NAMMINERSORNERULLUTIK OQARTUSSAT Kalaallit Nunaanni Inatsisartut
Inatsisartut AllattoqarfiatGRØNLANDS HJEMMESTYRE Grønlands Landsting
Landstingets Bureau
Naalakkersuisoq
Ilaqutariinnermut PeqqissutsimulluUlloq/Dato:
13. oktober 2004
J.nr.:
01.38.01.04-00005
Pineqartoq: Ulloq 14. oktober 2004-mi inatsisartut ataatsimiittarfianni 2-mi nal. 12.00 Peqqissutsimullu Ataatsimiititaliami isumasioqatigiilluni ataatsimiinnissaq.
Ilaqutariinnermut Peqqissutsimullu Naalakkersuisoq Asii C. Narup isumasioqatigiilluni ataatsimeeqatigineqarnissaa Inatsisartut Ilaqutariinnermut Peqqissutsimullu Ataatsimiititaliap kissaatigaa.
Meeqqanut inuusuttunullu tunngatillugu inatsisissatut siunnersuutip oqaluuserineqarnissaa ataatsimiititaliap kissaatigaa (UKA 2004/29).
Allannguutissatut siunnersuutip siullermeerneqarnerani oqaaseq atorneqartoq "sakkortooq"-mut atatillugu oqallisigineqarpoq, ajornartorsiutip qulaajaavigineqarnissaa siunertaralugu Naalakkersuisunut ilaasortaq isumasioqatigiinnissamut aggersarneqarsinnaasoq.
Taamaattumik allannguutissatut siunnersuummi § 18-imut oqaaseq "sakkortooq" ilanngutsinneqartariaqarnera pillugu Naalakkersuisunut ilaasortamik oqaloqatiginninnnissaq ataatsimiititaliap kissaatigaa.
Imaluunniit oqaaseq atorneqartoq "sakkortooq" ilanngunneqarsimasariaqanngikkaluarpoq.
Naggasiullugu allannguutissatut siunnersuummi § 25-i pillugu nassuiaasoqarnissaa kissaatigineqarpoq.
Aammalu "meeraq Qarsoq" Rishospitalemi uninngasoq ataatsimiititalikap eqqartorpaa. Maili ataatsimiititaliamut nassiunneqarsimasoq ilisimatitsissutitut ilanngunneqarpoq. Tamatumunnga qanoq iliuuseqarniarnini taamaattoqassappallu sunik iliuuseqarniarnerluni naatsumik Naalakkersujisunut ilaasortap nassuiaateqarnissaa kissaatigineqarpoq.
Ataatsimiinnerup aallartinnerani Naalakkersuisunut ilaasortap oqaatigisassaasa allattorsimaffiata nuutitartaa ataatsimiititaliap allattaata piumavaa.
Isumasioqatigiilluni ataatsimiinnerup nalaani ataatsimiititaliamiit ilassutitut apeqquteqarfigineqarsinnaanini Naalakkersuisunut ilaasortap naatsorsuutigisinnaavaa.
Inussiarnersumik inuulluaqqusillunga
Enos Lyberth
Siulirraasoq