3. maj 2005

UPA 2005/23

 

Allannguutissatut siunnersuut

uunga

 

Atuakkanik atorniartarfeqarneq pillugu inatsisartut peqqussutaata allanngortinnissaa pillugu inatsisartut peqqussutissaattut siunnersuut

 

Aappassaaneerinninnissamut Naalakkersuisunit saqqummiunneqartoq.

 

§ 1-imut

1. § 12d-mi imm. 3 kingorna immikkoortoq nutaaq ikkunneqassaaq:
"Imm. 4. Nunatta Atuagaateqarfiata aammalu kommunit atuakkanik atorniartarfiutaasa atuisartoq atuakkanik atorniartarfinni atuisinnaaneranut aammattaaq mattussinnaavaat, atuisartoq siusinnerusukkut arlaleriarluni atortut atorsimasat innarlerneqartinnagit tunniunnissaannut pisussaaffini arlaleriarluni unioqqutissimappagu. Mattussineq taamaattoqartillugu piffissamik siumut aalajangeriikkamik, atuisartup atuakkanik atorniartarfimmut pisussaaffimminik naammassinninneranit qaammatinik 3-nik sivisunerunngitsumik, piffisalerlugu. "

 

Oqaaseqaatit

Nr. 1-imut

Peqqussutissatut siunnersuutip aappassaaneerneranut Inatsisartut Kultureqarnermut Ilinniartitaanermullu ataatsimiititaliaata isumaliuutissiissummini tamanna pillugu inassutaa tunngavigalugu allannguutissatut siunnersuut saqqummiunneqarpoq.

Allannguutissatut siunnersuummut tunngaviusoq tassaavoq, atuisartunik siusinnerusukkut arlaleriarlutik atortunik atorsimasanik innarlerneqartinnagit tunniussinissaminnik pisussaaffimminnik arlaleriarlutik unioqqutitsisimasunik mattussigallarnissaminnut atuakkanik atorniartarfiit periarfissaqarnissaannut inatsisitigut tunngavissaqarnissaq qulakkiissallugu. Siunnersuummi mattussigallarnerup sivisussusissaa aalajangersarneqarpoq.