7. august 2004 UKA 2004/26
Qamutit motoorillit akileraarutaat pillugit Inatsisartut inatsisaata allanngortinneqarneranik Inatsisartut inatsisaannut siunnersuut.
(Aningaasaqarnermut nunanullu allanut Naalakkersuisoq)
Saqqummiussissut
(Aningaasaqarnermut nunanullu allanut Naalakkersuisoq)
Siullermeerneqarnera
Naalakkersuisut sinnerlugit matumuuna saqqummiutissavara qamutit motoorillit akileraarutaat pillugit Inatsisartut inatsisaata allanngortinneqarneranik siunnersuut.
Siunnersuummut matumunnga tunngaviuvoq Kalaallit Nunaata kujataani qamutit motoorillit savaatilinnit tuttuutilinnillu atorneqartartut tamarmik nalunaarsugaalernissaannik Kalaallit Nunaanni Politimestereqarfiup 2003-mi septemberimi aalajangiinera, tamatumami kingunerisaanik taakkuninnga piginnittut qamutit motoorillit akileraarutaannik Landskarsimut akiliisalertussaapput, tassa qamutit tamakku Kalaallit Nunaanni aqqusinikkut angallanneq pillugu inatsit naapertorlugu maanna nalunaarsorneqartussaatitaalernerat pissutigalugu.
Qamutit motoorillit savaateqarfinni tuttuuteqarfinnilu atorneqartut akileraarummik Landskarsimut akiliisinneqartarnissaat Naalakkersuisut naapertuuttuusorinngilaat.
Taamaammat qamutit motoorillit taakku qamutit motoorillit akileraarutaannik akiliisussaatitaannginnissaat Naalakkersuisut siunnersuutigaat.
Taamatut oqaaseqarlunga qamutit motoorillit akileraarutaat pillugit Inatsisartut inatsisaata allanngortinneqarneranik siunnersuut Naalakkersuisut sinnerlugit Inatsisartunut suliassanngortippara, aammalu Akileraartarnermut Akitsuutinullu ataatsimiititaliamit suliarineqareerpat aappassaaniigassanngortillugu.