Timmissat illersorneqarnerat pillugu Namminersornerullutik Oqartussat nalunaarutaat nr. 1, 21. januar 2004-imeersoq.

Pinngortitamik illersuineq pillugu Inatsisartut inatsisaanni nr. 29-mi 18. december 2003-meersumi 5, 35, 36, imm. 2 aamma 60, imm. 2 kiisalu Piniarneq aallaaniarnerlu pillugit Inatsisartut inatsisaanni nr. 12-imi 29. oktober 1999-imeersumi 8, 13, imm. 3 aamma 17, imm. 2 naapertorlugi aalajangersarneqarput:

 

 

Atuuffii

1. Nalunaarut nunami aalisarnikkullu Kalaallit Nunaata oqartussaaffigisaani atuuppoq.

2. Inuit piniarnermut allagartamik atuuttumik peqartut kisimik timmiarniarsinnaapput mannissarniarsinnaallutillu.

 

Eqqissisimatitsilluinnarneq

3. Timmissat tamarmik eqqissisimatitaalluinnarput, taamaattoq takukkit, -it 4 - 6.

 

Ukiaanerani ukiuuneranilu pisassissutitalinnik timmiarniarneq

4. Timmissat imarmiut ukiaanerani ukiuuneranilu imm. 2-mi imm. 3-milu sumiiffinni taaneqartuni piffissat piniarfiusinnaasut taaneqartut iluini makku piniarneqarsinnaapput:
Imm. 2. Nunap Isuaniit Kangaatsiap kommuniata avannamut killeqarfianut:

1) Appa Uria lomvia 15. oktober - 28/29. februar
2) Appa sigguttooq Uria aalge 15. oktober - 28/29. februar
3) Miteq siorartooq Somateria molissima 15. oktober - 28/29. februar
4) Miteq sioraki Somateria spectabilis 15. oktober - 28/29. februar

Imm. 3. Kangaatsiap kommuniata avannamut killeqarfianiit Qaanaap kommuniata avannamut killeqarfianut kiisalu Tunumi:

1) Appa Uria lomvia 1. september - 28/29. februar
2) Appa sigguttooq Uria aalge 1. september - 28/29. februar
3) Miteq siorartooq Somateria molissima 15. oktober - 28/29. februar
4) Miteq sioraki Somateria spectabilis 15. oktober - 28/29. februar

Imm. 4. Inuit inuussutissarsiutigalugu piniarnermut allagartallit imm. 2 - 3 -mut piffissani taaneqartuni ullormi piniarfiusumi ataatsimi appanik, appanik sigguttuunik, miternik siorartuunik aamma miternik siorakitsunik amerlanerpaamik ataatsimut katillugit 30-inik pisaqarsinnaapput.
Imm. 5. Inuit sunngiffimmi aallaaniarsinnaanermut allagartallit imm. 2 -3-mut piffissani taaneqartuni ullormi piniarfiusumi ataatsimi appanik, appanik sigguttuunik, miternik siorartuunik aamma miternik siorakitsunik amerlanerpaamik ataatsimut katillugit tallimanik (5) pisaqarsinnaapput.
Imm. 6. Ulloq piniarfiusoq ataaseq, imm. 4 - 5 naapertorlugit paasineqassaaq ullortut unnuartullu ataatsitut, inuup piniarfigisaatut. Ulluni piniarfiunngitsuni imaluunniit ullormut pisassiissutit pisarinngitsuukkat, ullormut pisassiissutit pisassamaatigineqarsinnaanngillat. Taamatuttaaq kingusinnerusumut ullormut pisassiissutit siumoortumik atorneqarsinnaanngillat.
Imm. 7. Ullormi piniarfiusumi ataatsimi pisassiissutit, imm. 4 - 5 naapertorlugit inuup nammineq pigisarai allanullu tunniunneqarsinnaanatik.

