bkg_nr_14-2006

Akoorutissat qaartuujasut pillugit Namminersornerullutik Oqartussat nalunaarutaat nr. 14, 21. august 2006-imeersoq

Ikuallannaveersaartitsineq qatserinerlu pillugit Inatsisartut peqqussutaanni nr. 6-imi, 30. oktober 1992-imeersumi § 25, imm. 1 aamma § 26, imm. 2 naapertorlugit aalajangersarneqarput:

Kapitali 1
Atuuffia nassuiaatillu

Atuuffia

§ 1. Nalunaarummi pineqarput akoorutissanik atortussianillu § 3, nr. 1-4-imi taaneqartunik illuliornermut sanaartornermullu atatillugu atorneqartussanik tunniussinissaq toqqortaqarnissaq, assartuinissaq, pisinissaq atuinissarlu kiisalu suliffeqarfiit akoorutissanik atortussianillu taamaattunik toqqortaqarfiusut, atuiffiusut sanaffiusartullu aaqqissugaanissaat.

§ 2. Nalunaarummi pineqanngillat:
1) Aatsitassarsiorneq allatulluunniit aatsitassanik ikummatissanillu misissuineq piiaanerlu, pissutigalugu aatsitassarsiornermut allatulluunniit aatsitassanik ikummatissanillu misissuinermut piiaanermullu atatillugu akoorutissat atortussiallu § 3, nr. 1-4-mi taaneqartut pillugit atugassarititaasut suulluunniit oqartussaasunit akuersissuteqarsinnaatitaasunit aalajangersarneqartarmata.
2) Akoorutissat atortussiallu § 3, nr. 1-4-mi taaneqartut kiisalu imassat sakkutuunut politiinullu atugassatut naatsorsuussat.
3) Qummoroortaatit, ajunaalernermi kalerrisaarutit qamutilinnullu naalikkat qaartartortallit.
4) Aallaasit imassaat.

Nassuiaatit

§ 3. Nalunaarummi pineqartut imatut paasineqassapput:
1) Qaartuujasut: Akoorutissat suikkaasut imerpalasulluunniit, imaluunniit akoorutissat akuleriit kemiskimik qisuariarnerminni gassinik pilersitsisinnaasut, kissarneqarnermikkut naqitsineqarnermikkullu aammalu ima sukkatiginermikkut allaat avatangiisiminnut ajoqusiisinnaallutik.
2) Akoorutissat pyrotekniskiusut: Akoorutissat imaluunniit akoorutissat akuleriit qaartinneqannginnermikkut, namminneerlutik ikikkarnermikkut, kissamik pilersitsinikkut, kemiskimik qisuariarnikkut kissamik, qaamanermik, nipimik, gassinik putsumilluunniit taakkunaniluunniit arlallit akuleriisillugit sunniuttussatut naatsorsuussaasut.
3) Atortussiat qaartuujasut: Atortussiat akoorutissanik qaartuujasunik aamma/imaluunniit akooruissanik pyrotekniskiusunik ataatsimik amerlanerusunilluunniit imaqartut.
4) Akoorutissat atortussiallu: Akoorutissat atortussiallu nr. 1-3-mi taaneqanngitsut, kisiannili qaartitsinermi imaluunniit pyrotekniskiusumik sunnerneqarnermi naleqquttumik sunniuteqartitsinissamik siunertaqarluni sananeqarsimasut.
5) Qaartiterutissat kukuttaatillu: Ikkussukkat taamaattut, qaartiterutissanik imaluunniit kukuttaatinik allanik qaartitsinissamut pisariaqartut, imaluunniit qaartartorpianut, taamaalilluni qaatitsisoqarsinnaassalluni.
6) Qaartartuusiviit: Containerinik qaartartuusiviit, illerfiit qaartartuusiviit, sikaaviit qaartartuusiviit, illut aamma nunap iluani toqqorsiviit.
7) Akoorutissat qaartuujasut pingaarnerit: Akoorutissaq qaartuujasoq kissamut, tagiunnermut aamma/imaluunniit kalluunnermut immikkut malussajasorujussuaq. Akoorutissat qaartuujasut pingaarnerit aammattaaq kukuttaasiassanik imaluunniit kukoqqaasiassanik taaneqartarput. Taakku kukujanertik pissutigalugu ikummatissiassat akoorutissallu qaartujasut qaartissinnaanerinut imaluunniit akoorutissat pyrotekniskiusut kukunneqarsinnaanerinut immikkut piginnaaneqarput.
8) Akoorutissat qaartuujasut pingaannginnerit: Akoorutissaq qaartuujasoq kissamut, tagiunnermut aamma/imaluunniit kalluunnermut malussajavallanngitsut. Akoorutissat qaartuujasut pingaannginnerit aamma ikummatissiassatut imaluunniit paassatut taaneqartarput.
9) Ataatsimoortinneqarsinnaasut B: Atortussiat immikkoortitikkat akoorutissanik qaartuujasunik pingaarnernik imaqartut, aammalu minnerpaamik pitsaasunik marlunnik isumannaallisaateqanngitsut. Atortussiat ilai, soorlu qaartiterinermi detonatorit, detonatorit katitikkat qaartartullu tassunga aamma ilaatinneqarput, naak taakku akoorutissanik qaartuujasunik pingaarnernik imaqanngikkaluartut.
10) Ataatsimoortinneqarsinnaasut D: Akoorutissat qaartuujasut pingaannginnerit immikkoortitikkat, paassat qernertut imaluunniit atortussianik akoorutissanik qaartuujasunik pingaannginnernik qaartussianik imallit, pineqartuni tamaginni namminerisaminnik kukuttaateqanngitsut aammalu qaartoorsinnaasunik atortoqanngitsut, imaluunniit akoorutissanik qaartuujasunik pingaarnernik imaqartut, aammalu minnerpaamik pitsaasunik marlunnik isumannaallisaateqartut.
11) Ataatsimoortinneqarsinnaasut S: Akoorutissat imaluunniit atortussiat imatut poortugaasut imaluunniit ilusiligaasut ulorianaatigisinnaasaat kukkuneqarnermik kingunerisaanik poortamiiginnarluni, tamatumani poortuutaasoq ikuallannikkut aserorneqarsimanngippat. Taamatut pisoqarnerani tamaginni naqitsinerup qaartartullu aseqquisa igeriunneqarnerisa sunniutigi-sinnaasai killilersorneqassapput, taamaalillutik qatserinermi allatulluunniit poortap qanitaani annaassiniarnermi annertuumik ajoqutaassanatik akornutaassatillu.

§ 4. Suliffeqarfinni akoorutissanik atortussianillu § 3, nr. 1-4-mi taaneqartunik sanasartuni aamma atortut angallattakkat, akoorutissanik atortussianillu § 3, nr. 1-4-mi taaneqartunik akoorivissatut naatsorsuussat pineqarput.
Imm. 2. Nalunaarummi matumani tunniussineq aamma tunisinertut paasineqassaaq.
Imm. 3. Entreprenørip suliffeqarfia tassaavoq entreprenørip niuerfia/toqqorsivia, imaluunniit nunaminertamik tunineqarfigisaa.
Imm. 4. Nalunaarummi matumani akoorutissat atortussiallu § 3, nr.. 1-4-mi taaneqartut pillugit akuersissummi nunat tamat akornanni aqqusinikkut usinik ulorianartunik assartuisarneq pillugu Europami isumaqatigiissut/ Agreement concerning the International Carriage of Dangerous Goods by Road (ADR) innersuussutigineqarpoq. Akoorutissat atortussiallu § 3, nr. 1-4-mi taaneqartut tamarmik ADR-imi ulorianaatilittut 1-itut immikkoortiterneqarasimapput.

Kapitali 2
Suliffeqarfiit ilusilersugaaneri

§ 5. Akoorutissanik atortussianillu § 3, nr. 1-4-mi taaneqartunik sananissap aallartinneqan-nginnerani akoorutissanut qaartuujasunut naalakkersuisoq akisussaasusoq suliffeqarfiup ilusilersugaaneranut akuersitinneqaqqaartussaavoq.
Imm. 2. Imm. 1 naapertorlugu akuerineqarnissamik qinnuteqaat akoorutissanut qaartuujasunut naalakkersuisumut nassiunneqartoq uppernarsaatinik ukuninnga ilaqartinneqassaaq:
1) Aarlerinanngitsunik avatangiiseqarluni sananissamut naammattunik sulisussaqartoq atortussaqartorlu.
2) Sananeq akoorutissanik atortussianillu § 3, nr. 1-4-mi taaneqartunik sananissamut pitsaassuserititassat nalinginnaasut naapertorlugit pissasoq.
3) Atortuutit suliarineqartarnissaannut aserfallatsaaliorneqarnissaannullu pilersaarummik peqartoq.
4) Qinnuteqartoq akoorutissanik atortussianillu § 3, nr. 1-4-mi taaneqartunik toqqorsiviusinnaasumik qaartartuusivimmik akuerisaasumik peqartoq.

§ 6. Ikuallattoornissamut qaartoornissamullu pitsaaliuinermut atatillugu akoorutissanut qaartuujasunut naalakkersuisoq suliffeqarfiup ilusilersugaanerata akuerineqarnissaanik qinnuteqaammut itigartitsisinnaavoq, akuersissuteqarnermi inuit, uumasut imaluunniit pigisat aalaakkaasut annertuumik ulorianartorsiortinneqartussatut naliliiffigineqarpat.

§ 7. Suliffeqarfinnut akoorutissanik atortussianillu § 3, nr. 1-4-mi taaneqartunik sanasartunut ilanngussaq 1 atuuppoq.
Imm. 2. § 5, imm. 2 naapertorlugu qinnuteqaatit ataasiakkaat suliarinerini akoorutissanut qaartuujasunut naalakkersuisoq akisussaasuusoq aalajangiisinnaavoq, suliffeqarfinnut akoorutissanik atortussianillu § 3, nr. 1-4-mi taaneqartunik, immikkut ittumik qaartiterinermut tunngasunik sanasartunut imaluunniit pissutsit tamanna pisariaqartippassuk, isumannallisaanermi ungasissusissat allaanerusut atuutissasut.

Kapitali 3
Tunniussineq

§ 8. Akoorutissat atortussiallu § 3, nr. 1-4 taaneqartut Kalaallit Nunaanni akoorutissanut qaartuujasunut naalakkersuisoq akisussaasuusoq akuersiteqqaarnagu allanut tunniunneqarnissaat inerteqqutaavoq.
Imm. 2. Imm. 1 naapertorlugu akuersissutit taamaallaat inuussutissarsiuteqarnermut tunngatillugu tunniussinertut nalunaarutigineqarsinnaapput.

§ 9. Akoorutissanik atortussianillu § 3, nr. 1-4-mi taaneqartunik tunniussinissamut akuersissut qinnuteqartoqareerneratigut qaartartuusivinnik akuerisanik, toqqortassatut kissaatigineqartut amerlassusaannut naleqqiullugu naammattunik amerlassusilinnik pigisaqartumut nalunaarutigineqassaaq.
Imm. 2. Imm. 1 naapertorlugu qinnuteqaat akoorutissanut qaartuujasunut naalakkersuisumut nassiunneqassaaq.

