NAMMINERSORNERULLUTIK OQARTUSSAT Kalaallit Nunaanni Inatsisartut Inatsisartut Allattoqarfiat

GRØNLANDS HJEMMESTYRE Grønlands Landsting Landstingets Bureau

 

Naalakkersuisoq Asii C Narup	Ulloq/Dato:	29. september 2004
	J.nr.:	01.38.01.04-00004

 

Pineqartoq: Inatsisartut Ilaqutariinnermut Peqqissutsimullu Ataatsimiititaliaanni ulloq 30. september 2004 Inatsisartut ataatsimeereepata. Inatsisartut ataatsimiititaliaasa ataatsimiittarfianni 2-mi isumasioqatigiilluni ataatsimiinnissaq.

 

Inatsisartut Ilaqutariinnermut Peqqissutsimullu Ataatsimiititaliaata, Ilaqutariinnermut Peqqissutsimullu Naalakkersuisoq Asii Chemnitz Narup isumasioqatigineqarnissaa kissaatigaa.

Tupa avatangiisinillu tupatorfiunngitsunik isumannaarineq, kiisalu tupanik nioqqutissiat nalunaaqutserneqartarneri (UKA 2004/32) pillugit inatsisissatut siunnersuummi, atuutitsinissamut periarfissat oqaluuserineqarnissaat ataatsimiititaliap kissaatigaa, matumani apeqqutit tulliuttut ersarissarneqaqquneqarput:

- Peqqinnissaqarfimmi Oqartussat, matumani ilaallutik Peqqinnissaqarfimmut Pisortaqarfik Peqqinnissamullu Nakkutilliisoqarfik peqqussutip eqqortinneqarnissaanut aaqqissuussaasumik nakkutiginninneq qanoq ingerlanniarpaat? Tassunga atatillugu inatsisinik unioqqutitsisunut atuutsitsilernissamut periarfissat suut atorneqarsinnaappat?

- Inatsisip atuutsinnissaanut Suliffinni Nakkutilliisut qanoq annertutigisumik akuutinniarneqarpat? Akuutissanik allanik inerteqqutaasunik ajoqutaasunillu suliarinninnerup assinginik tupap pujua suliarineqassasoq Naalakkersuisut qularnaarniarpaat?

- §§ 3-7-imi avatangiisit tupatorfiunngitsut pillugit peqqussummi sooq malittarisassat akiliisitaanermik kinguneqaatissiisinnaanngillat?

Ataatsimiinnerup aallartinnerani Naalakkersuisuni ilaasortat oqaaserisassaasa allassimaffiata nutinnera ataatsimiititaliap allattaata piumavaa.

Isumasioqatigiilluni ataatsimiinnermi Naalakkersuisuni ilaasortat ilassutitut ataatsimiititaliamiit apeqquteqarfigineqarnissartik ilimagisinnaavaat.

 

Inussiarnersumik inuulluaqqusillunga

Inatsisartut Ilaqutariinnermut Peqqissutsimullu Ataatsimiititaliaat

Enos Lyberth
Siulittaasoq