 

Upernaakkut pisassiissutitalinnik timmiarniarneq

5. Sumiiffiit piffissallu piniarfiusinnaasut imm. 2-mi imm. 3-milu taaneqartut iluanni upernaakkut piniarnermi nammineq atugassatut timmissat imarmiut piniarfiusut iluanni makku piniarneqarsinnaapput:
Stk. 2. Ittoqqortormiit kommunia:

1) Appa Uria lomvia 1. marts - 31. maj
2) Appa sigguttooq Uria aalge 1. marts - 31. maj
3) Miteq siorartooq Somateria molissima 1. marts - 31. maj
4) Miteq sioraki Somateria spectabilis 1. marts - 31. maj

Imm. 3. Qaanaap kommunia:

1) Appa Uria lomvia 1. marts - 15. juni
2) Appa sigguttooq Uria aalge 1. marts - 15. juni
3) Miteq siorartooq Somateria molissima 1. marts - 15. juni
4) Miteq sioraki Somateria spectabilis 1. marts - 15. juni

Imm. 4. Imm. 2-3-mi piffissatut taaneqartumi ullormi piniarfiusumi ataatsimi summiiffinni tamani timmissanik taaneqartunik amerlanerpaamik tallimanik pisaqartoqarsinnaavoq.
Imm. 5. Ulloq piniarfiusoq ataaseq, tak. imm. 4, ullortut unnuatullu ataatsitut inuup aallaaniarfiatut paasineqassaaq. Ulluni piniarfiunngitsuni imaluunniit ullormut pisassiissutit pisarinngitsuukkat ullormut pisassiissutit pisassamaatigineqarsinnaanngillat. Taamatuttaaq kingusinnerusumut ullormut pisassiissutit siumoortumik atorneqarsinnaanngillat.
Imm. 6. Ullormi piniarfiusumi ataatsimi pisasiissutit, tak. Imm. 4, inuup nammineq pigisarai allanullu tunniunneqarsinnaanatik.

 

Pisassiissutitaqanngitsunik timmiarniarneq

6. Timmissat makku piffissat piniarfiusussat taaneqartut iluanni piniarneqarsinnaapput:

1) Oqaatsoq Phalacrocorax carbo 1. september - 31. marts
2) Tuullik Gavia immer 1. september - 31. december
3) Qaqulluk Fulmarus glacialis 1. september - 31. maj
4) Nerleq siggukitsoq Anser brachyrhynchus 1. september - 30. april
Ittoqqortoormiit kommunianni timmissat ingerlaartut 31. majip tungaanut piniarneqarsinnaapput.
5) Nerlernaq Branta leucopsis 1. september - 30. april
Ittoqqortoormiit kommunianni timmissat ingerlaartut 31. majip tungaanut piniarneqarsinnaapput.
6) Nerleq Anser albifrons 1. september - 15. oktober
7) Canadap nerlia Branta Canadensis 1. september - 15. oktober
8) Qeerlutoqq Anas plathyrhynchos 1. september – 28/29. februar
9) Alleq Clangula hyemalis 1. september – 28/29. februar
10) Serfaq Cepphus grylle 1. september – 28/29. februar
11) Appaliarsuk Alle alle 1. september - 30. april
Ukioq tamaat Qaanaap Ittoqqortoormiillu kommuniini appaliarsunniarneq piaraannillu tigooraaneq ajornanngilaq.
12) Naajaannaq Larus glaucoides 1. september - 30. april
13) Naajarujussuaq Larus hyperboreus 1. september - 30. april
14) Naajarluk Larus marinus 1. september - 30. april
15) Taateraaq Rissa tridactyla 1. september – 28/29. februar
16) Aqisseq Lagopus mutus 1. september - 30. april
17) Tulugaq Corvus corax 1. september – 28/29. februar

 

Mannissarneq

7. Mannissarneq inerteqqutaavoq, taamaattoq takuuk imm. 2 - 4.
Imm. 2. Inuit piniarnermut allagartallit nammineq atugassaminnik qaqulluit, naajarluit aamma naajarujussuit manniinik ukiumi pineqartumi 31. maj ilanngullugu mannissarniarsinnaapput.
Imm. 3. Inuit Ittoqqortoormiit aamma Qaanaap kommuniini najugaqartut nammineq atugassaminnik apparliarsuit manniinik mannissarsinnaapput.
Imm. 4. Inuit inuussutissarsiutigalugu piniarnermut allagartallit naajarujussuit naajarluillu manniinik, 13, imm. 4 naapertorlugu tuniniagassanik ukiumi pineqartumi 31. maj ilanngullugu mannissarsinnaapput.
Imm. 5. Mannissarnermi allunaasaq, majuartarfiit, allunaasat innartornermi atugassiat innartornermiluunniit atortut allat atoqqusaanngillat.