§ 10. § 9, imm. 1 naapertorlugu akuersissummik qinnuteqarnermi qinnuteqartup akoorutissanik atortussianillu § 3, nr. 1-4-mi taaneqartuni sorpiaat tunniussinermi pineqarnersut paasissutissiissutigissavai.
Imm. 2. Akoorutissanut qaartuujasunut naalakkersuisoq akisussaasuusoq akuersissummik qinnuteqaammut itigartitsisinnaavoq, akoorutissanik atortussianillu § 3, nr. 1-4-mi taaneqartuni qinnuteqaammi suussusissatut allanneqartut assersuutigalugu piginnaaneqarnertik pitsaassusertillu peqqutigalugit akuerineqarsinnaanngippata.

§ 11. Akoorutissat atortussiallu § 3, nr. 1-4-mi taaneqartut Kalaallit Nunaanni tunniunneqartut CE-mik nalunaaqutsersorsimassapput.

§ 12. Kialuunniit akoorutissanik atortussianillu § 3, nr. 1-4-mi taaneqartunik tunniussinissamut akuersissummik pigisaqartup qulakkiissavaa:
1) Akoorutissanik atortussianillu § 3, nr. 1-4-mi taaneqartunik tuniussineq taamaallaat § 76 naapertorlugu akuersissummik pigisaqartunut pisassammat. Akuersissut tunniussinerni tamaginni takutinneqartassaaq.
2) Tunniussineq §§ 48-50 naapertorlugit pissaaq.
Imm. 2. § 9, imm. 1 naapertorlugu akuersissummik pigisaqartup tunniussinerni tamaginni tunniussat amerlassusaat pisisup akoorutissanik atortussianillu § 3, nr. 1-4-mi taaneqartunik pisinissamut atuinissamullu akuersissutaata tunuani tunniunneqartut amerlassusaat allassavai.

Kapitali 4

Qaartiterutissanik toqqortaqarneq, pisortatut akisussaasussamik toqqaaneq kiisalu qaartartuusivinnik akuersissuteqarneq

Aalajangersakkat ataatsimoorussat

§ 13. Akoorutissanik atortussianillu § 3, nr. 1-4-mi taaneqartunik akoorutissanut qaartuujasunut naalakkersuisoq akisussaasuusoq akuersiteqqaarnagu toqqortaqarnissaq inerteqqutaavoq.
Imm. 2. Akoorutissanik atortussianillu § 3, nr. 1-4-mi taaneqartunik toqqortaqarnissamut akuersissummik imm. 1 naapertorlugu qinnuteqaat, § 14, imm. 2 naapertorlugu qartartuusivinnik akuersissummik qinnuteqaammut ilanngullugu akoorutissanut qaartuujasunut naalakkersuisumut nassiunneqassaaq.

§ 14. Akoorutissat atortussiallu § 3, nr. 1-4-mi taneqartut qaartartuusivimmi akuerisami toqqortarineqassapput, nalunaarummi matumani allatut aalajangersaasoqarsimanngippat.
Imm. 2. Imm. 1 naapertorlugu qaartartuusivimmut akuersissummik qinnuteqarnermi ilan-ngussaq 2-mi qinnuteqarfissatut immersugassaq immersorneqassaaq, aammalu akoorutissanut qaartuujasunut naalakkersuisumut nassiunneqassalluni.
Imm. 3. Qaartartuusivimmut akuersissuteqartoqassaaq, qinnuteqaat makkuninnga imaqarpat:
1) Qinnuteqartup aqqa.
2) Qaartartuuvimmi pisortatut akisussaasoq taassumalu sinniisissai marluk pillugit paasissutissat, tak. § 16 aamma § 17, imm. 1.
3) Qaartartuusiviup inissiffissaa eqqarsaatigalugu nalunaarummi piumasaqaataasut naammassineqarsimanerinut uppernarsaatit titartaganngorlugit suliat.
4) Qaartartuusiviup assingi, iluaniit silataaniillu.
5) Nunaminertamut qaartartuusiviup inissinneqarfigisaanut tunngatillugu nunaminertanik atugassiisartunit nunaminertamik tunineqarnermut uppernarsaatip assilinera.
6) Maleruagassat suut naapertorlugit qaartartuusivik uppernarsarneqarsimanersoq taaneqassaaq, tak. § 15.
Imm. 4. Imm. 3 naapertorlugu akuersissutip nalunaarutigineqarneranut ilanngullugu qanoq annertutigisut qaartartuusivimmiitinneqarsinnaanersut nalunaarutigineqassaaq.
Imm. 5. Akoorutissanut qaartuujasunut naalakkersuisoq akisussaasuusoq imm. 3 naapertorlugu akuersissuteqarnermini piumasaqarsinnaavoq, ilanngullugu piumasaqaatigisinnaallugu:
1) Kalerrisaarutinik, tillinniarnerup tillinniariaraluarnerulluunniit akornusernissaanut naammattunik ikkussuinissaq.
2) Isernissamut pissusilersornissamullu killilersuutinik immikkut ittunik ikkussuinissaq, tassunga ilanngullugu qaartartuusivimmut aqqusinermi assiaqusersuineq.
3) Qajannaarsaatinik ikkussuinissaq, taamaalilluni aallaammik seqqortoqartillugu aqerluanik qaartartuusivik putuneqarsinnaassanani.
Imm. 6. Qaartartuusivimmi akuerisaareersuni allannguinerni tamaginni, tassunga ilaallutik qaartartuusiviup ilusaanik, inissititerneranik, inaanik ungaluinilluunniit allannguinerit, siumoortumik naalakkersuisoq akisussaasuusoq akuersiteqqaarneqartariaqarpoq.

§ 15. § 14, imm. 3, nr. 6 naapertorlugu uppernarsaaneq pisinnaavoq assersuutigalugu maleruagassat uku malillugit:
1) Beredskabsstyrelsen - Sprängämnesinspektionen/Reddningsverket SÄIFS 1989:8 (svenskit).
2) Direktoratet for brann- og eksplosjonsverns Veiledning, 2000-imi februaarimeersoq (norskit).
3) Natural Resources Canada Storage Standards for Industrial Explosives May 2001 (canadamiut).
4) Ilitsersuutit malitassallu allat nr. 1-3-mi taaneqartunut assingusut, qinnuteqarnermi uppernarsaatit malitassallu saqqummiunneqarpata.
Imm. 2. Qaartartuusiviup uppernarsarneqarsimanerata minnerpaamik kinguneraa, piumasaqaatit uku naammassineqarsimasut:
1) Qaartartuusivik sisammik minnerpaamik 5 mm-inik issussusilimmik atortussiamilluunniit tassunga assingusumik sananeqarsimassaaq.
2) Qaartartuusivik silaannarissagaassaaq. Silaannarissarfik sunniuteqarluartumik ungaloqassaaq, taamaalilluni taanna aqqutigalugu isaasoqarsinnaajunnaarsitsisoqassalluni.
3) Qaartartuusiviup matuata qiversartui silataaniit peerneqaraluarpata matua peerneqarsinnaajunnaarlugu sanaajussapput.
4) Matu matup paarnaarsaataanik ajallugit pulatittakkanik saavatigut/qulaatigut/ataatigut pi-lerneqassaaq. Paarnaarsaatit ajallugit pulatittakkat ilummut akkisimaneri minnerpaamik 19 mm-inik akkisimassapput.
5) Matup matserfiullu kannera 3,05 mm-imiit ipitunerussanngilaq.
6) Matup ilua plademik sisammik minnerpaamik 5 mm-imik qallerneqarsimassaaq, aammalu matu qeratasuunngorlugu qajannaallisarneqarsimassalluni.
7) Matu silammut ammartartuussaaq.
8) Matu minnerpaamik ataatsimik pulatitamik paarnaarsaateqassaaq. Sisak assiaqutissaq, minnerpaamik 60 x 10 mm-inik angissusilik matuersaaserfimmut pulatitamut assiaqutigine-qassaaq. Assiaqut paarnaarsaammik nivingasumik, 4/5-imik pitsaassusilikkamik paarnaarsaaserneqassaaq, taassumalu ilusilingaanermigut paarnaarsaatip nivingasup naatittarfia assersimassavaa. Assiaqut assiaqutip qajannaassusianut naleqquttumik aalajangigaassaaq, silataaniillu peerneqarsinnaassanani.

§ 16. § 14, imm. 3, nr. 2 naapertorlugu qaartartuusivimmi pisortatut akisussaasuusoq taassumalu sinniisissai marluk akoorutissanik atortussianillu § 3, nr. 1-4-mi taaneqartunik passussinissamut sungiussisimasuussapput.
Imm. 2. Pisortatut akisussaasuusoq taassumalu sinniisissai marluk § 14, imm. 3, nr. 2 naapertorlugu qinnuteqaatip nassiunneranut atatillugu akoorutissanut qaartuujasunut naalakkersuisoqarfimmut nalunaarutigineqassapput.

§ 17. § 16, imm. 2 naapertorlugu qaartartuusivimmi pisortatut akisussaasuusup taassumalu sinniisissaasa marluk pillugit nalunaarut paasissutissanik ukuninnga imaqassaaq:
1) Ateq.
2) Najugaq.
3) Inuup normua.
4) Oqarasuaatip normua.
Imm. 2. Qaartartuusiviup pisortaa akisussaasoq imaluunniit taassuma sinniisissai taarserneqarpata, tamanna erngerluni akoorutissanut qaartuujasunut naalakkersuisoqarfimmut nalunaarutigineqassaaq.

§ 18. § 4, imm. 4 naapertorlugu akoorutissat qaartuujasut immikkoortitikkat ataatsimoortinneqarsinnaasunut kattullugit usilersuunneqarnissamut akuerisanut ilaanngitsut taamaallaat ilanngussaq 3-mi takussutissiamut ilaappata qaartartuusivimmi ataatsimut toqqortarineqarsinnaapput imaluunniit ataatsimut usilersuinermut ilanngunneqarsinnaallutik.

Illerfiit, sikaaviit containerillu sisaat qaartartuusiviit

§ 19. Illerfiit qaartartuusiviit sikaaviillu qaartartuusiviit qaarsumut aalaakkaasumut, plademut betoniusumut imaluunniit containerimi sisammi sanaami iikkamut natermullu aalajangerneqarsimassapput. Akoorutissat atortussiallu § 3, nr. 1-4-mi taaneqartut eqqussorneqartinnagit imaluunniit annissorneqartinnagit containeri sisammik sanaaq matoqqassaaq paarnaaqqassallunilu.
Imm. 2. Containerimut sisammik sanaamut, illerfiup qaartartuusiviup imaluunniit sikaaviup qaartartuusiviup aalajangersimaffianiittumut atortunik allanik toqqorterisoqassanngilaq.
Imm. 3. Illerfik qaartartuusivik, sikaavik qaartartuusivik imaluunniit containeri sisammik sanaaq, illerfimmik qaartartuusivimmik imalunniit sikaavimmik qaartartuusivimmik imalik minnerpaamik 180 cm-imik portussusilimmik ungaluneqarsimassaaq, nunamut attuutsivillugu sukaruserneqarsimasumik, aammalu qulaatigut siuleriinnik pingasunik 15 cm-ikkaanik akunnilinnik kapinartulersukkamik ungerutissialersugaasumik, illerfimmit qaartartuusivimmit, sikaavimmit qaartartuusivimmit imaluunniit containerimit sisammik sanaamit 45 gradinik uingasunngorlugit ikkussugaasumik.
Imm. 4. Ungalup matui minnerpaamik 180 cm-inik portussuseqassapput, aammalu qulaatigut siuleriinnik quleriinnik pingasunik 15 cm-ikkaanik akunnilinnik kapinartulersukkamik ungerutissialersugaassallutik, illerfimmit qaartartuusivimmit, sikaavimmit qaartartuusivimmit imaluunniit containerimit sisammik sanaamit 45 gradinik uingasunngorlugit ikkussugaasumik.
Imm. 5. Ungalut illerfimmit qaartartuusivimmit, sikaavimmit qaartartuusivimmit imaluunniit containerimit sisammik sanaajusumit, illerfimmik qaartartuusivimmik imalunniit sikaavimmik qaartartuusivimmik imaqartumit 2 m-init qaninnerussanngillat.
Imm. 6. Aalajangersakkat uku illerfinnut qaartartuusivinnut imaluunniit sikaavinnut qaartartuusivinnut atuutissanngillat: § 16, imm. 2, nr. 4, § 17, imm. 2, nr. 2-8, § 44, nr. 3-5, aamma § 62.

