12. oktober 2004 UKA 2004/26
NAQQIUT
Qamutit motoorillit akileraarutaat pillugit Inatsisartut inatsisaata allanngortinneqarneranik Inatsisartut inatsisaannut siunnersuut.
(Aningaasanut Nunallu allanut Naalakkersuisoq)
Akissuteqaat
(Aningaasanut Nunallu allanut Naalakkersuisoq)
Aappassaaneerinninneq
Naalakkersuisut sinnerlugit Akileraartarnermut Akitsuusiisarnermullu Ataatsimiititaliaq, inatsisissamut siunnersuummut peqqissaartumik suliaqarsimaneranut siunnersuummullu saqqummiunneqarneratut isikkoqartillugu isumaqatigiissumik tapersiineranut qujassuteqarfigerusuppara.
Inatsisit nalunaarusiuunneqarnissaat imaluunniit Qamutit motorillit akileraarutaat pillugit Inatsisartut inatsisaat katersorlugit siunnersuutillu matuma akuersissutigineqarnerata kingorna naqiterneqarnissaat ataatsimiititaliamit kaammattuutigineqartoq Naalakkersuisunit maluginiarneqarpoq. Tassunga atatillugu ilisimatitsissutigissavara Akileraartarnermi Pisortaqarfiup periarfissaq siulleq atorlugu Nunatsinni Akitsuutit Pillugit Inatsisit nutaanngorlugit ataatsimoortillugit naqiterteqqinniarmatigit.
Taamatut oqaaseqarlunga Naalakkersuisut sinnerlugit inassutigissavara allannguutissatut siunnersuutip matuma pingajussaaneerneqarnissaanut taamatut isikkoqartillugu ingerlateqqinneqassasoq.