8. december 2003 UKA 2003/139 + UPA 2003/123
Inatsisartuni Naalakkersuisunilu il.il. ilaasortat aningaasarsiaqartitaanerat il.il. pillugit Inatsisartut inatsisissaattut siunnersuummut
ALLANNGUUTISSATUT SIUNNERSUUT
Inatsisartut Siulittaasoqarfianni amerlanerussuteqartunit Siumumeersunit, Inuit Ataqatigiinneersumit Atassummeersumillu pingajussaaneerinissamut saqqummiunneqartoq.
§ 1-imut
1. § 1, imm. 1, oqaaseqatigiit siulliit ima oqaasertalerneqassapput:
"Inatsisartuni ilaasortat akissaatit inissisimaffiat 35 malillugu aningaasarsianik tapisianik tamanut atuuttunik ilasanik, skalali malillugu tamanut atuuttunik tapisiaqanngitsunik immikkullu tapi-sianik kr. 49.340-inik ukiumut tunngaviusumik aningaasartalinnik, ukiumut aningaasarsiaqartinneqassapput."2. § 1, imm. 2 peerneqassaaq. Imm. 3-7 matuma kingorna imm. 2-6-inngussapput.
3. § 1, imm. 4, imm. 3-nngortussaq, ima oqaasertalerneqassaaq:
"Aningaasarsiat tapisiallu imm. 1 aamma 2-mi taaneqartut qaammammut siumoortumik tunniunneqartassapput. Aningaasarsiat imm. 1-imi taaneqartut iluarsiivigineqartarnerisa AK-mut tunngasumi isumaqatigiinniartarnermi ineriartorneq malittaraat. Imm. 2 malillugu tapisiaq ukiumut ataasiarluni qaammatisiutit malillugit ukiorisap aallartinnerani nunatsinni akinut iluarsiissut malillugu iluarsiivigineqartassaaq. Imm. 2 malillugu tapisiap iluarsiivigineqarnera siulleq 2004-mi pissaaq."4. § 1, imm. 5-imi, imm. 4-nngortussami, oqaaseqatigiit pingajuattut ilanngunneqassapput:
"Najukkamiit najukkamut nuunnermi aningaasartuutit atorfilinnut (AK) maleruagassat atuuttut malillugit matussusiivigineqartassapput, imaalillugilli, Inatsisartuni ilaasortap atuuffini ukiunit pingasunit sivikinnerusumik isumagisimagaluarpaguluunniit nuunnermi aningaasartuutit matussusiivigineqassallutik."
§ 3-mut
5. § 3, imm. 4 peerneqassaaq, taarsiullugulu ilanngunneqassaaq:
" Imm. 4. Inatsisartuni ilaasortat qaammatisiutit malillugit ukiut tamaasa aningaasanut killiliussat 50.000-inik amerlassusillit iluini Kalaallit Nunaanni paasisassarsiorlutik angalasinnaatitaapput, tak.-li imm. 5. aningaasat atunngitsuukkat ukiup naanerani atorunnaassapput.
Imm. 5. Inatsisartuni sinniisussaq piffissami killiligaanngitsumi Inatsisartuni ilaasortamut taartaasoq imm. 4 naapertorlugu Inatsisartuni ilaasortap pineqartup paasisassarsiorluni angalasinnaatitaaneranik atuilissaaq. Qaammatisiutit malillugit ukiup naanerani aningaasat atunngitsuukkat atorunnaassapput. Inatsisartuni sinniisussap atuunnera qaammatisiutit malillugit ukioq naanngitsoq atorunnaarpat aningaasat atunngitsoorneqarsimasinnaasut Inatsisartuni ilaasortamut, sulinngiffeqarnera qaangiuttumut, nuunneqassapput.
Imm. 6. Inatsisartut Siulittaasoqarfiat angalanissamut pilersaarusiaq tunngavigalugu siumoorutinik tunniussinissamut najoqqutassiussaaq kiisalu paasisassarsiorluni angalanermut atatillugu akiliutit utertinneqartarnerannut maleruagassiussalluni."Imm. 5 matuma kingorna imm. 7-inngussaaq.