Nunami ammaannartumi qaartartuusiveqarneq

§ 20. Qaartartuusivik minnerpaamik 180 cm-imik portussusilimmik ungaluneqarsimassaaq, nunamut atuutsivillugu sukaruserneqarsimasumik, aammalu qulaatigut siuleriinnik pingasunik 15 cm-ikkaanik akunnilinnik kapinartulersukkamik ungerutissialersugaasumik, qaartartuusivimmit 45 gradinik uingasunngorlugit ikkussugaasumik.
Imm. 2. Ungalut matui minnerpaamik 180 cm-inik portussuseqassapput, aammalu qulaatigut siuleriinnik pingasunik 15 cm-ikkaanik akunnilinnik kapinartulersukkamik ungerutissialersugaasumik, qaartartuusivimmit 45 gradinik uingasunngorlugit ikkussugaasumik.
Imm. 3. Ungalut qaartartuusivimmit 2 m-init qaninnerussanngillat.

§ 21. Qaartartuusivik mittarfiup qeqqaniit 400 m-init qaninnerusumut, imaluunniit taassuma takissusiata isuaniit 1.500 m.-init qaninnerusumut inissinneqaqqusaanngilaq.

§ 22. Qaartartuusiviup inissinnerani ilanngusaq 4-mi isumannaallisaanikkut ungasissusissat qimerloorneqassapput.

Sulluliani qaartartuusiviit

§ 23. Qaartartuusivimmi akoorutissat atortussiallu § 3, nr. 1-4-mi taaneqartut annerpaamik 4.000 kg.-t toqqortarineqarsinnaapput.
Imm. 2. Qaartartuusiviup qulaani qaarsoq minnerpaamik 35 m.-inik issussuseqassaaq.
Imm. 3. Qaartartuusivik sapinngisamik sumiiffimmut immikkoortumut, sulluliami piiaavimmut imaluunniit allanik suliaqarfimmut atanngitsortaanut inissinneqassaaq.
Imm. 4. Qaartartuusivik sulluliap iluani toqqorsivimmiit illunut, uuliamik inissiivinniit ikummatissanullu allanut inissiivinniit minnerpaamik 300 m.-inik ungasissuseqartillugu inissinneqassaaq.

§ 24. Qaartartuusivik qaartoornermi naqitsinerup aqqusinermut assartuilluni angallaffiusumut toqqaannartumik sunniuteqarfigisinnaanngisaanut inissinneqassaaq.

§ 25. Qaartartuusiviup initussusia ima annertutigissaaq, akoorutissat atortussiallu § 3, nr. 1-4-mi taaneqartut poortuutaat ilanngullugit qaartartuusiviup initussusianut naleqqiullugu pingajorarterutaa sinnerlugu annertussuseqassanatik.

§ 26. Qaartartuusivik ima inissinneqassaaq, qaartartuusivimmut ujaqqanik, apummik assigisaannilluunniit nakkaasoqarsinnaassanani, imaluunniit qilaavaniit iigaaniillu erngup kusernissaa aarlerinaateqassanani. Qaartartuusiviup naqqa toqqissuussaaq imaarluagaassallunilu. Qaartartuusiviup silaannaata isugutassusiata akoorutissat atortussiallu § 3, nr. 1-4-mi taaneqartut ajoqusersinnaassanngilai.

§ 27. Sulluliap isaariaa, imaluunniit sulluliap ilaa toqqorsiviusoq minnerpaamik 180 cm-imik portussusilimmik ungaluneqarsimassaaq, nunamut attuutsivillugu sukaruserneqarsimasumik, aammalu qulaatigut siuleriinnik pingasunik 15 cm-ikkaanik akunnilinnik kapinartulersukkamik ungerutissialersugaasumik, qaartiterutissanik toqqorsivimmiit 45 gradinik uingasunngorlugit ikkussugaasumik.
Imm. 2. Ungalup matui minnerpaamik 180 cm-inik portussuseqassapput, aammalu qulaatigut siuleriinnik quleriinnik pingasunik 15 cm-ikkaanik akunnilinnik kapinartulersukkamik ungerutissialersugaassallutik, qaartartuusivimmiit 45 gradinik uingasunngorlugit ikkussugaasumik.
Imm. 3. Ungalut qaartartuusivimmit 2 m-init qaninnerussanngillat.

§ 28. Sulluliami qaartartuusiviup ilusilersornerani aamma najoqqutarineqarsinnaapput:
1) Sprängämnesinspektionen/Reddningsverket SÄIFS 1989:8 (svenskit).
2) Tjenestereglement for forsvaret, Håndbok i Ammunisjonsthe-neste, Undergruppe 781, Lagring af Ammunisjon fra Forsvarets Overkommando, 2000-imi novembarimeersoq (norskit).
3) Ilitsersuutit malitassallu allat taakkununnga assingusut atorneqarsinnaasutut akuerineqarsinnaapput, qinnuteqarnermi uppernarsaatit malitassallu saqqummiunneqarpata.

§ 29. Qaartartuusiviit akuerisat arlallit sulluliamut ataatsimut inissinneqarsinnaapput, tamatumanili qaartartuusiviit akornanni sillimanissamut ungasissuserititassaq minnerpaamik 180 m.-iuvoq.
Imm. 2. Qaartartuusivinni ataasiakkaani tamani sulluliami inissinneqartuni §§ 23-28 atortuutinneqassapput.

Entreprenørip suliffeqarfiani qaartartuusiviit

§ 30. Akoorutissat atortussiallu § 3, nr. 1-4-mi taaneqartut qaartartuusivimmi §§ 20-22 naapertorlugit akuerisami toqqortarineqassapput.

§ 31. Qaartartuusiviit entreprenørinit assigiinngitsunit pigineqartut ungalup ataatsip iluanut inissinneqarsinnaapput.
Imm. 2. Qaartartuusivinnut allagartaliinermi qaartartuusivik kimit pigineqarnersoq ersarissumik allassimassaaq.

Sullivimmi/sanaartorfimmi toqqortaqarneq

§ 32. Akoorutissat tortussiallu § 3, nr. 1-4-mi taaneqartut erngerlutik atorneqartussaanngitsut containerimi sisammik sanaajusumi, imaluunniit illerfimmi qaartartuusivimmi imaluunniit sikaavimmi qaartartuusivimmi, akoorutissat atortussiallu § 3, nr. 1-4-mi taaneqartut eqqussorneqartinnatik annissorneqartinnatillu paarnaarusimatinneqassapput.
Imm. 2. Illerfik qaartartuusivik imaluunniit sikaavik qaartartuusivik, akoorutissanik atortussianillu § 3, nr. 1-4-mi taaneqartunik toqqorsivittut atorneqartoq qaartartuusivittut akuerisaasariaqanngilaq.
Imm. 3. Aammattaaq § 33, imm. 2-4 illerfinnut qaartartuusivinnut aamma sikaavinnut qaartartuusivinnut atuutsinneqassaaq.

§ 33. § 70 containerit sisammik sanaajusut iigaanut silarlernut matuinullu atuuppoq.
Imm. 2. Containeri sisammik sanaajusoq illuniit, aqqusinermiit containerinillillu sisammik sanaajusunit allaniit minnerpaamik 2,5 m.-inik ungasissusilerlugu inissinneqassaaq.
Imm. 3. Containerimi sisammik sanaajusumi akoorutissat atortussiallu § 3, nr. 1-4-mi taaneqartut kiisalu qaartiterutissat kukutsissutissallu saniatigut allanik inisseeqqusaanngilaq.
Imm. 4. Containerimi sisammik sanaajusumi qaartiterutissat kukuutissallu plade sisammik sanaajusoq 5 mm-inik issussusilik atorlugu akoorutissanik atortussianillu § 3, nr. 1-4-mi taaneqartunit avissaartinneqarsimassapput.

§ 34. Akoorutissat atortussiallu § 3, nr. 1-4-mi taaneqartut atorneqarsimanngitsut, piffissap suliffiusup naanerani containerimiit sisammik sanaajusumit, illerfimmit qaartartuusivimmit imaluunniit sikaavimmit qaartartuusivimmit anninneqassapput, qaartartuusivimmullu akuerisamut toqqorneqassallutik.

Savaatillit qaartartuusiviliisarnerat

§ 35. Savaatillit akoorutissanik atortussianillu § 3, nr. 1-4-mi taaneqartunik annerpaamik 50 kg.-nik toqqorsivimmiittuuteqarsinnaapput.
Imm. 2. Toqqortat qaartartuusivimmi akuerisami, illoqarfiup nunaqarfiullu killeqarfianiit minnerpaamik 5 km.-inik ungasissusilimmi inissisimasumi inissisimatinneqassapput.
Imm. 3. Qaartartuusivik illumit qaninnermiit 400 m.-init qaninnerusumut inissinneqassan-ngilaq.

Kapitali 5
Qaartartuusivinnik ingerlatsineq

§ 36. Pisortap akisussaasuusup nalunaarummi qaartartuusivimmi ingerlatsineq, atortut inissititerneqarnerat aserfallatsaaliuinerlu pillugit aalajangersakkat sukkulluunniit malinneqarnissaat qulakkiissavaa, tassunga ilanngullugu:
1) Qaartartuusivik taassumalu ungalui ima pitsaassuseqartuassasut susassaqanngitsunit iserfigineqarsinnaassanatik.
2) Akoorutissat atortussiallu § 3, nr. 1-4-mi taaneqartut toqqorsivimmiittut asiujartunnginnissaat avataaniillu ajoqusiisinnaasumik sunniivigineqannginnissaat isumannaatsumik isumagineqarsimassasut.
3) Allagartalersuutissat pisariaqartut ikkussorneqarsimassasut aammalu sukkulluunniit pitsaasumik atuarneqarsinnaasuussasut.

§ 37. Qaartartuusivimmi pisortap akisussaasuusup suliassani isumagineraa qaartartuusivimmik piginnittup nakkutigissavaa, tak. § 36.

§ 38. Qaartartuusivimmut tillinniartoqarpat imaluunniit tillinniariartoqarsimagaluarnera malugineqarpat pisortap akisussaasuusup politiit aamma akoorutissanut qaartuujasunut Naalakkersuisoqarfik tamanna pillugu kalerrissavai.

§ 39. Qaartartuusivimmut akuersissutip assilinera imermit pitarneqarnaveerlugu puugaq qaartartuusiviit tarmarmik ilummut sammernanut nipitinneqassaaq.