 

Timmissat piaqqiorfii

8. Nalunaarummi matumani timmissat piaqqiorfigalugu ineqarfiattut paasineqassaaq timmissat imarmiut aappariikkuutaat ikinnerpaamik qulit piaqqiorfigisaat.
Imm. 2. Eqqarneq allatulluunniit pisariaqanngitsumik ajoqusersuineq timmissat piaqqiorfiinut ungasissutsit uku iluini inerteqqutaavoq:
1) 5000 meterit, timmissat piaqqiorfii appanit, appanit sigguttuunit, apparlunnit, appaliarsunnit, taateraanit, qaqullunnit imaluunniit oqaatsunit inigineqarpat.
2) 200 meterit, timmissat piaqqiorfiat qeqertaappat, qeqertaasaappat imaluunniit ikkarluuppat, miternit siorartuunit, miternit siorakitsunit, serfanit, qingalinnit, imeqqutaallanit imaluunniit naajanit allanit taateraajunngitsunit inigineqartoq.
Imm. 3. Imm. 2-mi aalajangersagaq apeqqutaatinnagu 7 naapertorlugu mannissartoqarsinnaavoq.
Imm. 4. Imm. 2-mi aalajangersakkat apeqqutaatinnagit aqqutit nalunaarsukkat angallammik ingerlavigineqarsinnaapput.

 

Sumiiffiit timmissat illersugaaffii

9. Piffissami 1. majimiit - 31. augustimut summiiffinni ukunani taakkunanngalu 500 meterisut ungasitsigisumi, nunamut niunissaq allatulluunniit angalanissaq inerteqqutaavoq:

1) Qeqertat kujataanni Lion er (Qaanaap kommunia).
2) Kuup Apparsui ( Kommuneqarfik Upernavik).
3) Toqqusaaq (Kommuneqarfik Upernavik).
4) Kingittuarsuk, Angissup kimmut avannamut kitaani (Kommuneqarfik Upernavik).
5) Upernaviup Apparsui (Kommuneqarfik Upernavik).
6) Kippaku Apparsuit (Kommuneqarfik Upernavik).
7) Salleq (Uummannap kommunia).
8) Imerissut eqqaanni Assissut (ikkarluit Qeqertarsuup kommunia).
9) Kitsissuarsuit eqqaanni Nunatsiaq (Aasiaat kommuniat).
10) Kitsissunnguit eqqaanni Saattuarssuit (Aasiaat kommuniat).
11) Akuliarutsip Sermersuata eqqaani Naternap tunuani kangerluup affarlia Tasiusarsuaq (Kangaatsiap Qasigiannguillu kommuniini).
12) Appat Innaat (Ilulissat kommuniat).
13) Kitsissut Avalliit (Qaqortup kommunia).

Imm. 2. Imm. 1-imi aalajangersakkat apeqqutaatinnagit aqqutit nalunaarsukkat angallammik ingerlavigineqarsinnaapput.

 

Ullunik, manninnik piaqqanillu illersuineq

10. -ini 8 – 9 timmissat piaqqiorfii pillugit aamma sumiiffinni timmissat illersugaaffiinik eqqissisimatitsinissamik aalajangersakkat immikkut ittut avataasigut, Kalaallit Nunaanni tamarmi timmissat ulluisa nutaat inigineqartulluunniit kiisalu timmissat manniisa piaraasalu ajoqusernissaat akornusersorneqarnissaalluunniit inerteqqutaavoq.
Imm. 2. Imm. 1-imi pineqanngillat 6, imm. 1. nr. 11 naapertorlugu appaliarsuit piaraannik katersineq aamma 7 naapertorlugu mannissarnissaq.

