Inuutissarsiutitigut ilinniagaqarnermut sulisitsisut akiliutaat pillugit Inatsisartut inatsisaata allanngortinneqarneranik Inatsisartut inatsisissaat nr. 27, 18. december 2003-meersoq
(Sungiusarluni sulinermi tapiissutit il.il.)

 

§ 1.

Inuutissarsiutitigut ilinniagaqarnermut sulisitsisut akiliutaat pillugit Inatsisartut inatsisaanni normu 16, 23. november 1989-imeersumi, Inatsisartut inatsisaatigut normu 15, 28. oktober 1993-imeersukkut allanngortinneqartumi, makku allannguutigitinneqarput:

1. § 2, imm. 1 ima oqaasertaqassaaq:
"Sulisitsisut akiliutaat sulisitsisut ukuninnga atorfinitsitsinermikkut aningaasarsianut aningaasartuutaannut tapiissutit aningaasalersornerannut atorneqassapput:
1) Inuussutissarsiutinut ilinniartitaanerit inuussutissarsiutinullu pikkorissartitsisarnerit pillugit Inatsisartut peqqussutaat naapertorlugu inuussutissarsiutitigut tunngaviusumik ilinniartitaanerni ilinniartunut, aamma
2) Ilinniartunut sungiusarlutik Kalaallit Nunaanni sulisunut atuagarsornermillu Danmarkimi ingerlatsisunut.A

2. § 2-mi imm. 1-ip kingornanut immikkoortutut nutaatut ilanngunneqassaaq:
"Imm. 2. Sulisitsisut akiliutaat isumaginninnermi ikiortitut ilinniartitaanerup peqqissaanermilu ikiortitut ilinniartitaanerup ukiuisa siullianni ilinniartunut ilinniagaqarnersiutinut Namminersornerullutik Oqartussat aningaasartuutaasa aningaasalersornerannut atorneqassapput."

Tamatuma kingorna imm. 2 imm. 3-nngussaaq.

3. § 8 ima oqaasertaqassaaq:
"§ 8. Naalakkersuisut makku pillugit malittarisassanik aalajangersaasinnaapput:
1) § 2, imm. 1 naapertorlugu tapiissuteqarnermi siunertanut, taakkuninnga allaffissornikkut aqutsinermut, taamaaliornissamut piumasaqaatinut kiisalu taakku annertussusissaannut akiliutigineqartarneranullu,
2) Ilinniartitseqqittarnerup ingerlariaqqiffiusunillu ilinniartitseqqittarnerup siunertaanut, § 2, imm. 3 naapertorlugu tapiissuteqarnermi allaffissornikkut aqutsinermut, taamaaliornissamut piumasaqaatinut kiisalu taakku annertussusissaannut akiliutigineqartarneranullu.
3) Akiliuteqartarnermik allaffissornikkut aqutsinermut taakkuninngalu akiliisitsiniartarnermut."

 

§ 2.

Inatsisartut inatsisaat manna 1. januar 2004-mi atuutilerpoq, taamaattorli tak. imm. 2.
Imm. 2. Isumaginninnermi ikiortitut peqqissaanermilu ikiortitut ilinniartunut § 1, normu 1-ip atuutilernissaa Naalakkersuisut aalajangersassavaat.

Namminersornerullutik Oqartussat, ulloq 18. december 2003

Hans Enoksen

/

Henriette Rasmussen

---

Siullermeerinninnermut siunnersuut

Siunnersuummut nassuiaatit

Isumaliutissiissut (Aappassaaneerinninneq)