8. oktober 2004 UKA 2004 / 35
Inuussutissarsiummik ingerlataqartunik nalunaarsuiffik pillugu Inatsisartut inatsisaata allanngortinneqarnera pillugu Inatsisartut inatsisissaattut nr. xx, yy. yyyy 2004-meersussatut siunnersuut.
(Inuussutissarsiornermut, Nunalerinermut Suliffeqarnermullu Naalakkersuisoq)
Saqqummiussissut
Aappassaaneerneqarnera
Inuussutissarsiummik Ingerlataqartunik Nalunaarsuiffiup allaffissornermi nalunaarsuiffittut Naatsorsueqqissaartarfimmit Naalakkersuisut allattoqarfiannut nuunneqarnissaa pillugu inatsisissatut siunnersuummik Inuussutissarsiornermut Ataatsimiititaliap pitsaasumik suliarinnissimanera Naalakkersuisunit qujassutigaarput iluarisimaarlugulu paasillugu Inuussutissarsiornermut Ataatsimiititaliap isumaliutissiissummini siunnersuut taamatullu allaffissornikkut nalunaarsuiffiit pitsaanerusumik iluaqutigineqarsinnaaqqullugit sulineq tamakkiisumik tapersersorai.
Taamatut oqaaseqarlunga siunnersuut Inatsisartunut suliareqqitassanngortippara.