 

Timmiarniarneq

11. Angallammit angallat ingerlatillugu timmissanik timmisunik malersuineq piniarnerlu inerteqqutaavoq.
Imm. 2. Qeerlutuunik nerlernillu isasunik ungoorilluni piniarneq inerteqqutaavoq.
Imm. 3. Timmisartunit, qamutinit motorimik ingerlatilinnit qamuteralannillu (snescooter) timmiarniarneq inerteqqutaavoq.

12. Timmissanik piniarnermi pisaqarnermilu taamaallaat aallaasit makku piniutaasinnaapput:
1) Timmiarsiutit annerpaamik 12-erit (kaliber 12) qoorortuuararlu minnerpaamik kaliber 0.22.
2) Timmiarsiutit singissaartullit ("Pump gun") annerpaamik 12-erit (kaliber 12) marluinnarnik patroneqarsinnaasut.
3) Pisisseq qarsorlu, kiisalu nuffiit.
4) Qaanaap Ittoqqortoormiillu kommuniini appaliarsunniarnermi qalut aamma qassutaasat ipullit.

 

Timmissanik manninnillu tuniniaaneq

13. Inuit inuussutissarsiutigalugu pinianermut allagartallit timmissat pisatik suliarineqanngitsut, erisakkat imaluunniit piariikkat tamaallaat kommunimi najukkaminni atuisussarpiamut tunisinnaavaat.
Imm. 2. Timmissat aalisarnermi saniatigut pisat tuniniaqqusaanngillat.
Imm. 3. Imm. 1 naapertorlugu taamaallaat appanik, appanik sigguttuunik, miternik aamma miternik siorakitsunik tunisisoqarsinnaavoq 4, imm. 2 – 3-mi piffissani piniarfiusussatut aalajangersakkani. Timmissanik allanik tunisineq pisinnaavoq timmissanut pineqartunut piffissat piniarfiusussat iluini tamani, takuuk. 6.
Imm. 4. Inuit inuussutissarsiutigalugu piniarnermut allagartallit naajat manniinik 7, imm. 4, naapertorlugu katersukkanik ooqanngitsunik suliarineqanngitsunillu taamaallaat kommunimi najukkaminni atuisussarpiamut tunisaqarsinnaapput.
Imm. 5. Timmissat pisat inuussutissarsiutigalugu nioqqutissiarineqassanngillat, suliarineqaratik qeritinneqaratilluunniit Pinngortitamut Avatangiisinullu Naalakkersuisumit akuersissummik pisimatinnani.
Imm. 6. Imm. 5 naapertorlugu akuersissummi najukkami timmissat illersorniarlugit piffissamut aamma sumiiffimmut tunisinermilu amerlassutsinut piumasaqaatinik aalajangersaasoqarsinnaavoq. Akuersissummi aammattaaq tuniniaanermi piumasaqaatinik aalajangersaasoqarsinnaavoq, tamanna najukkami timmissat illersorneqarnissaannut sunniuteqaqataasinnaappat.

 

Timmissani nalunaaqutsersuutit, nalunaaquttat nassitsissutillu nassaarineqartut

14. Nalunaaqutsersuutit, nalunaaquttat, radiukkut aamma qaammataasakkut nassitsissutit timmissani pisarineqartuni nassaarineqartut sumi qangalu timmissap pisarineqarsimaneranik paasissutissartalerlugit Pinngortitaleriffimmut nassiunneqartassapput.

 

Piniarneq pisallu pillugit nalunaaruteqartarneq

15. Timmissat pisat tamarmik, matumani aamma timmissat aalisarnermi saniatigut pisat tamarmik, ukiumoortumik Piniarnermut nalunaarutigineqartassapput, taakku Piniarnermi pisanik nalunaarsuiffimmi immersugassami ilaappata.
Imm. 2. Manniit inuussutissarsiuteqarnermut atatillugu aamma nammineq atugassatut katersukkat ukiumoortumik Piniarnermut nalunaarutigineqassapput, taakku Piniarnermi pisanik nalunaarsuiffimmi immersugassami ilaappata.

 

Timmissanik taakkunanngalu nioqqutissianik il.il. nioqquteqarneq annissinerlu

16. Timmissanik eqqissisimatitaalluinnartunik uumasunik toqungasunilluunniit taakkualu ilaannik taakkunanngalu nioqqutissianik tamanut saqqummiussilluni tuniniaanissaq, tunisinissaq pisinissarlu inerteqqutaavoq, taamaattoq takuuk 13, imm.1, imm.3 aamma imm.4.

