Aningaasat ukiuannut 2006-imut inatsisartut aningaasaliissutinut inatsisigigallagaa pillugu inatsisartut inatsisaata allanngortinneqarneranik Inatsisartut inatsisaat nr. 7, 9. december 2005-imeeersoq
(Aningaasat ukiuannut 2006-imut inatsisartut aningaasaliissutinut inatsisigigallagaannut ilassutit)
§ 1
Aningaasat ukiuannut 2006-imut inatsisartut aningaasaliissutinut inatsisigigallagaat nr. 6, 23. september 2005-imeersoq imatut allannguuteqartinneqassaaq:
1. § 1-imi imm. 2 aamma imm. 3-tut ilanngunneqassapput:
"Imm. 2. Aningaasat ukiuannut 2006-imut inatsisartut aningaasanut inatsisaata akuerineqarnissaata tungaanut Inatsisartut akissaajateqarsinnaapput Inatsisartut ingerlatiinnarnissaannut ingerlateqqin-nissaannullu, aaqqiinernut allanut inatsimmik tunngaveqarluni aallartitanut, aningaasaliissutinut inatsisaasimasunut imaluunniit aningaasaliissutaasimasunut allanut.
Imm. 3. Naalakkersuisut 3,2 mio. kruunit angullugit tapiissuteqarsinnaanermut pisinnaatitaapput inuussutissarsiutit siuarsarnissaannut aningaasalissutinit Nukiit-nnit tunniunneqartut.".2. § 4-mut nr. 6 – 12-itut makkua ilanngunneqassapput:
"6) Innersuussinernut nalunaarsuinernullu sakkut ineriartortinnerannut piviusunngortinnerannullu atasumik akissaajaatit 1,9 mio. kruunit angullugit.
7) Paamiuni mittarfissap immikkuualuttortaasa pilersaarusiulernissaannut suliariumannittussarsiuunnissaanullu akissaajaatit 5 mio. kruunit angullugit.
8) Sisimiuni erngup nukinga atorlugu nukissiorfeqalernissap pilersaarusiulernissaanut akissaajaatit 10 mio. kruunit angullugit.
9) Nuummi Utoqqarmiut Kangerluarsunnguanni nukissiorfimmi turbinit pingajuata ivertinneqarnissaanut atatillugu aallarniutaasumik sulianut akissaajaatit 1 mio. kruunit angullugit.
10) Kommunit aaqqissugaanerata nutartigaaneranut atatillugu angalanernut tapiissutinut akissaajaatit 0,2 mio. kruunit angullugit.
11) WTO-mi nalunaarsugaanermut akissaajaatit 0,6 mio. kruunit anngullugit.
12) Isumaqatigiissuteqarfiup iluani akissaajaatinut 5 mio. kruunit angullugit.".3. § 5-imut nr. 3 – 5-itut makkua ilanngunneqassapput:
"3) Royal Arctic Bygdeservice A/S-p Royal Arctic Line A/S-imiit KNI A/S-imut tunniunneqarnera piviusunngortillugu tamatumunngalu atatillugu aktiatigut piginneqataassutit pisiaralugit aktianullu aningaasaliilluni.
4) Royal Arctic Bygdeservice A/S-ip Royal Arctic Line A/S-imiit tunniunneqarneranut atatillugu isertitat 26 mio. kruunit angullugit atornissaat piginissaallu.
5) Royal Arctic Bygdeservice A/S-ip KNI A/S-imut tunniunneqarneranut atatillugu 12,5 mio. kruunit angullugit akissaajaateqarsinnaaneq.".
§ 2
Inatsisartut inatsisaat manna ulloq 1. januar 2006-imi atuutilerpoq.
Kalaallit Nunaanni Namminersornerullutik Oqartussat, ulloq 9. december 2005
Hans Enoksen/
Josef Motzfeldt