§ 40. Qaartartuusivimmi sulisoqartinnagu qaartartuusiviup matui ungaluisalu matui paarnaarsimatinneqassapput.
Imm. 2. Qaartartuusivimmut pisortaq akisussaasuusoq imaluunniit taassuma sinniisussai kisimik qaartartuusivimmut ungaluinullu matuersaatinik tigummiaqarsinnaapput. Tamatuma saniatigut qaartartuusivimmut pisortaq akisussaasuusoq qaartartuusivimmut ungaluinullu matuersaatinik sillimmatissanik tigummiaqassaaq.
Imm. 3. Ungalut ataatsit iluanni entreprenørit arlallit qaartartuusiveqarnissamut akuersissummik pigisaqarpata, qaartartuusivinnut ataasiakkaanut pisortatut akisussaasuusut taakkualuunniit sinniisussai tamarmik immikkut ungalunut ataatsimoorussanut matuersaatinik pigisaqassapput.

§ 41. Qaartartuusivimmut aatsaat isertoqarsinnaavoq qaartartuusivimmut pisortaq akisussaasuusoq taassumaluunniit sinniisussaa ingiallortigalugu.
Imm. 2. Kapitali 11 naapertorlugu nakkutilliisuutinneqartoq allallu sulinertik tunngavigalugu qaartartuusivimmik taassumalu imaanik misissuisussaatillutik iserniartut taamatuttaaq qaartartuusivimmut pisortamit akisussaasuusumit taassumaluunniit sinniisussaanit ingiallorteqartassapput.

§ 42. Qaartartuusivimmi sulineq taamaallaat inunnit 18-inik ukioqalereersimasunit ingerlanneqassaaq.

Kapitali 6
Toqqorsisarneq

Aalajangersakkat nalinginnaasut

§ 43. Akoorutissat atortussiallu § 3, nr. 1-4-mi taaneqartut nassiunneqarnerini poortuutaaqqaartumik imaluunniit poortutissanik allanik United Nation-imit (UN) akuerisanik pooqartillugit toqqortarineqassapput. Poortuutip minnerpaamik saneraani ataatsimi nalunaaqutsiisoqassaaq:
1) Ulorianassutsimut nalunarut sungaartumik aappaluaartumik qalipaatilik, l0xl0 cm-itut a-ngissusilik.
2) Suussutsimi inissisimaffik, suussusiliinerup iluani inissisimaffik aamma ataatsimoortinneqarsinnaasuni sorlerni inissisimaffik.
3) Teknikkikkut taaguut.
Imm. 2. Poortuutit ammarsimasut qaartartuusivimmut ilineqaqqinnginnerminni illersorneqarsinnaasumik matuneqassapput.
Imm. 3. Poortuutit innarlersimasut erngerlutik peerneqassapput imaalu illersorneqarsinnaasumik poortorneqassallutik.
Imm. 4. Akoorutissat atortussiallu § 3, nr. 1-4-mi taaneqartut maangaannartittoorneqarsimasut piaartumik peerneqassapput, aammalu § 54 naapertorlugu suujunnaarsinneqassallutik.

§ 44. Akoutissanik § 3, nr. 1-4-mi taaneqartunik qaartartuusivimmut qaleriissuinermi imatut iliortoqassaaq:
1) Poortuutip nalunaaqutsernera erngerluni atuarneqarsinnaassalluni.
2) Poortuut innarlerneqarsinnaassanani.
3) Qaleriiaarneqartut 1,7 m. sinnerlugu portussuseqassanatik. Portussuseq taanna qaartartuusiviup iigaani titarnermik aappaluttumik 5 cm-inik silissusilimmik ersarissumik nalunaarsorneqassaaq.
4) Qaleriiaarneqartut qisunnik portoqutserlugit natermiit minnerpaamik 10 cm-inik qaffaqqatinneqassallutik.
5) Qaleriiaarneqartut iikkamiit minnerpaamik 5 cm-inik akunneqartinneqassallutik.

Nioqqutissat tiguneqarnerat

§ 45. Akoorutissat atortussiallu § 3, nr. 1-4-mi taaneqartut taamaallaat qaartartuusivimmi pisortamit akisussaasuusumit taassumaluunniit sinniisussaanit tiguneqarsinnaapput.

§ 46. Qaartartuusivimmi pisortap akisussaasuusup taassumaluunniit sinniisussaata nioqqutissat tigunerini misissussavaa:
1) Tiguneqartut nassiussat allagartaanni imaluunniit fakturami allassimasunut naapertuunnersut.
2) Tiguneqartut piniarlugit allatsinnerini allassimasunut naapertuunnersut.
3) Tiguneqartut toqqorsivimmiittuutigineqartut naatsorsuusiornerinut allanneqarnissaat.
4) Poortuut nioqqutissap suussusianik, qanoq amerlatiginerinik ukiumilu sumi sanaajunerinik kiisalu sumi sanaajunerannik nalunaaqutserneqarsimanersoq.
5) Nioqqutissaq nassiunneqarnerminni poortuutaaqqaartumiitillugu tunniunneqarnersoq.
6) Poortuut iluitsuunersoq ajoquserneqarsimannginnersorlu.

§ 47. Poortuut innarlersimappat, ammarneqarsimappat amigaateqarpalluunniit akoorutissat atortussiallu § 3, nr. 1-4-mi taaneqartut qaartartuusivimmiit tiguneqassanngillat, kisiannili poortoqqinneqassallutik, erngerlutik atorneqassallutik imaluunniit § 54 naapertorlugu suujunnaarsinneqassallutik.

Tunniussineq

§ 48. Qaartartuusivimmi pisortap akisussaasuusup akoorutissanik atortussianillu § 3, nr. 1-4-mi taaneqartunik tunniussinissamut akisussaasuuvoq.
Imm. 2. Akoorutissat atortussiallu § 3, nr. 1-4-mi taaneqartut qaartartuusivimmiit tunniunneqarnerminni § 43, imm. 1 naapertorlugu poortuusersorneqarsimassapput.

§ 49. Akoorutissanik atortussianillu § 3, nr. 1-4-mi taaneqartunik tunniussineq taamaallaat pisinnaavoq:
1) § 76 naapertorlugu akoorutissanik atortussianillu § 3, nr. 1-4-mi taaneqartunik pisinissamut atuinissamullu akuersissummik atuuttumik takutitsinikkut.
2) § 13, imm. 1 naapertorlugu akoorutissanik atortussianillu § 3, nr. 1-4-mi taaneqartunik toqqortaqarnisaamut akuersissummik atuuttumik takutitsinikkut.
3) Rekvisitionimik tunniussinikkut.
Imm. 2 Rekvisitionimi allassimassapput:
1) Rekvisitionip sananeqarneranut ulluliussaq.
2) Akoorutissat atortussiallu § 3, nr. 1-4-mi taaneqartut annertussusaat qanoq ittuunerilu, suussusaat annertussutsimikkullu uuttuutai.
3) Kukutsissutit amerlassusaat qanoq ittuunerilu.
4) Qaartiterinermi pisortap qaartiterisuusussap aqqa.
5) Pisisup aqqa, najugaa oqarasuaataatalu normua.
Imm. 3. Rekvisitioni pisisumit qaartiterinermilu pisortamit atsiorneqarsimassaaq.

§ 50. Qaartartuusivimmiit akoorutissanik atortussianillu § 3, nr. 1-4-mi taaneqartunik tunniussisoqarniartillugu pisoqaanerpaat siulliullugit tunniunneqartassapput.
Imm. 2. Akoorutissat atortussiallu § 3, nr. 1-4-mi taaneqartut ukiut pingasut sinnerlugit pisoqaassusillit tunniuteqqusaanngillat, kisiannili piaartumik § 54 naapertorlugu suujunnaarsinneqassallutik.

Utertitsineq

§ 51. Suliap ingerlanneqartup naammassinerani imaluunniit suliffeqarfiup matunerani akoorutissanik atortussianillu § 3, nr. 1-4-mi taaneqartunit sinneqartoorutigineqartut, § 49, imm. 2, nr. 5 malillugu pisisup inatsisit malillugit toqqortaqarineqarsinnaasut saniatigut:
1) § 9, imm. 1 naapertorlugu akuersissummik pigisaqartumut utertissinnaavai, imaluunniit
2) § 54 naapertorlugu suujunnaarsissavai.

§ 52. § 9, imm. 1 naapertorlugu akuersissummik pigisaqartoq kinaluunniit pisussaavoq akoorutissanik atortussianillu § 3, nr. 1-4-mi taaneqartunik sinneqartoorutaasunik § 51, nr. 1 naapertorlugu utertikkusutanik tigusissalluni:
1) Suussuseq qanorlu ittuussuseq taanna suliffeqarfimmi atorneqartarpat toqqortaatigineqartarpallu.
2) Taassuma qanoq ittuussuseqataanik siusinnerusukkut qaartartuusivimmit pineqartumit tunniussisoqarsimappat.
3) Poortuummi ammarneqarsimanngitsumiippat, mingoqanngitsumi panertumilu kiisalu suussusaa, annertussusaa, ukioq sananeqarfia sumilu sananeqarfia nalunaaqutserneqarsimappat.
4) Isugutammit kissassutsillu nikerarujussuarnerannit sunnerneqarsimanngippat.
5) Nr. 1-4-mi allassimasut apeqqutaatinnagit qaartartuusivimmi pisortap akisussaasuusup tamanna isumannaatsutut naliliiffigippagu.

§ 53. Isumannaallisaaneq eqqarsaatigalugu pisariaqartinneqarpat akoorutissanut qaartuujasunut naalakkersuisup akisussaasuusup attartornermut akiliuteqartitsinikkut qaartartuusivimmik piginnittoq peqqusinnaavaa, akoorutissanik atortussianillu § 3, nr. 1-4-mi taaneqartunik pisortanit pigineqartunik toqqortaqaqqullugu.

Suujunnaarsitsineq

§ 54. Akoorutissanik atortussianillu § 3, nr. 1-4-mi taaneqartunik suujunnaarsitsinermi isumannaallisaatit, isumannaallisaanermi ungasissuserititassat ileqqullu tunngaviusut nalinginnaasumik qaartitsisarnermi malinneqartartut qimerloorneqassapput.
Imm. 2. Suujunnaarsitsinissaq taamaallaat qaartiterinermi pisortamit akuerisamit isumagineqarsinnaavoq.

Nakkutilliinermut allattuiviit

§ 55. § 13, imm. 1 naapertorlugu akoorutissanik atortussianillu § 3, nr. 1-4-mi taaneqartunik toqqortaqarnissamut akuersissummik pigisaqartup qaartartuusivinnut akoorutissanik atortussianillu § 3, nr. 1-4-mi taaneqartunik 50 kg.-t sinnerlugit toqqorsivineqarsinnaasutut akuerisani tamaginni ukiup ilivitsup ingerlanerani tiguneqartut tunniunneqartullu / ilanngaatigineqartut ilassutigineqartullu tamaasa akoorutissanik atortussianillu § 3, nr. 1-4-mi taaneqartunik nakkutiginninnermut allattuivinnut allattussavai.
Imm. 2. Qaammatisiutit malillugit ukiumut pineqartumut nakkutiginninninermut allattuiviit:
1) Elektroniskinngorlugit aamma naqitanngorlugit ukiuni tallimani toqqortarineqassapput.
2) Qeratasuumik ungaloqassapput quppernerilu normulersugaassallutik, quppernerilu aalajangersimasut nusoqqusaassanngillat.
3) Qarasaasiakkut aningaasaqarnermik aqutsissut akuerisaq atorlugu allattorneqassapput, taannalu minnerpaamik sapaatip akunneranut ataasiarlugu backup-iliorneqartassaaq.
4) Qaartartuusivimmi pisortamit akisussaasuusumit paarineqassapput, aammalu qaartartuusivimmut qimanneqanngisaannassallutik.
5) Ulluisa tulleriinneri malillugit tulleriinneqassapput, qarasaasiakkut naatsorsuusiornerusinnaasut apeqqutaatinnagit, naqqiisoqassappallu tamanna taamaallaat allareersimasat titarlugit nutaanik allannerisigut pisinnaavoq.
Imm. 3. Akoorutissanut qaartuujasunut naalakkersuisoq akisussaasuusoq nakkutiginninnermut allattuiviit assilinerinik tunineqarnissaminik piumasaqarsinnaavoq.

