3. maj 2005 UPA 2005/21
Uunga
Allannguutissatut siunnersuut
Allannguutissatut siunnersuut Inissialiornermut tapersiissuteqartarneq pillugu Inatsisartut peqqussutaata allanngortinneqarneranik.
Aappassaaneerneqarnerani Naalakkersuisunit saqqummiunneqartoq.
§ 1-imut
1. No. 5-imi § 25, stk. 4, oqaasertalerneqarpoq:
"Imm. 4. Naalakkersuisut atugassiissutaasunut killissatut imm. 3-mi taaneqartut sanioqqunnissaannut maleruagassiorsinnaapput, illuliortiternernut aningaasalersuineq pillugu Inatsisartut peqqussutaanni nr. 4-mi, 30. oktober 1998-imeersumi kingusinnerusukkut allannguuteqartinneqartumi kapitali 3 naapertorlugu aningaasalersuisinnaanerup akuerineqarnissaa siunertaralugu."
Allannguutissatut siunnersuummut oqaaseqaatit
Oqaaseqaatit nalinginnaasut
Peqqussutissatut siunnersuummut allannguutissatut siunnersuut Inatsisartut Ataaveqarnermut Ineqarnermullu Ataatsimiititaliaata inassuteqarnera tunngavigalugu kiisalu teknikkikkut oqaasertaasigullu iluarsiinerit pissutigalugit saqqummiunneqarpoq.
Allannguutissatut siunnersuutip inatsisitut teknikkimut tunngasortai misissuiffigineqareerput.
Peqqussutissatut siunnersuutip allaffissornermut sunniutissai:Allannguutissatut siunnersuut peqqussutissatut siunnersuummut naleqqiullugu allaffissornikkut suliassat annertunerulernerinik kinguneqassanngilaq.
Peqqussutissatut siunnersuutip aningaasaqarnikkut sunniutissai:Allannguutissatut siunnersuut peqqussutissatut siunnersuummut naleqqiullugu aningaasaqarnikkut sunniutissat allangornerinik kinguneqassanngilaq.
Aalajangersakkanut ataasiakkaanut oqaaseqaatit
Nr. 1-imut
Aalajangersakkami erseqqissarneqarpoq Naalakkersuisut Inatsisartut peqqussutaanni nammineq illuliassanut atugassiissutaasunut killissatut taaneqartut sanioqqussinnaagaat, tak. § 25 stk. 3, illuliortiternernut aningaasalersuineq pillugu Inatsisartut peqqussutaanni nr. 4-mi, 30. oktober 1998-imeersumi kingusinnerusukkut allannguuteqartinneqartumi kapitali 3 naapertorlugu nammineq illuliortunut 10/40/50-imik aningaasalersuisinnaanerup akuerineqarnissaa siunertaralugu.