22. maj 2006 UPA 2006/25
Allannguutissatut siunnersuut
uunga
Uunga siunnersuut: Suliffeqanngikkallarnermi ikiorsiissutit pillugit Inatsisartut peqqussutaannut Inatsisartut peqqussutaat nr. xx, xx. xx 2006-imeersoq
Siunnersuutip pingajussaaneerneqarneranut Naalakkersuisut saqqummiussaat
§ 2-mut
1. I § 2, imm. 4, 1-imi. allanngortinneqassaaq, "soorlu" imatut: "pissutigalugu".
§ 4-mut
2. § 4, imm. 2-p kingorna nutaatut ilanngutissaaq:
"Imm. 3. Sulisitsisoq piaaraluni suliffeqanngikkallarnermi ikiorsiissutinik pisassarinngisanik akiliinermik kinguneqartumik angerlartitsinissamut kukkusumik uppernarsaateqarluni imaluunniit mianersuaalliorujussuarluni angerlartitsippat, suliffeqanngikkallarnermi ikiorsiissutit akilerneqartut amerlaqataanik kommunalbestyrelsi akiliisitsisinnaavoq.".Tasssuma kingorna imm. 3 aamma 4 imaalissapput imm. 4 aamma 5.
§ 6-imut
3. § 6, imm. 1-imi, piissaaq: "pisussaatitaaffeqarlutillu".
4. § 6, imm. 2, imatut oqaasertaqassaaq:
"Imm. 2. Kommunalbestyrelsi suliffissaqanngitsoq angerlartitaasorluunniit isumasioqatigalugu inummut tassunga iliuusissatut pilersaarusiussaaq, kisiannili imm. 4 takuuk.".
§ 7-imut
5. § 7 imm. 3, nr. 1-imi, allanngortinneqassaaq "Peqqissuseq pissutsinullu allanut tunngatillugu suliffigilersinnaasaanik," imatut: "peqqiissuseq pissutigalugu suliamik naammassisinnaanngippat ".
§ 8-mut
6. § 8, imm. 3-mi, "sapaatit akunneri 2 sinnerlugit" imatut allanngortissaaq: "sapaatit akunneri 2 sinnerlugilluunniit".
§ 11-mut
7. § 11 imm. 1-ip kingorna immikkoortutut nutaatut ilanngutissaaq:
"Imm. 2. Angerlartitaasoq suliffigisamit soraassagaluaruniluunniit suliffissap innersuussutigineqartup tigunissaanut pisussaaffeqarpoq.".Taassuma kingorna imm. 2 aamma 3 imaalissapput imm. 3 aamma 4.
Siunnersuummut oqaaseqaatit
Oqaaseqaatit nalinginnaasut
1. Aallaqqaasiut
Inatsisartut Inuussutissarsiornermut Ataatsimiititaliaata suliffeqanngikkallarnermi ikiorsiissutit pillugit siunnersuummik misissuinerit tunngavigalugu allannguutissatut siunnersuusiorneq pisariaqartinneqarpoq.
§ 2-mut siunnersuummut oqaaseqaatini oqaaseqatigiit uku peerneqarput: "Inuk atorfimminiit nammineerluni soraartoq, tamatumalu kingorna eqqartuussinikkut imaluunniit pineqartup kattuffiata aamma sulisitsisup akornanni isumaqatigiinniartoqareernerata kingorna taperserneqarpat pineqartoq soraarnissaminut naleqquttumik pissutissaqarsimasoq, taava kingumoortumik atuutilersumik suliffeqanngikkallarnermi ikiorsiissutisiaqarsinnaatitaavoq."
Peqqussummut siunnersuutip suliarineqarnerani immikkoortoq siusinnerusukkut peerneqarsimasariaqaraluarpoq. Taamaammat oqaaseqaatit qanoq paasineqarnissaannut ilanngussami taanna ilaassanngilaq.
Aammattaaq siunnersuummut oqaaseqaatini § 2-mi una ilanngunneqarneqartoq:
"Allannguinerit ingerlatassatullu pilersaarutit allat ingerlatsinermi nalinginnaasumi nalinginaasumik ilaasut peqqussummi ilaatinneqanngillat" uuma siornatigut ikkunneqarpoq: "Peqqussulli nunami suliffissuarnut taamaallaat atuuttussanngorlugu killilerneqarpoq." Siunertaavoq suliffeqanngikkallarnermut ikiorsiissutisinissamut piumasaqaatit erseqqissarnissaat.
Aammattaaq siunnersuummut § 7, imm. 3, nr. 1-imut oqaaseqaatit uku peerneqarput:
"Suliffeqanngikkallarnermi ikiorsiissutisiaqarnissamut pisartagaqarnissamut piumasaqaataavoq suliffissaaleqisup suliffimmik suliffigilersinnaasaminik innersuunneqarsinnaanginnera. Aalajangersakkami isiginiarneqarput peqqissutsikkut pissutsit aammalu pissutsit allat. "Pissutsit allat"-ni eqqarsaatigineqarput meqqanik paarsisussamik ajornartorsiuteqarnerit, ilaqutariinnerup iluani akornutaasinnaasut allat, suliffiup orninnissaanut angalaniarnikkut ajornartorsiutit imaluunniit ilinniagaqassutsikkut piginnaasatigut amigaateqarneq."