§ 56. Qaartartuusiviup misissuiffigineqarnerani nakkutiginninnermut allattuiviit misissuisumut takutinneqarsinnaassapput, misissuisullu misissuinermini nakkutiginninnermut allattuiviit atsiussavai, aammalu oqaaseqaatini peqqussutinilu allassallugit, taamatullu qarasaasiakkut naatsorsuusiukkat nakkutilliisumut takutinneqassapput.

§ 57. Qaartartuusivimmi iluarsaassinerit aserfallatsaaliuinerillu, kiisalu allannguinerit nakkutiginninnermut allattuivinnut allanneqassapput, taamatullu ulloq suliassap suliarineqarfia naammassineqarfialu allanneqassallutik.

Peqqissaarnissamut malittarisassat aserfallatsaaliuinerlu

§ 58. Akoorutissat atortussiallu § 3, nr. 1-4-mi taaneqartut niooqqarneqarnerini usilersuunneqarnerinilu qamutit assakaasullit motooriat uninngatinneqassaaq.
Imm. 2. Qaartartuusiviup ungaluisa iluanni pujortarneq innermillu ikitsinissaq inerteqqutaapput.

§ 59. Qaartartuusiviup silataani akoorutissat atortussiallu § 3, nr. 1-4-mi taaneqartut poortorneqarsimasut allamut usilersuunneqartussanngornerini mingoqanngitsumik panertumillu allequtserneqassapput.
Imm. 2. Akoorutissanik atortussianillu § 3, nr. 1-4-mi taaneqartunik, kukutsissutissanik detonatorinillu ataatsikkut tigusinermi, akoorutissat atortussiallu § 3, nr. 1-4-mi taaneqartut niooqqarneqarlutik inissaannut iliorarneqannginnerini kukutsissutissat detonatorillu niooqqarneqaqqaassapput inissaannullu iliorarneqarlutik.
Imm. 3. Akoorutissat atortussiallu § 3, nr. 1-4-mi taaneqartut aamma kukutsissutissat detonatorillu ataatsikkut tunniunneqarnerini, kukutsissutissat detonatorillu tunniunneqannginnerini usilersuunneqannginnerinilu akoorutissat atortussiallu § 3, nr. 1-4-mi taaneqartut tunniunneqarsimassapput usilersuunneqarsimassallutillu.
Imm. 4. Kukutsissutissaq imusamit ilivitsumit annikinnerusoq tunniunneqassappat, imusamiillu kipisisoqassappat, savik ipittoq atorlugu kipisisoqassaaq, kukutsissutissaq qisummik minguilluinnartumik panertumillu allequtserlugu.

§ 60. Poortuutit atoreersimasut ikumatitsivimmut matoqqasumut qisugineqassanngillat, kisiannili annikitsukkaarlugit ikumatitamut ammasumut ikuallanneqassallutik, ikumatitarlu qaartartuusivimmiit inunniillu minnerpaamik 25 m-inik ungasissusilimmiitinneqassaaq.

§ 61. Qaartartuusivik taassumalu avatangiisai eqqiluisaartinneqartuassapput torersuutinneqartuassallutillu.
Imm. 2. Eqqiaanermi puuiaanermilu taamaallaat sakkut atorneqarnerminni innaallannermik pilersitsisinnaanngitsut atorneqassapput.

§ 62. Qaartartuusivimmut inuit saviminertalinnik imaluunniit saviminernik kikiattalinnik kamippallit iseqqusaanngillat.

§ 63. Qaartartuusivimmi taassumalu ungaluini aserortut suulluunniit erngerlutik iluarsineqassapput.
Imm. 2. Iluarsaassinerit aserfallatsaaliuinerillu qaammaqqusersuutit atorlugit qaammaqquteqarnissamik pisariaqartitsiviusut, sakkunik innaallagiamoortunik atorneqarnerminni innaallatsitsisinnaasunik atortoqarfiusussat inini akoorutissanik atortussianillu § 3, nr. 1-4-mi taaneqartunik toqqorsiviusunut eqquteqqusaanngillat.

§ 64. Qaartartuusivinni qaammaqqusersugaanngitsuni taamaallaat qaammartartut batteriitortut qaartoorutaasinnaajunnaarlugit isumannaallisarsimasut kisimik atorneqassapput. Batteriinik pærinillu taarsiineq taamaallaat qaartartuusiviup avataani pisassaaq.
Imm. 2. Mobiltelefonit, assiliissutit atortullu elektroniskiusut allat qaartartuusivimmut eqquteqqusaanngillat.

Kapitali 7
Allagartalersuineq kalerrisaarisarnerlu

Aalajangersakkat ataatsimoorussat

§ 65. Suliffiit qaartiteriffiusut allagartaliinikkut nalunaaqutserneqarsimassapput, tassanilu suliap ulorianassusia paasissutissiissutigineqassaaq, kiisalu qaartitsilernermi nilliatitsinikkut kalerriisaarineq atorneqartassasoq paasissutissiissutigineqassalluni.

§ 66. Kalerrisaarinermi kalerrisaarutit imaluunniit kalerrisaarinermi atortut ikuallattoornermut kalerrisaarutaanasorineqarsinnaasut atoqqusaanngillat. Kiisalu aamma:
1) Kalerrisaarineq qaartitsinissaq sekundinik 90-inik sioqqullugu aallartinneqassaaq, nilliatitsinerlu sekundit arfinillit inornagit sivisussuseqartinneqassaaq.
2) Qaartitsinissaq sioqqullugu sekundini 30-ni ataannartumik nilliatitsinikkut kalerriutigineqassaaq, sumiiffiullu ulorianartorsiorfiusup aqqutiginerani ulorianaateqarsinnaasut suulluunniit qaangiutsinnagit nilliatitsineq ingerlatiinnarneqassaaq.

§ 67. Qaartiterinermi pisortaasup sumiiffiup ulorianartorsiorfiusup ersarissumik imalu annertutigisumik nalunaarsorneqarnissaa qulakkiissavaa, taamaalilluni sumiiffimmi ulorianartorsiorfimmiittut tamarmik ulorianartorsiorfiusup annertussusianik ersarissumik paasitinneqassallutik.
Imm. 2. Qaartiterinermi pisortaasup sumiiffik ulorianartorsiorfiusoq ersarissarlugu nalunaarsussavaa, taamaalilluni qaartitsinermut atatillugu inunnik atortunillu ajoqusiisinnaaneq annikillisissallugu.
Imm. 3. Nalunaarsuinermi allagartat ilanngussaq 5-imi takutinneqartut atorneqassapput. Allagartat qernertunik sinilerneqassapput naqinnerillu qernertut atorlugit allannertaqartinneqassallutik aammalu sungaartunik tunuliaqutaqassallutik. Allagartat minnerpaamik 40x40 cm-inik angissuseqassapput.

§ 68. Allagartap § 67, imm. 3-mi taaneqartup qanitaanut allagartaq qaamanermik seqersitsisartoq, nunat tamalaat akornanni qaartoqarnerani ulorianartorsiorfiusunut ilisarnaatitut atorneqartoq inissinneqassaaq. Allagartaq qaamanermik seqersitsisartoq minnerpaamik 40x40 cm-imik angissuseqassaaq.

§ 69. Illoqarfiit nunaqarfiillu killeqarfiisa iluanni qaatitsinermi ataatsimi akoorutissanit atortussianillu § 3, nr. 1-4-mi taaneqartunit 10 kg-t sinnerlugit atorlugit qaartitsinissaq naatsorsuutigineqarpat, tamanna nalunaaquttap akunneranik ataatsimik sioqqullugu politiinut nalunaarutigineqassaaq.

§ 70. Qaartartuusiviup ungaluisa killilikkat matuanni aamma qaartartuusiviup iigaani silarlerni matuinilu allagarsiisoqassaaq, imatut allassimasumik: "Navialiffiusinnaavoq/Farligt område/Danger – explosives – keep out".
Imm. 2. Qaartartuusiviup ungaluisa killilikkat matuanni, paarnaarsaatip qiversartuisa akiatungaannut, aamma qaatartuusiviup iigaani silarlerni matuinilu allagarsiisoqassaaq, imatut allassimasumik:"Pujortarneq Innermillu atuineq inerteqqutaapput/Tobaksrygning og brug af åben ild forbudt/Danger – no smoking, no naked flames, no matches".
Imm. 3. Allagartat imm. 1-imi taaneqartutut minnerpaamik 40x40 cm-imik angissuseqassapput, allagartaat qernertumik silittumik allanneqassallutik, naqinnerit 100 mm-inik portussuseqassallutik, allannerisa akunneri 1,5-iussallutik.

§ 71. Qamutit assakaasullit benziinamik dieselimilluunniit ikummatillit, akoorutissanik atortussianillu § 3, nr. 1-4-mi taaneqartunik assartuinermut atorneqartut ulorianartorsiornermut mianersoqqussutinik sungaartoq aappaluarrtumik nalunaaqutserneqarsimassapput. Allagartap naqqa 40 cm-iussaaq portussusaalu 30 cm-iussalluni. Tamatuma saniatigut allagartat qaamanermik seqertitsisartuussapput aammalu sinaasa titarneri qernertut 1,5 cm-inik issussuseqassallutik, kiisalu sanimoortuutillugit qamutit assakaasuisaa saannut tunuannullu ikkunneqarsimassallutik.
Imm. 2. Imm. 1 naapertorlugu qamutit assakkasullit saneraasigut illugiinnik tunuanilu ulorianartoqarneranut allagartalersorsimassapput.
Imm. 3. Imm. 2 naapertorlugu ulorianartoqarneranut allagarsiussat minnerpaamik 25x25 cm-inik angissuseqassapput, aammalu suussusiliinerup iluani inissisimaffiup ilisarnaataanik aamma ataatsimoortinneqarsinnaasuni sorlerni inissisimaffiup ilisarnaataanik naqinnemik, nassiusat poortuutaanni ilisarnaasiussat assiginik nalunaaqutserneqarsimassallutik.

