27. september 2004

UKA 2004/25

 

Allannguutissamut siunnersuut

uunga

Aningaasarsianit akileraarutit pillugit Inatsisartut inatsisaata allanngortinneqarneranik Inatsisartut inatsisaannut siunnersuut.

Naalakkersuisunit aappaassaaniigassanngorlugu siunnersuutigineqartoq.

§ 1, nr. 4-imut

1. § 24, nr. 11, litra b-mi atorunnaarsinneqassaaq: "pisariaqavissuinnarnut annertusisamik ikiorsiissutitut, matumani aamma".

 

Oqaaseqaatit

Nr. 1-imut

Siunnersuutigineqartup kingunerisussaavaa pisortanit ikiorsiissutit tunniunneqartut, pisariaqavis-suinnarnut annertusisamik ikiorsiissutitut tunniunneqartut, pisortanit ikiorsiissutit pillugit Inatsi-sartut peqqussutaat naapertorlugu tunniunneqartut, aningaasarsiat akileraaruteqaataasussat naatsor-sornerini ilanngullugit naatsorsuunneqartassasut soorluttaaq pisariaqavissuinnarnut ikiorsiissutit taama siunnersuuteqarfigineqartut. Aningaasat pisariaqavissuinnarnut annertusisamik ikiorsiissutitut tunniunneqartut, soorlu ineqarnermut tapiissutinut, meeqqanut tapinik aammalu meeqqerivinni akiliutaasartunut annertussusiliinissamut naatsorsuinerni taamaasillutik ilanngullugit naatsorsuu-tigineqartassapput.

Inuit pisariaqavissuinnarnut annertusisamik ikiorsiissutinik pissarsisartut, aningaasarsiat akileraaruteqaataasussat naatsorsornerini ilanngunneqartussat annertoqqataanik, akileraarutissat tamarmiusut aningaasarsiat taakku akileraarutitaannut naapertuuttumik annertussusilinnik appartinneqassapput, soorlu inunnut pisariaqavissuinnarnut ikiorsiissutinut pisartunut taama siunnersuutigineqartoq.

Pisortanit ikiorsiissutit pillugit Inatsisartut peqqussutaanni ikiorsiissutit, ataasiartumik ikiorsiissutitut, nuunnermi ikiuutisiatut, ilisinermi ikiuutisiatut, angerlarsimaffimmi ikiorteqarnermut aamma angerlarluni angalanermut ikiuutisiatut tunniunneqartut, suli aningaasarsiat akileraaruteqaataasussat naatsorsorneqarnerini ilanngullugit naatsorsuutigineqartassanngillat.

Allannguutissatut siunnersuut manna pissuteqarpoq, isumaqartoqarsimagaluarmat, pisariaqavis-suinnarnut annertusisamik ikiorsiissutit, pisariaqavissuinnarnut ikiorsiissutinut tapiliullugit ikiorsiissutaasartut. Taamaattumik allannguutissatut siunnersuutigineqartoq Naalakkersuisut siunnersuutigeqqaagaannut naleqqiullugu allaffissornikkut imaluunniit aningaasatigut allannguutinik kingu-neqartitsinavianngilaq.