Tassunga taarsiullugu imatut oqaasertaqassaaq: "Suliffeqanngikkallarnermi ikiorsiissutisiaqarnissamut pisartagaqarnissamut piumasaqaataavoq suliffissaaleqisup sullifigisinnaasaanik suliffimmik suliffigilersinnaasaminik innersuunneqarsinnaanginnera. Aalajangersakkami peqqinnermut pissutsit isiginiarneqarput."
2. Siunnersuutip immikkoortui pingaarnerit.Allannguutissatut siunnersuut imaqarpoq suliffeqarfiit sorliit angerlartitsinissamut aalajangersakkanut ilaatinneqarnerinik aallaserinninnermik. Aammattaaq allannguutissatut siunnersuummi erseqqissarneqarpoq kommunalbestyrelsip aamma suliffissaaleqisup angerlartitaasulluunniit inunnut ataasiakkaanut iliuusissatut pilersaarutip suliarinerani inissisimanerannik.
3. Pisortanut aningaasatigut allaffissornikkullu kingunissaiAllannguutissatut siunnersuut pisortanut aningaasatigut allaffissornikkullu kinguneqanngilaq.
4. Suliffissaaleqisumut aningaasatigut allaffissornikkullu kingunissaiAllannguutissatut siunnersuut suliffissaaleqisumut aningaasatigut allaffissornikkullu kinguneqanngilaq.
5. Inuussutissarsiortunut aningaasatigut allaffissornikkullu kingunissaiAllannguutissatut siunnersuut sulisitsisumut taamaallaat aningaasatigut kinguneqarsinnaavoq, taanna piaaraluni mianersuaalliorujussuarluniluunniit angerlarsitsinissamik kukkusumik uppernarsaasiorpat.
6. Avatangiisinut pinngortitamullu kingunissaiAllannguutissatut siunnersuut avatangiisinut pinngortitamullu kinguneqartussaanngilaq.
7. Naalagaaffeqatigiinnermi namminersornermilu pissutsitAllannguutissatut siunnersuut Naalagaaffeqatigiinnermut namminersornermullu kingunissaqanngillat.
8. Pisortanik kattuffinnillu tusarniaaneqSiunnersuutip isikkua pissutigalugu siunnersuut tusarniaassutigineqanngilaq.
Peqqussutissatut siunnersuummi aalajangersakkanut ataasiakkaanut oqaaseqaatit
Nr. 1-imut
Aalajangersagaq aalajangersaataaqqaarsimasunik naqqiineruvoq erseqqissaataallunilu
Nunami suliffissuarnut ilaatigut ilaapput nalinginnaasumik tunisassiorfiit, sullissilluni suliffiit kiisalu sanaartornermi suliffiit. Angerlartitsineq pillugu aalajangersakkat aamma atuupput sullissinermi sulisunut, taakku suliffeqarfiup tunisassiornerata unitsinneqarneranik eqqugaagaangata.
Nr. 2-mutAalajangersakkami killilersorneqarpoq sulisitsisoq suliffeqanngikkallarnermi ikiorsiissutinik pisartakkanik pisassarinngisanik akiliinermik kinguneqartumik piaaraluni mianersuaalliorujussuarluniluunniit angerlarsitsinissamik kukkusumik uppernarsaasiorpat. Taamatut pisoqartillugu suliffeqanngikkallarnermi ikiorsiissutit akilerneqartut sulisitsisumit utertinneqarsinnaapput, angerlartinneqartumit utertinneqaratik. Tamassuma aningaasat ataasiaannarluni utertinneqarsinnaanerisa kinguneraa.
Nr. 3-mutAalajangersagaq aalajangersagaaqqaasumut naqqiutaavoq, tassa oqaaseq pisussaaffik" pisariaqanngimmat, taassuma kingorna aalajangersakkani takuneqarsinnaammat suliffissaaleqisumit imaluunniit angerlartitaasumit suut piumasaqaataanersut
Nr. 4-mutAalajangersagaq aalajangersagaaqqaasumut naqqiutaavoq, taamaalilluni inunnut ataasiakkaanut iliuusissatut pilersaarusiornermut atatillugu suleqatigiittoqarnissaa nalornissutigineqassanngimmat, taassumalu piviusorsiortumik iliuusissatut pilersaarusiorusussuseq siuarsassavaa.
Nr. 5-imut"pissutsinullu allanut tunngatillugu," peerneqarpoq, tassa pissutsit taakku qanorluunniit pisoqaraluarpat inunnut ataasiakkaanut iliuusissatut pilersaarummi qulaajarneqartussaammata.
Tassunga taarsiullugu ilannguneqarpoq "pissutigalugit", taannalu peqqissutsimut" tunngatinneqarpoq.
Nr. 6-imutAalajangersagaq aalajangersagaaqqaartumut naqqiutaavoq, taamaalilluni suliffeqanngikkallarnermi ikiorsiissutit sapaatip akunnerinik 2-nik sivisunerusumillunniit napparsimasoqartillugu ullormiit siullermiit akilerneqarsinnaasunngorlugit.
Nr. 7-imutAalajangersakkami angerlartitaasup suliffeqanngikkallarnermi ikiorsiissutinik pisartagaqartup suliartoqqusaariataarnissamut pisussaaffiata annertussusaa erseqqissarneqarpoq. Tassunga pissutaavoq suliartoqqusaariataarsinnaanermut pisussaffiliinermi angerlartitaasup suliffeqarfinnut atassuteqaannarnissaanut piumassuseqalersinniarneqarmat.