5. oktober 2006

UKA 2006/36

 

Meeqqanik inuusuttunillu ikiorsiisarneq pillugu Inatsisartut peqqussutaanut allannguutissatut siunnersuut

pillugu

Inatsisartut Ilaqutariinnermut Ataatsimiititaliaata

ISUMALIUTISSIISSUTAA

siunnersuutip aappassaaneerneqarnerani saqqummiunneqartoq

Inatsiartut Ilaqutariinnermut Ataatsimiititaliaat suliarinninnermini ukuninnga inuttaqarpoq:

Inatsisartunut ilaasortaq Agathe Fontain, Inuit Ataqatigiit (siulittaasoq)
Inatsisartunut ilaasortaq Thomas Kristensen, Atassut (siulittaasup tullia)
Inatsisartunut ilaasortaq Agnethe Davidsen, Siumut
Inatsisartunut ilaasortaq Tommy Marø, Siumut
Inatsisartunut ilaasortaq Astrid Fleischer Rex, Demokraatit

Inatsisartut Ilaqutariinnermut Ataatsimiititaliaata ulloq 22. September 2006-imi siunnersuummik siullermeerinnerup kingorna siunnersuut oqaaseqaatitai ilanngullugit misissuataarpaa.

Tusarniaaneq pillugu akissutit

Siunnersuutip ilusiligaanera pissutigalugu allannguutissatut siunnersuut tusarniaassutigineqarsimanngimmat Ilaqutariinnermut Ataatsimiititaliap tusaatissatut tiguvaa.

Siunnersuut pillugu

Angajoqqaarsianut atugassarititaasut sukumiinerusumik malittarisassiuussisoqarnissaannut Naalakkersuisut ersarissumik piginnaatinneqarnissaat siunnersuummi siunertarineqarpoq.

Angajoqqaarsiaasartut meerarsianut kaasarfimmiuinik atisarsiutinullu akiliuteqartarnerannut tunngavissiinissaq peqqussutip allanngortinneqarnissaatut siunnersuutikkut qularnarunnaarsinneqarnissaa siunnersuummut oqaaseqaatini erseqqissarneqarpoq.

Taama naatsumik oqaaseqarluni siunnersuut ilusimisut iluseqartoq taperserneqassasoq, siunnersuullu ataatsimiititaliamut ingerlateqqinnagu pingajussaaneerneqassasoq Ilaqutariinnermut Ataatsimiititaliap isumaqatigiittup inassutigaa.

 

	Agathe Fontain Siulittaasoq
Thomas Kristensen		Agnethe Davidsen
Tommy Marø		Astrid Fleischer Rex