12. oktober 2004

UKA 2004/39

 

Allannguutissatut siunnersuut

 

uunga

 

Ilinniagaqarnersiutit pillugit Inatsisartut peqqussutissaattut siunnersuut

Aappassaaneerinninnissamut Naalakkersuisunit saqqummiunneqartoq.

 

§ 1-imut

1. § 36-mi "1. august 1996-itut" ulluliussaq "1. august 2005"-inngortillugu allanngortinneqassaaq.

 

Nassuiaatit

Nr. 1-imut

Allannguutissatut siunnersuutip Inatsisartuni aappassaaneerneqannginnerani Inatsisartut Kultureqarnermut, Ilinniartitaanermut Ilageeqarnermullu Ataatsimiititaliaata oqaluuserinninneranut atatillugu Inatsisartut Inatsisileriffiata erseqqissaatigaa, § 36-mi 1. august 1996-itut ulluliussaq pissutaalluni § 21-mi aamma § 22-mi ernialersuinermik naatsorsuisarnermut malittarisassat siunertaanngitsumik ima kinguneqalissallutik § 36 malillugu ilinniarnermi taarsigassarsianut ernialersuinerit tamarmik ukiut arfineq pingasut affarlu kingumoortumik atuutilersinneqassallutik.

Tamanna siunertaasimanngimmat taamaattumik siunnersuutigineqarpoq ulluliussap 1. august 2005-inngortillugu allanngortinneqarnissaa. Tamanna Inatsisartut Kultureqarnermut, Ilinniartitaanermut Ilageeqarnermullu Ataatsimiititaliaata isumaliutissiissutaani kaammattuummut naapertuutissaaq.