Kommunit inuussutissarsiutinut aningaasaliissutigisartagaat, qularnaveeqqusiuttagaat, tapiissutigisartagaat il.il. pillugit Namminersornerullutik Oqartussat nalunaarutaat nr. 6, 7. april 2004-meersoq.

Inuussutissarsiutitigut suliffeqarfinnut il.il. aningaasaliineq aqqutigalugu inuussutissarsiutit ineriartortinnissaannut peqataanissamut kommunit periarfissaat pillugit Inatsisartut inatsisaanni nr. 23-mi 18. december 2003-imeersumi 15 naapertorlugu, aalajangersarneqarput:

 

1. Kommunit ukiumoortumik Kommuninut Nakkutilliisoqarfimmut nalunaarusiaat suliarineqassapput immersugassami nalunaarummut ilanngullugu nassiunneqartumi.
Imm. 2. Kommuni suliniummut sumulluunniit kommunip tapersersugaanut immersugassaliortassaaq.

2. Kommuni sunaluunniit suliniummut 350.000 kr. sinnnerlugu aningaasartalimmut aningaasaliinissamut qularnaveeqqusiinissamullu pisussaatissanngilaq Naalakkersuisunit akuersissummik peqqaarsimatinnani.

3. Kommunit ataatsimoorussiffissaannik pilersitsineq ingerlatsinerlu, kommunit ataatsimoorlutik aningaasaateqarfiliornissaat imaluunniit taamaaqataanik aaqqissuussinissaat, inuussutissarsiutitigut suliffeqarfinnut il.il. aningaasaliineq aqqutigalugu inuussutissarsiutit ineriartortinnissaannut peqataanissamut kommunit periarfissaat pillugit Inatsisartut inatsisaanni siunertap naammassinissaa siunertaralugu pilersinneqassatillugit pilersitsinissamut Naalakkersuisunit akuerineqaqqaarnissaq piumasaqaataavoq.

4. Kommuni sunaluunniit tapiliutigisami utertinnissaanik piumasaqassaaq:
1) Tapiiffigineqartoq paasissutissanik eqqunngitsunik paasinerlutaasinnaasunilluunniit tunniussaqarsimappat.
2) Tapiiffigineqartoq paasissutissanik tapiiffigineqarnissamut pingaarutilinnik nipangiussisimappat.
3) Tapiissutigisat tamakkiisumik tamakkiisuunngitsumilluunniit tapiiffigineqartuminngarnit siunertamut allamut atorsimappagit.
Stk. 2. Aalajangersakkami imm. 1 tunisassiat ineriartortinnissaannut tapiissutinut atuutinngilaq.

5. Nalunaarut atuutilerpoq ulloq 1. maj 2004.




Namminersornerullutik Oqartussat, ulloq 21. april 2004




Hans Enoksen

/

Jens K. Lyberth


Ilanngussaq (pdf-format)