17. Timmissat eqqissisimatitaalluinnartut uumasut toqungasulluunniit kiisalu tamakku ilamerngi taakkunanngaluunniit nioqqutissiat Kalaallit Nunaannit anniseqqusaanngillat.
Imm. 2. Timmissanik nujuartanik kiisalu taakkua ilamernginik nioqqutissianillu nuunnermut atatillugu annissinermi Avatangiisinut Pinngortitamullu Pisortaqarfik akuersissuteqarsimanissaa piumasaqaataavoq.
Imm. 3. Timmissanik nujuartanik kiisalu taakkua ilamernginik taakkuninngalu nioqqutissianik ilisimatusarnermi imaluunniit ilinniartitsinermi siunertanut atorneqartussanik annissisoqassappat Avatangiisinut Pinngortitamullu Pisortaqarfiup akuersissuteqaqqaarsimanissaa piumasaqaataavoq.
Imm. 4. Timmissat eqqissisimatitaalluinnartut toqungasut nassaat taakkualu ilamerngi pinngortitami qimaannarneqanngippata ingerlaannartumik Pinngortitaleriffimmut imaluunniit politiinut, Pinngortitaleriffimmut tunniunneqanissaannik isumaginnittussanut, tunniunneqassapput.

 

Timmiaateqarneq, taakkunannga anisitsineq nalunaaqutsersuinerlu

18. Kalaallit Nunaanni nujuartanik timmiaateqarneq inerteqqutaavoq.
Imm. 2. Timmissanik nujuartanik ajoqusersimasunik paaqqutarinninnermi Avatangiisinut Pinngortitamullu Pisortaqarfik imm. 1-imut saneqqunneqarnissaanut immikkut akuersissuteqarsinnaavoq.

19. Timmissanik Kalaallit Nunaannut eqqunneqartunik tamakkulu piaraannik pinngortitamut anisitsineq inerteqqutaavoq.

20. Timmissanik nujuartanik nalunaaqutsersuisoqassappat, ilisimatusaatigalugu timmissanik nujuartanik imaluunniit timmissanik nujuartanik misissugassanik katersisoqassappat Avatangiisinut Pinngortitamullu Pisortaqarfiup akuersissuteqaqqaarsimanissaa piumasaqaataavoq.

 

Immikkut akuersissuteqarneq

21. Nalunaarummi matumani aalajangersakkanit Avatangiisinut Pinngortitamullu Pisortaqarfik ilisimatusarnermik atuartitsinermillu siunertanut kiisalu timmisartukkut angallannerup isumannaatsuunissaata qulakkeernissaanut immikkut akuersissuteqarsinnaavoq.

 

Kommunimi ileqqoreqqusat

22. -it 4 – 8 naapertorlugit nalunaarummi aalajangersakkanit sukanganerusunik kommunalbestyrelsi kommunimi ileqqoreqqusakkut allanik piumasaqaateqarsinnaavoq. Kommunimi ileqqoreqqusaq Avatangiisinut Pinngortitamullu Pisortaqarfimmit atortuulersinneqassaaq.

 

Pineqaatissiinerit

23. Nalunaarummi matumani 2-mi, -ini 3 – 7, 8, imm. 2-mi, 9, imm. 1-imi, 10, imm. 1-imi, -ini 11 – 14, -ini 16 – 17, 18, imm. 1-imi, -ini 19 – 20 aalajangersakkanik unioqqutitsinerit akiliisitsinermik pineqaatissiissutaasinnaapput.

 

Atuutilersitsineq

24. Nalunaarut manna atuutilerpoq ulloq 15. februar 2004.
Imm. 2. Peqatigitillugu Timmissat illersorneqarnerat pillugu Namminersornerullutik Oqartussat nalunaarutaat nr. 38, 6. december 2001-imeersoq atorunnaarpoq.




Namminersornerullutik Oqartussat, ulloq 21. januar 2004




Jens Naptk

/

Hans J. Hyer