Qularnaveeqqut sapinngisamik pitsaanerpaamik prioriteteqartinneqassaaq."

§ 31-imut

13. § 31, nr. 5 aamma 6, peerneqassapput.

§ 32-imut

14. § 32, imm. 2, peerneqassaaq.

 

 

Siunnersuummut nassuiaatit

Nalinginnaasumik nassuiaatit

Nunalerinermik inuussutissarsiutilinnut inuussutissarsiummut siuarsaasarneq pillugu aalajangersakkat peqqussutissatut siunnersuummi peerneqassammata allannguutissatut siunnersuutip siullermik kingunerissavaa. Pineqartumi nunalerinermut tapiissutinut tunngasut iluarsaanneqarnissaasa tu-ngaanut aalisarnermut, piniarnermut nunalerinermullu tapiissuteqartarneq pillugu inatsisartut peqqussutaat atorlugu tamatuma kingorna nunalerinerup inuussutissarsiutitut siuarsaavigineqartarnera maleruagassiorneqaannarallartassaaq.

Aappassaatut umiatsiaaqqanik inuussutissarsiornermi atugassanik nutaatut sanaanut atavissumik motorilinnut tapiisoqarsinnaalernera allannguutissatut siunnersuutip kingunerissavaa. Peqqussutissatut siunnersuutaaqqaartumi inuussutissarsiutigalugu umiatsiaaqqanut nutaatut sanaanut ikkuttakkamik aquuteralalinnut pisinermi tapiissutit taamaallaat tunniunneqarsinnaapput.

Allannguutissatut siunnersuutip tunngavigisaanut tunngatillugu Inatsisartut Aalisarnermut, Piniarnermut Nunalerinermullu Ataatsimiititaliaata peqqussutissatut siunnersuutip aappassaaneerneqarnerani isumaliutissiissutaa innersuussutigineqassaaq.

 

Aalajangersakkanut ataasiakkaanut nassuiaatit

Nr. 1-imiit 5-imut
Nunalerinermik inuussutissarsiummut inuussutissarsiutitut siuarsaanerup peqqussutissatut siunnersuummit peerneqarnissaa allannguutitut siunnersuutit kingunerissavaat. Aalisarnermut, piniarnermut nunalerinermullu tapiissuteqartarneq pillugu inatsisartut peqqussutaat nr. 10 12. november 2001-imeersoq nunalerineq eqqarsaatigalugu atuutiinnassaaq.

Nr. 6-imut
Inuussutissarsiutitut umiatsiaaraq atavissumik motoreqarnersoq ikkuttakkamilluunniit aquuteralaqarnersoq apeqqutaatinnagu inuussutissarsiutitut umiatsiaaqqap nutaamik sanaap pissarsiarineqarneranut Naalakkersuisut tapiisinnaanerat allannguutitut siunnersuutip kingunerissavaa. Ikkutakkamik aquuteralaqarnissamik peqqussutaaqqaartukkut piumasaqaat taamaalilluni peerneqarpoq.

Nr. 7-imiit 14-mut
Nr. 1-imiit 5-imut nassuiaatit innersuussutigineqassapput.