Illerfiit qaartartuusiviit, sikaaviit qaartartuusiviit aamma containerit sisammik sanaajusut

§ 72. Illerfiup qaartartuusiviup imaluunniit sikaaviup qaartartuusiviup ungaluisa killilikkat aamma containerip sisammik sanaajusup, illerfimmik qaartartuusivimmik imaluunniit sikaavimmik qaartartuusivimmik imallip ungaluisa matuanni, kiisalu illerfiup qaartartuusiviup imaluunniit sikaaviup qaartartuusiviup qaavani imaluunniit containerip sisammik sanaajusup silataata iigaani silarlermi allagarsiisoqassaaq, imatut allassimasumik: "Navialiffiusinnaavoq/Farligt område/Danger – explosives – keep out" kiisalu imatut allassimasumik: "Pujortarneq Innermillu atuineq inerteqqutaapput/Tobaksrygning og brug af åben ild forbudt/Danger – no smoking, no naked flames, no matches".
Imm. 2. Allagartat imm. 1-imi taaneqartut minnerpaamik 40x40 cm-inik angissuseqassapput, allagartat qernertumik silittumik allanneqassallutik, naqinnerit 100 mm-inik portussuseqassallutik, allannerisa akunneri 1,5-iussallutik.
Imm. 3. § 70 illerfinnut qaartartuusivinnut, sikaavinnut qaartartuusivinnut aamma containerinut sisammik sanaajusunut atuutinngilaq.

Kapitali 8
Pisineq atuinerlu

§ 73. Akoorutissanik atortussianillu § 3, nr. 1-4-mi taaneqartunik Kalaallit Nunaanni pisineq atuinerlu, kiisalu akoorutissanik atortussianillu § 3, nr. 1-4-mi taaneqartunik nunami allami pilersuisumit pisineq taamaallaat pisinnaavoq, akoorutissanut qaartuujasunut naalakkersuisup akisussaasuusup siumoortumik akuersiteqqaarneratigut.
Imm. 2. Nunami allami pilersuisumut, akoorutissanik atortussianillu § 3, nr. 1-4-mi taaneqartunik pisivissatut kissaatigineqartumut ataatsimut akuersissut ataasiinnaq piumasarineqarpoq.

§ 74. Kalaallit Nunaanni akoorutissat atortussiallu § 3, nr. 1-4-mi taaneqartut taamaallat akoorutissanik atortussianillu § 3, nr. 1-4-mi taaneqartunik tunniussinissamut akuersissummik pigisaqartumit pisiarineqarsinnaapput, tak. § 9, imm. 1.

§ 75. Akoorutissanik atortussianillu § 3, nr. 1-4-mi taaneqartunik pisinissamut atuinissamullu akuersissummik qinnuteqaat, tak. § 73, imm. 1, ilanngussaq 6-imi qinnuteqarfissatut immersugassami immersorneqassaaq, taannalu akoorutissanut qaartuujasunut naalakkersuisumut nassiunneqassalluni.
Imm. 2. Imm. 1 naapertorlugu qinnuteqarnermi qinnuteqartup akoorutissanit atortussianillu § 3, nr. 1-4-mi taaneqartunit pisiassatut atugassatullu qinnuteqaatigisani qanoq ittorpiaanersut annertussusissarpiaallu paasissutissiissutigissavai.
Imm. 3. Qinnuteqartup uppernassaatit makku qinnuteqaamminut ilanngutissavai:
1) Piffissami qinnuteqarfiusumi qaartiterinermi pisortamik akuerisamik pissaqareerneq. Uppernarsaatitut qinnuteqartup qaartiterinermilu pisortap akuerisap pineqartup akornanni isumaqatigiissut ilanngunneqassaaq.
2) Qinnuteqartoq qaartiterinermut atatillugu inuussutissarsiornermi akisussaanermut sillimmasiisimassaaq. Uppernarsaatitut sillimmasiissummut akiliisimanermut uppernarsaat ilan-ngunneqassaaq.
3) Qinnuteqartoq qaartiterinissamut qaartiterinermut atortussanik sakkunillu isumannaatsunik pigisaqartoq. Uppernarsaatitut atortut sakkullu pigineqartut allaatigineqarnerat ilanngunneqassaaq.

§ 76. § 75, imm. 2-3-mi piumasaqaataasut saniatigut akoorutissanik atortussianillu § 3, nr. 1-4-mi taaneqartunik pisinissamut atuinissamullu akuersissut nalunaarutigineqassaaq, tak. § 73, imm. 1, makkuninnga piumasaqaatitalerlugu:
1) Akoorutissat atortussiallu § 3, nr. 1-4-mi taaneqartut inuussutissarsiornermut atorneqassapput.
2) Qaartiterinermi suliassat tamarmik qaartiterinermi pisortamit akuerisaasumit aqunneqassapput.
3) Akoorutissanut qaartuujasunut naalakkersuisoq akisussaasuusoq imatut naliliinngitsoq akuersissutip tunniunneqannginnissaanut pingaarutilinnik akornutissaqartoq.
4) Qinnuteqartup qinnuteqarnermini oqartussaasut akuersissuteqartartut politiillu aammalu Royal Arctic Line-p akornanni paasissutissanik qinnuteqartumut tunngasunik, qinnuteqaatip suliarinerani atorneqartussanik piniartoqarsinnaanera ingerlatitseqqittoqarsinnaaneralu akuerigaa.

§ 77. Akoorutissanut qaartuujasunut naalakkersuisoq akisussaasuusoq § 76 naapertorlugu akuerineqarnissamut qinnuteqaammik itigartitsisinnaavoq, qinnuteqaammi akoorutissat atortussiallu § 3, nr. 1-4-mi taaneqartut, § 75, imm. 2 naapertorlugu qanoq ittuunerinik amerlassusissaattullu allanneqartut piginnaanerat atorfissaatullu siunertaasoq akuerineqarsinnaanngippata.

§ 78. Akoorutissanik atortussianillu § 3, nr. 1-4-mi taaneqartunik pisinissamut atuinissamullu akuersissut qaammatisiutit malillugit ukiumi ataatsimi atuuttussanngorlugu tunniunneqartassaaq.
Imm. 2. Qinnuteqaammik nutaamik nassiussisoqarneratigut aatsaat sivitsuinissamut akuersissuteqartoqartassaaq.
Imm. 3. Akoorutissanik atortussianillu § 3, nr. 1-4-mi taaneqartunik pisinissamut akuersissummik sivitsuinissamut qinnuteqarnermi ilanngussaq 7-imi qinnuteqarfissatut immersugassaq immersorneqassaaq, taannalu akoorutissanut qaartuujasunut naalakkersuisoqarfimmut nassiunneqassaaq.

§ 79. § 78, imm. 2 naapertorlugu akuersissummik sivitsuinermi, § 75, imm. 3 aamma § 76 naammassineqarsimassapput. Kiisalu paasissutissat makku § 78, imm. 2 naapertorlugu qinnuteqaammi ilanngunneqassaput:
1) Ukiup ingerlanerani pisiaasimasut annertussusaat nalunaarutigineqassaaq.
2) Ukiup ingerlanerani akoorutissanit atortussianillu § 3, nr. 1-4-mi taaneqartunit atukkat eqqoqqinnaartumik tamakkiisumillu takussutissiornerat.
3) Ukiup ingerlanerani atukkat suliassanut sunut atorsimanerinut nalunaarsukkat.
4) Decembarip ulluisa 31-anni akoorutissanik atortussianillu § 3, nr. 1-4-mi taaneqartunit qanoq amerlatigisut pigineqarnerinut eqqoqqissaartumik naatsorsuutit.
5) Qaartiterinermi pisortamik suli peqartoqarneranut uppernarsaat, tassanilu pineqartup aqqa kiisalu pineqartup qaartiterinermi pisortatut akoorutissanut qaartuujasunut naalakkersuisumit akisussaasuusumit akuerineqarnerata ullua allanneqassapput.

§ 80. Akoorutissanut qaartuujasunut naalakkersuisoqarfik akoorutissanik atortussianillu § 3, nr. 1-4-mi taaneqartunik pisinissamut atuinissamullu akuerineqarnissamut aamma akuersissutinik sivitsuinissamut qinnuteqaatinik itigartitsisinnaavoq, paasissutissat politiinit imaluunniit Royal Arctic Line-mit pissarsiarineqarsimasinnaasut inunnut, uumasunut pigisanulluunniit aalaakkaasunut tunngatillugu sillimanissaq eqqarsaatigalugu eqqarsarnartoqartinneqarpata.

§ 81. Akoorutissanik atortussanillu § 3, nr. 1-4-mi taaneqartunik pisinissamut atuinissamullu akuersissuteqarnermi piumasaqaataasut § 75, imm. 3 aamma § 76 naapertorlugit naammassineqarsimajunnaarpata, akuersissut nalunaarutigineqareersoq erngerluni utertinneqarsinnaavoq.

Kapitali 9
Qaartiterinermi pisortaq

§ 82. Qaartiterinermi pisortat, Kalaallit Nunaanni qaartiterinermi suliassanik isumagisaqartussat akoorutissanut qaartuujasunut naalakkersuisumit akisussaasumit qaartiterinermi pisortatut sulinissamut akuersissummik peqartussaapput.
Imm. 2. Imm. 1 naapertorlugu kinaluunniit, qaartiterinermik ilinniartitaanermi akoorutissanut qaartuujasunut naalakkersuisup akisussaasup akuerisaani naammassinnissimasoq, aammalu qaammatit 24-t kingulliit ingerlanerini sivikinnerpaamik qaammatini ataannartuni 12-ini qaartiterinermi pisortamut akuerisamut ikiortitut sulisimasoq akuersissummik tunineqarsinnaavoq.
Imm. 3. Qaartiterinermi pisortatut atuunnissamut qinnuteqarnermi ilaliussaq 8-imi immersugassaq immersorneqassaaq, taannalu akoorutissanut qaartuujasunut naalakkersuisoqarfimmut nassiunneqassalluni.
Imm. 4. Qinnuteqartup qinnuteqarnermini oqartussaasut akuersissuteqartartut politiillu akornanni paasissutissanik qinnuteqartumut tunngasunik, qinnuteqaatip suliarinerani atorneqartussanik piniartoqarsinnaanera ingerlatitseqqittoqarsinnaaneralu akuerissavaa.

§ 83. Qaartiterinermi pisortatut atuunnissamut akuersissut ukiut tallimakkaarlugit nutarterneqartassaaq, aammalu qaammatit 24-t kingulliit ingerlanerini sivikinnerpaamik qaammatini ataannartuni 12-ini qaartiterinermi pisortatut sulisimasumut nalunaarutigineqarsinnaalluni.
Imm. 2. Qaartiterinermi pisortatut atuunnissamut akuersissutip sivitsorneqarnissaanik qinnuteqarnermi ilanngussaq 9-mi immersugassaq immersorneqassaaq, taannalu akoorutissanut qaartuujasunut naalakkersuisoqarfimmut nassiunneqassaaq.
Imm. 3. Qaartiterinermi pisortatut atuunnissamut akuersissutip sivitsorneqarnissaanik qinnuteqartup qinnuteqarnermini oqartussaasut akuersissuteqartartut politiillu akornanni paasissutissanik qinnuteqartumut tunngasunik, qinnuteqaatip suliarinerani atorneqartussanik piniartoqarsinnaanera ingerlatitseqqittoqarsinnaaneralu akuerissavaa.

§ 84. Qaartiterinermi pisortatut atuunnissamut akuersissut atorunnaassaaq, qaartiterinermi pisortap minnerpaamik ukiut tallimakkaarlugit ilisimasanik uteqqiiffiusumik pikkorissartitsisarnermut akoorutissanut qaartuujasunut naalakkersuisup akisussaasup akuerisaanut peqataasimanngippat.

