Ullut erfalasulisaarfissat pillugit Namminersornerullutik Oqartussat nalunaarutaat nr. 16, 17. juni 2005-imeersoq

Kalaallit Nunaata erfalasua pillugu inatsisartut inatsisaanni nr. 6, 11. juni 1985-imeersumi § 2 naapertorlugu aalajangersarneqarpoq:

 

§ 1. Ullut pisortatigoortut pisortat illuutaanni tamani kalaallit erfalasuannik erfalasulerfissat tassaapput:

1. januar	Ukiortaaq
6. januar	Kunngit pingasut ulluat
5. februar	Kunngissap nuliata kunngikkutut ataqqinassusillip Maryp inuuia
	Tallimanngorneq tannaaartoq
	Poorskip ullua
9. april	Danmarkip tiguagaaffia
16. april	Ataqqinartorsuup Dronning Margrethep inuuia
29. april	Kunngikkutut ataqqinassusillip Princesse Benediktep inuuia
1. maj	Namminersornerulernerup eqqunneqarfia/Sulisartut ulluat
5. maj	Danmarkip aniguisitaaffia
	Qilaliarfik
	Piinsi
26. maj	Kunngikkutut ataqqinassusillip Kronprins Frederiup inuuia
5. juni	Inatsisitaarfik
7. juni	Kunngikkutut ataqqinassusillip Prins Joachimip inuuia
11. juni	Kunngikkutut ataqqinassusillip Prins Henriup inuuia
15. juni	Valdemarip ullua/Kattuteqqinnerup ullua
21. juni	Kalaallit Nunaata inuiattut ullua
3. juli	Hans Egedep ullua
24. oktober	FN-ip ullua
21. december	Ullukinnersiorfik
24. december	Juulliaraq
25. december	Juullip ullua

§ 2. Erfalasoq amuneqartassaaq kingusinnerpaamik nalunaaqutaq 09.00 peerneqartarlunilu nalunaaqutaq 17.00 kingusinnerpaamillu nalunaaqutaq 20.00. Ulluni erfalasoqarfiusuni erfalasoq apissillugu amuneqartassaaq taamaallaat pinnagit ullut erfalasulisaarfiit imm. 2-mi 3-milu taaneqartut.
Imm. 2. Tallimanngornermi tannaartumi erfalasoq qiteqqusimassaaq. Pisortatigut ulloq alla tallimanngornermi tannaartumi pippat erfalasoq ulloq naallugu qiteqqusimassaaq.
Imm. 3. Ullormi Danmarkip tiguagaaffiani 9. april erfalasoq qiteqqusimassaaq nalunaaqutaq 12.00-ip tungaanut, tamatuma kingornatigut apissillugu amusimassaaq, takuulli imm. 2.

§ 3. Nalunaarummi matumani inerteqqutaanngilaq ulluni allani erfalasulisaartarneq, soorlu ilagiit nalliuttuini imaluunniit nalinginnaasumik nalliuttorsiorfinni.

§ 4. Nalunaarut manna 27. juni 2005 atortuulerpoq.
Imm. 2. Tamatuma peqatigisaanik ullut erfalasulisaarfiit pillugit Namminersornerullutik Oqartussat nalunaarutaat nr. 15, 18. november 2004-meersoq atorunnaarpoq.

Namminersornerullutik Oqartussat, ulloq 17. juni 2005

Hans Enoksen

/

Kaj Kleist