3. august 2004 UKA 2004/41
Ilinniagaqarnersianit akiitsut taarsersornissaannut tapiissutit pillugit Inatsisartut inatsisaata allannguutissaa pillugu Inatsisartut inatsissaattut siunnersuut.
(Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoq)
Saqqummiussissut
Siullermeerneqarnera
Ilinniagaqarnersianit akiitsut taarsersornissaannut tapiissutit pillugit Inatsisartut inatsisaata allannguutissaa pillugu Inatsisartut inatsissaattut siunnersuut Naalakkersuisut matumuuna saqqummiuppaat.
Ilinniagaqarnersiutit pillugit Inatsisartut Peqqussutissaattut siunnersuut Naalakkersuisut ataatsimiinnermi uani saqqummiuppaat. Siunnersuutigineqarpoq ilinniagaqarnersiutit pillugit aalaja-ngiinerit Naalakkersuisunut saqqummiunneqartassasut maannamutut Ilinniagaqarnersiutit pillugit Maalaartarfimmut pinnagit, maalaartarfiullu atorunnaarsinneqarnissaa siunnersuutigineqarpoq.
Inatsisartut inatsisaat maannakkut atuuttoq malillugu ilinniagarnersiutinik akiitsut akilersorneqarnerinut tapiissutit pillugit aalajangiinerit pillugit maalaarutit maalaartarfimmut saqqummiunneqartarput. Inatsisartut inatsisaat taanna malillugu maalarutit kisiisa piinnarlugit maalaartarfiup attatiinnarneqarnissaa pissusissamisuunngilaq, taamaammallu siunnersuutigineqarpoq inatsit malillugu maalaarutit aamma Naalakkersuisunut saqqummiunneqartassasut.
Ilinniagaqarnersiutit pillugit Inatsisartut peqqussutissaannik siunnersuuteqarnermut atatillugu maalaartarfiup atorunnaarsinneqarnissaa suliamut attuumassuteqartunut tusarniaassutigineqarpoq. Tusarniaanermi akissutit siunnersuutip tassungalu oqaaseqaatit allanngortinneqarnissaannik ki-nguneqartitsinngillat.
Siunnersuutit tassungalu oqaaseqaatit innersuussutigalugit siunnersuut Inatsisartunut suliassan-ngortinneqarpoq.