§ 85. Akoorutissanut qaartuujasunut naalakkersuisup akisussaasuusup sillimanissaq eqqarsaatigalugu pisariaqartutut naliliiffigippagu, qaartiterinermi pisortaq nunami allami qaartiterinermi pisortatut ilinniarsimanermut uppernarsaateqartoq qaartiterinermi pisortatut akuerineqannginnermini qaartiterinermi ilisimasanik uteqqiiffiusumik pikkorissartitsisarnermut, akoorutissanut qaartuujasunut naalakkersuisumit akuerisaasumut peqataaqqaassaaq.
Imm. 2. Imm. 1 naapertorlugu qaartiterinermi ilisimasanik uteqqiiffiusumik pikkorissartitsineq piumasarineqarsinnaassaaq, pineqartup ilinniarsimanermut uppernarsaataa Kalaallit Nunaanni pitsaassuserititassanut naapertuutinngippat, imaluunniit ilinniarsimanermut uppernarsaammi qaarsumik qaartiterinissamut pisariaqartunik misilittagaqarsimaneq uppernarsarneqarsinnaanngippat.

§ 86. Akoorutissanut qaartuujasunut naalakkersuisoqarfik qaartiterinermi pisortatut atuunnissamut akuerineqarnissamut aamma akuersissutinik sivitsuinissamut qinnuteqaatinik itigartitsisinnaavoq, pinerluuteqarsimaneq pillugu paasissutissat politiinit pissarsiarineqarsimasinnaasut inunnut, uumasunut pigisanulluunniit aalaakkaasunut tunngatillugu sillimanissaq eqqarsaatigalugu eqqarsarnartoqartinneqarpata.

§ 87. § 82, imm. 2 aamma 4, § 83, imm. 1 aamma 3, aamma § 86 naapertorlugu qaartiterinermi pisortatut atuunnissamut piumasaqaataasut naammassineqarsimajunnaarpata, akuersissut nalunaarutigineqareersoq erngerluni utertinneqarsinnaavoq.

§ 88. Qaartiterinermi pisortaq qaartiterinermik suliaqartilluni, allagartamik ersarissumik ersittumillu "Qaartiterinermi pisortaq"-mik allassimasumik atuissaaq.

§ 89. Qaartiterinermi pisortaq, nammineq suliffiutiminut atatillugu qaartiterinermik suliaqartoq § 82, imm. 2 naapertorlugu qaartiterinermi pisortatut akuersissummik pigisaqarnermi saniatigut § 76 naapertorlugu akoorutissanik atortussianillu § 3, nr. 1-4-mi taaneqartunik pisinissamut atuinissamullu akuersissummik pigisaqassaaq.

Kapitali 10
Assartuineq

Aalajangersakkat nalinginnaasut

§ 90. Akoorutissat tortussiallu § 3, nr. 1-4-mi taaneqartut assartuutit uku atorlugit assartorneqarsinnaapput:
1) Timmisartoq imaluunniit qulimiguulik.
2) Umiarsuaq.
3) Qamutit assakaasullit benziinamik ikummateqartut.
4) Qamutit assakaasullit dieselimik ikummateqartut.
5) Immakkut angallat.
6) Qimusseq.
7) Pisuinnarluni.

§ 91. Akoorutissianik atortussianillu § 3, nr. 1-4-mi taaneqartunik assartuinermi ataatsimi assartorneqartut amerlassusaat killeqartinneqassapput piffissarlu assartuiffiusoq sapinngisamik sivikinnerpaatinneqassalluni.
Imm. 2. Akoorutissanik atortussianillu § 3, nr. 1-4-mi taaneqartunik assartuinermi:
1) Assartuineq peqqissaartumik mianersortumillu ingerlanneqassaaq.
2) Sapinngisamik assartuut naleqqunnerpaaq atorneqassaaq.
3) Assartuinermi aqqutissat, ajutoornermi annikinnerpaamik kingunerluuteqarfiusussat toqqarneqassapput.
4) Akoorutissanik atortussianillu § 3, nr. 1-4-mi taaneqartunik imminnut qanittunik sanaartorfiusut, atuarfiit, mittarfiillu sanioqqunneqassappata politiit ilisimatinneqassapput.
5) Assartuineq toqqaannartumik aqqutaani unigani ingerlanneqassaaq.
Imm. 3. Kinaluunniit akoorutissanik atortussianillu § 3, nr. 1-4-mi taaneqartunik qamutit assakaasullit motoorillit atorlugit assartuisoq, akoorutissanik atortussianillu § 3, nr. 1-4-mi taaneqartunik passussinissamut assartuinissamullu pikkorissartitsinermik akoorutissanut qaartuujasunut naalakkersuisup akisussaasuusup akuerisaanik ingerlatsisimassaaq angusisimassallunilu. Pikkorissarsimanermut uppernarsaatip assilinera tamatigut nassarneqartassaaq, piumaffigineqarnermilu takutinneqartassalluni.
Imm. 4. Qamutinik assakaasulinnik motoorilinnik, akoorutissanik atortussianillu § 3, nr. 1-4-mi taaneqartunik assartuutaasunik ingerlatitsisuusoq, minnerpaamik ukiuni marlunni qamutinik assartuutinik taamaattumik ingerlatitsinissamut misilittagaqarsimassaaq.
Imm. 5. Akoorutissanik atortussianillu § 3, nr. 1-4-mi taaneqartunik 250 kg-t sinnerlugit assartuinermi qamutini assakaasulinni issimasut minnerpaamik marluussapput, tassalu aquttoq ikiortilu.

§ 92. Akoorutissanik atortussianillu § 3, nr. 1-4-mi taaneqartunik 250 kg-t sinnerlugit assartuinermi maleruagassat uku atuupput:
1) Motoori unittoorpat, imaluunniit angallannermi ajornartorsiortoqarpat aquttup qamutit assakaasullit qimassanngilai, ikiortaasullu angallattut inuillu allat qanitaminniittut mianersoqqullugit kalerrisassavai.
2) Qamutit assakaasullit ikuallalissagaluarpata aquttup ikiortaatalu erngerlutik inneq qamisarniarlugu misilissavaat.
3) Usit ikuallalissagaluarpata aquttup ikiortaatalu erngerlutik eqqaminniittut qimagussortissavai, aammalu inneq qaminniarsarissanngilaat.

§ 93. Assartuinermi ataatsimi qamutinik assakaasulinnik pineqartunik assartorneqarsinnaasut annerpaamik akoorutissat atortussiallu § 3, nr. 1-4-mi taaneqartut amerlassusissaattut ilanngussaq 10-mi taaneqartutut annertussuseqassapput.

§ 94. Qamutit assakaasullit akoorutissanik atortussianillu § 3, nr. 1-4-mi taaneqartunik assartuutaasut kinngussappata, sumiiffiup matuneqarnissaa usillu kinngussunneqartut peerneqarnissaat eqqarsaatigalugit aquttup politiit erngerluni aggersassavai.
Imm. 2. Sumiiffik ajutoorfiusoq susassaqanngitsunit tikinneqarnaveerlugu matuneqassaaq. Aquttup piaartumik pisortaq qaartartuusivimmut toqqorneqartussatut tiguneqartunik akisussaasuusoq ajutoorneq pillugu ilisimatissavaa.

§ 95. Sillimanissaq eqqarsaatigalugu pisariaqartinneqarpat, akoorutissanut qaartuujasunut naalakkersuisoq akisussaasuusoq politiilluunniit imminnut attuumassuteqanngitsumik aalaja-ngiisinnaapput akoorutissanik atortussianillu § 3, nr. 1-4-mi taaneqartunik assartuineq aqqutit aalajangersimasut, pinngitsaaliissummik aqqutissat aqqutigalugit pisassasoq, taamatullu akoorutissanut qaartuujasunut naalakkersuisoq akisussaasuusoq politiilluunniit aalajangiisinnaapput assartuineq taamaallaat piffissani immikkut ittumik aalajangikkani pisassasoq.
Imm. 2. Akoorutissanut qaartuujasunut naalakkersuisoq akisussaasuusoq politiilluunniit pinngitsaaliissummik aqqutissatut aalajangiinerat najukkami nalunaarummik tamanut saqqummiinikkut nalunaarutigineqarsinnaavoq.
Imm. 3. Akoorutissanut qaartuujasunut naalakkersuisoq akisussaasuusoq politiillu akornanni pinngitsaaliissummik aqutsissat il.il., tak. imm. 1 aamma 2, pillugit isumaqatigiinngittoqarnerani politiit inassutaat malinneqassaaq.

§ 96. Akoorutissanik atortussianillu § 3, nr. 1-4-mi taaneqartunik umiarsuakkut imaluunniit timmisartukkut assartuineq sapinngisamik sumiiffimmut atuiffissamut toqqaannartumik pissaaq.

§ 97. Akoorutissanut qaartuujasunut naalakkersuisoq akisussaasuusoq aalajangersinnaavoq, akoorutissanik atortussianillu § 3, nr. 1-4-mi taaneqartunik assartuinermi ADR-imi maleruagassat tamakkiisumik ilaannakuusumilluunniit naapertorlugit pissasoq.

§ 98. Qamutit assakaasullit akoorutissanik atortussianillu § 3, nr. 1-4-mi taaneqartunik assartuisut qullermik mianersoqqussutitut ikittaartartumik qaammartartunillu batteriilinnik marlunnik nassataqassapput.

§ 99. Qamutit assakaasullit benziinamik imaluunniit dieselimik ikummatillit atorlugit akoorutissanik atortussianillu § 3, nr. 1-4-mi taaneqartunik 250 kg-t tikillugit annertussusilinnik assartuinermi qatserutit qajuusaasanik imallit 2 kg-kkaat akuerisat ikinnerpaamik marluk nassarneqassapput.
Imm. 2. Qamutit assakaasullit benziinamik imaluunniit dieselimik ikummatillit atorlugit akoorutissanik atortussianillu § 3, nr. 1-4-mi taaneqartunik 250 kg-t sinnerlugit annertussusilinnik assartuinermi qatserutit qajuusaasanik imallit 6 kg-kkaat akuerisat ikinnerpaamik marluk nassarneqassapput.
Imm. 3. Assartuutit allat, tak. imm. 1 aamma 2, atorlugit akoorutissanik atortussianillu § 3, nr. 1-4-mi taaneqartunik assartuinermi qatserut qajuusaasanik imalik 2 kg-nik oqimaassusilik akuerisaq minnerpaamik ataaseq nassarneqassaaq.

§ 100. Qamutit assakaasullit benziinamik dieselimilluunniit ikummatillit, akoorutissanik atortussianillu § 3, nr. 1-4-mi taaneqartunik assartuinermi atorneqartut ingerlanneqarnermikkut sillimanissarlu eqqarsaatigalugit isumannaatsumik pitsaassuseqassapput.
Imm. 2. Akoorutissanik atortussianillu § 3, nr. 1-4-mi taaneqartunik assartorneqartunik piginnittoq, imm. 1 naapertorlugu piumasaqaataasut naammassineqarnissaannut akisussaasuuvoq.

§ 101. Assartuutigineqartussaq aaqqissugaassaaq akoorutissat atortussiallu § 3, nr. 1-4-mi taaneqartut qajannaatsumik aalajangerlugillu usilersuunneqarsinnaassallutik. Usilersuinermi ingerlaarnermilu innaallattoqarsinnaassanngilaq, soorlu savimerngup saviminermut allamut kalluunneratigut.
Imm. 2. Akoorutissat atortussiallu § 3, nr. 1-4-mi taaneqartut poortuutissanik § 43, imm. 1 naapertorlugu poortuuteqartinneqarlutik assartorneqassapput. Poortuutit ammarnaveerlugit, mingutsinneqarnaveerlugit isugutsertinneqarnaveerlugillu illersorneqassapput.

