Palaseqarfiit agguataarneri pillugit Namminersornerullutik Oqartussat nalunaarutaat nr. 7, 21. marts 2005-imeersoq

Ilagiit pillugit inatsisartut peqqussutaanni nr. 15-imi, 28. oktober 1993-imeersumi § 3 naapertorlugu aalajangerneqarpoq:

 

§ 1. Kommunit ataasiakkaarlutik tassaapput palaseqarfiit, taamaattoq tak. imm. 2.
Imm. 2. Ivittuut aamma Paamiut kommunii Paamiut palaseqarfiata iluanniipput.

§ 2. Kommunit agguataarnerisa avataaniittuni ilagiit pillugit suliassat, ilagiit atuagaasa allattortarneri, nalunaarusiortarnerit il.il. pillugit suliassat ilanngullugit, domprovstimit suliarineqartassapput.
Imm. 2. Qeqqani Provsteqarfimmi palasit arlaat ataaseq amerlanerusulluunniit imm. 1-imi suliassanik taaneqartunik tamanik ilaannaanilluunniit isumaginnittussatut Domprovstip toqqarsinnaavai.

§ 3. Nalunaarut una 1. marts 2005-imi atuutilissaaq.
Imm. 2. Nalunaarutip atuutilernerani Kalaallit Nunaata palaseqarfinnut agguataarnera pillugu nalunaarut nr. 7, 22. decembarip 1980-imeersoq atorunnaarsinneqassaaq.

Namminersornerullutik Oqartussat, ulloq 21. marts 2005

Henriette Rasmussen

/

Lise Lennert Olsen