§ 102. Akoorutissat atortussiallu § 3, nr. 1-4-mi taaneqartut assartorneqarnerminni kissamut, innermut innaallagissallu innaallanneranut illersorneqassapput.
Imm. 2. Akoorutissanik atortussianillu § 3, nr. 1-4-mi taaneqartunik assartuinermi, usingiaanermi usilersuinermilu pujortarneq inerteqqutaavoq.

§ 103. Akoorutissat atortussiallu § 3, nr. 1-4-mi taaneqartut aamma kukuttaatit/detonatorit assartorneqarnerini tunisassiat taakku imminnut minnerpaamik meterimik ataatsimik ungasitsigisunngorlugit ilineqarnissaat, aammalu ingerlaarnermi ungasissusissap tamatuma attatiinnarnissaa qulakkeerneqassaaq.

Umiarsuarmik assartuineq

§ 104. Umiarsuarmik assartuinermi akoorutissat atortussiallu § 3, nr. 1-4-mi taaneqartut umiarsuup sinaatigut assartuummut, § 90, imm. 1, nr. 1-7-imi taaneqartumut toqqaannartumik niuneqassapput, imaluunniit § 105, imm. 3-mi nunaminertamut taaneqartumut ilineqarallassallutik.

§ 105. Akoorutissanik atortussianillu § 3, nr. 1-4-mi taaneqartunik Kalaallit Nunaannukartumik umiarsuarmik attartortup nakkutigissavaa, tigusisussaq akuersissummik atuuttumik pigisaqartoq, matumani naapertorlugit:
1) § 9, stk. 1, akoorutissat atortussiallu § 3, nr. 1-4-mi taaneqartut inuussutissarsiornikkut ingerlateqqitassatut naatsorsuussaappata.
2) § 76, akoorutissat atortussiallu § 3, nr. 1-4-mi taaneqartut nammineq atugassatut naatsorsuussaappata.
Imm. 2. Umiarsuarmik attartortup akoorutissanik atortussianillu § 3, nr. 1-4-mi taaneqartunik umiarsualivimmi nassiussiffiusumi tigusisussap aqqa oqarasuaataatalu normua pissarsiarissavaa.
Imm. 3. Umiarsuarmik attartortup umiarsualivimmi nunaminertamik akoorutissat atortussiallu § 3, nr. 1-4-mi taaneqartut imm. 5 naapertorlugu aaneqarnissaasa tungaanut inissiiviugallarsinnaasumik peqartoqarnissaa isumagissavaa. Nunaminertami qatserutit qajuusaasanik imallit 6 kg-kkaat akuerisat ikinnerpaamik marluk pigineqassapput.
Imm. 4. Akoorutissat atortussiallu § 3, nr. 1-4-mi taaneqartut umiarsuarmit niuneqannginnerini kingusinnerpaamik minutsit 15-it sioqqullugit umiarsuarmik attartortup tigusisussaq nalunaarfigissavaa, akoorutissat atortussiallu § 3, nr. 1-4-mi taaneqartunik niuneqartut.
Imm. 5. Tigusisussap imm. 4 naapertorlugu nalunaarfigineqarneraniit kingusinnerpaamik nalunaaquttap akunnerisa marluk qaangiunnerini akoorutissanik atortussianillu § 3, nr. 1-4-mi taaneqartunik usingiaaneq aallartinneqarsimassaaq, qaartartuusivimmut akuerisamut erniinnaartumik assartuinissaq eqqarsaatigalugu.
Imm. 6. Akoorutissat atortussiallu § 3, nr. 1-4-mi taaneqartut nunaminertamut imm. 3-mi taaneqartumut inissinneqarnerini, nunaminertaq qatserisartuni pigaartunit, akorutissanik atortussianillu § 3, nr. 1-4-mi taaneqartunik passussinissamik sungiussisimasunit ikinnerpaamik marlunnit ingerlaavartumik nakkutigineqassaaq.

§ 106. Akoorutissat atortussiallu § 3, nr. 1-4-mi taaneqartut umiarsuarmik umiarsualivimmut umiarsuaq alla atorlugu umiarsualivimmut apuunnissaanut ingerlateqqitassanngorlugit tikiunneqarpata, akoorutissat atortussiallu § 3, nr. 1-4-mi taaneqartut umiarsuarmiit umiarsuarmut allamut toqqaannartumik usilersuunneqassapput.
Imm. 2. Umiarsuarmiit umiarsuarmut allamut imm. 1 naapertorlugu usilersuussinissaq atortut sulinerluunniit peqqutigalugu ajornarluinnassappat, akoorutissat atortussiallu § 3, nr. 1-4-mi taaneqartut nunaminertamut § 105, imm. 3-mi taaneqartumut nalunaaqutap akunneri 24-t tikillugit uninngatinneqarsinnaapput. Tamatuma kingorna akoorutissat atortussiallu § 3, nr. 1-4-mi taaneqartut qaartartuusivimmut akuerisamut inissinneqassapput imaluunniit umiarsuarmut akoorutissanik atortussianillu § 3, nr. 1-4-mi taaneqartunik umiarsualivimmut apuuffissaannut assartuisussamut usiliunneqassallutik.

Kapitali 11
Nakkutilliineq

§ 107. Akoorutissanut qaartuujasunut naalakkersuisup akisussaasuusup nalunaarummi matumani maleruagassat malinneqarnerat nakkutigissavaa.
Imm. 2. Nakkutilliinermi suliassat ilaatigut sukkulluunniit nalunaaqqaarani nalunaaqqaarluniluunniit takkunnikkut isumagineqartassapput.
Imm. 3. Nakkutilliinermi oqartussaasut nalunaarutip matuma malinneqarnissaanik peqqusisassapput, kiisalu unioqqutitsinernik politiinut unnerluussisassallutik.
Imm. 4. Nakkutilliinermi oqartussaasut nakkutilliinermi suliassanik isumagisaqarnerminnut atatillugu politiinit ikioqqusinnaapput.

Kapitali 12
Immikkut ittumik akuersissuteqarneq

§ 108. Akoorutissanut qaartuujasunut naalakkersuisoq akisussaasuusoq nalunaarummit matumannga uniuinissamut immikkut ittumik akuersissuteqarsinnaavoq.

Kapitali 13
Pineqaatissiissutaasinnaasut

§ 109. § 5, imm. 1-imik, § 7, imm. 1-imik, § 8, imm. 1-imik, §§ 11-12-imik, § 13, imm. 1-imik, § 14, imm 1-imik aamma imm. 5-6-imik, § 15-imik, § 16, imm. 1-imik, § 17, imm. 2-mik, § 18-imik, § 19, imm. 1-5-imik, §§ 20-27-mik, §§ 29-30-mik, § 31, imm. 2-mik, § 32, imm. 1-imik aamma 3-mik, § 33, imm. 1-4-mik, §§ 34-39-mik, § 40, imm. 1-imik aamma 2-mik, § 41, imm. 1-imik, §§ 42-48-mik, § 49, imm. 1-imik aamma 3-mik, §§ 50-54-imik, § 55, imm. 1-imik aamma 2-mik, §§ 56-74-imik, § 75, imm. 1-imik, § 82, imm. 1-imik, §§ 88-94-imik, §§ 97-106-imik, § 107, imm. 3-mik aamma § 111-imik unioqqutitsinerit pillaatitut akiliisitsinermik pineqaatissiiffiusinnaapput.
Imm. 2. § 7, imm. 2 aamma § 95, imm. 1 naapertorlugit peqqussummik inassummilluunniit aalajangersarneqartumik unioqqutitsinermi pillaatitut akiliisitsinermik pineqaatissiiffiusinnaapput.
Imm. 3. Unioqqutitsinermi aktieselskabi, anpartsselskabi, andelsselskabi assigisaaluunniit unioqqutitsisuusimappat, pillaatitut akiliinissamut akisussaaffik selskabimut tutsinneqassaaq.
Imm. 4. Unioqqutitsinermi kommuni imaluunniit kommunit suleqatigiiffiat unioqqutitsisuusimappat, kommuni imaluunniit kommunit suleqatigiiffiat pillaatitut akiliinissamut akisussaatinneqarsinnaavoq.

Kapitali 14
Atuutilerfissaa, ikaarsaarnermut aalajangersakkat il.il.

§ 110. Nalunaarut manna 1. september 2006-imi atuutilerpoq.
Imm. 2. Tamatumunnga peqatigitillugu atorunnaarpoq:
1) Suut qaartuujasut Kalaallit Nunaannut eqqunneqarnerat, tunniunneqartarnerat, inissisimaneqartarnerat, sananeqartarnerat atorneqartarnerallu pillugit Nalunaarut nr. 12, 21. januar 1986-imeersoq.
2) Suut qaartuujasut eqqunneqartarnerat, anninneqartarnerat, assartorneqartarnerat, inissisimaneqartarnerat, tunineqartarnerat, tunniunneqartarnerat atorneqartarnerallu pillugit najoqqutassiat, 20. november 1997-imeersut, Bygge- og Anlægsstyrelsen-imit suliaasut.
3) Akoorutissat qaartuujasut pillugit najoqqutassiat ilitsersuutillu tamarmik, Grønlands Tekniske Organisationimit suliarineqartut.

§ 111. Qaartartuusivimmik piginnittoq, nalunaarutip matuma atuutilernerani akuerisaasoq kingusinnerpaamik:
1) 1. januar 2007-imi piginnittuminit takuniarneqarsimassaaq, toqqorsiviup nalunaarut manna naapertorlugu inatsisinik eqquutsitsilernissamut iliuusissanik pilersaarusiornissaq siunertaralugu.
2) 1. april 2007-imi qaartartuusiviup akuerineqarnissaanut iliuusissatut pilersaarummik akoorutissanut qaartuujasunut naalakkersuisoqarfimmut nassiussissaaq.
3) 1. august 2007-imi qaartartuusiviit nalunaarummi matumani piumasaqaatinut naapertuuttunngortinneqarnissaannik qulakkeerissaaq.

§ 112. Nalunaarutip matuma piffissami akuerineqarfiani kinaluunniit akuersissummik pigisaqartoq:
1) Akoorutissanik atortussianillu § 3, nr. 1-4-mi taaneqartunik pisinissamik atuinissamillu, akuersissutip atorunnaarnissaata tungaanut pisiginnaatitaaffik pigiinnassavaat.
2) Qaartiterinermi pisortatut atuussinnaanissamut, nalunaarutip matuma atulerneraniit kingusinnerpaamik qaammatit 12-it qaangiunnerini akuersissut pigisani akoorutissanut qaartuujasunut naalakkersuisoqarfimmut qinnuteqaammik nassiussinermigut nutartissavaa.
Imm. 2. Kingusinnerpaamik 1. april 2007-imi, kialuunniit akoorutissanik atortussianillu § 3, nr. 1-4-mi taaneqartunik assartuisartuusup pikkorissartitsineq § 91, imm. 3-mi taaneqartoq naammassisimassavaa angusivigisimassallugulu.

Namminersornerullutik Oqartussat, ulloq 21. august 2006

Jørgen Wæver Johansen

/

Dorthe Johannsen

Ilanngussaq 1 -10 (pdf-format)