§ 6-imut
6. § 6, imm. 1, oqaaseqatigiit siulliit ima oqaasertalerneqassapput:
"Inatsisartut siulittaasuat, Naalakkersuisut siulittaasuat Naalakkersuisunilu ilaasortat aningaasarsiat § 1, imm. 1-imi taaneqartut saniatigut akissaatit inissisimaffiat 38 malillugu aningaasarsianik tapisianik tamanut atuuttunik ilasanik, skalali malillugu tamanut atuuttunik tapisiaqanngitsunik, aningaasarsiaqartinneqassapput."
§ 12-imut
7. § 12 ima oqaasertalerneqassaaq:
"§ 12. Inunnut, Inatsisartunut, Naalakkersuisunut il.il. ilaasortat aningaasarsiaqartitaanerat il.il. Inatsisartut inatsisaat nr. 11 28. oktober 1993-imeersoq imaluunniit Inatsisartunut, Naalakkersuisunut il.il. ilaasortat aningaasarsiaqartitaanerat il.il. Inatsisartut inatsisaat nr.17 7. december 2001-imeersoq naapertorlugu, soraarnerussutisiaqarsinnaalersunut §§ 13-16-imi maleruagassat malillugit soraarnerussutisiaqartitsisoqassaaq."
§ 16
8. § 16, imm. 3-mi, "§ 15, imm. 1" "§15"-nngorlugu allanngortinneqassaaq.
Kapitali 9-mut
9. Kapitali 9 peerneqassaaq. Kapitali 10 matuma kingorna kapitali 9-nngussaaq.
§ 21-imut
10. § 21.-imi, § 20-inngortussami, imm. 3 ima oqaasertalerneqassaaq:
" Imm. 3. Taamaattorli Kalaallit Nunaata Landsrådianut aamma Kalaallit Nunaata Landstingianut sivisuumik ilaasortaasimasunut soraarnerussutisiaqartitsinermik aaqqissuussineq pillugu Landstingip inatsisaani nr. 3-mi ulloq 16. maj 1979-imeersumi ("Ataqqinaammik tunissutisisitsisarneq pillugu inatsit") aamma Landsstyremut il. il. ilaasortaasimasunut soraarnerussutisiaqartitsineq pillugu landstingip inatsisaani nr. 7-imi ulloq 14. juli 1982-imeersumi kiisalu Kalaallit Nunaanni Naalakkersuisunut, Landsrådimut, Inatsisartunut il.il. ilaasortaasimasut soraarnerussutisiaqartinneqarnerat pillugu Inatsisartut inatsisaat nr. 4 9. juni 1986-imeersoq maannakkut tunniuttakkat piginnaatitaaffiillu maannamutut angissuseqarlutik, maleruagassallu maannamut atuuttut malillugit, aalajangersakkat taakku malillugit piginnaatitaaffiit taakku atuukkunnaarnissaasa tungaanut, tunniunneqassapput."
Nassuiaatit
Nr. 1-imut:
Naqqiineq taamaallaat pineqarpoq.
Nr. 2-mut:
Inatsisissatut siunnersuutip § 1, imm. 2-a, pisortani atorfinni atuuffinnilu katillugit isertitat inatsisartuni ilaasortaanermut aningaasarsiat aappaa qeqqanik qaangerpatigit Inatsisartuni ilaasortap aningaasarsiaasa ikilineqartarnissaannik aalajangersagaavoq.
Siunnersuutigineqarpoq aalajangersagaq peerneqassasoq. Inatsisartut Siulittaasoqarfiata inatsisissatut siunnersuummut tunngatillugu isumaliutissiissutaa innersuussutigineqarpoq.
Nr. 3-mut:
Allannguutissatut siunnersuutikkut inatsisip kalaallisut oqaasertai qallunaatut oqaasertaannut naapertuuttunngortinneqarput. Tamatuma peqatigisaanik nr. 2-mi allannguutip malitsigisaanik iluarsiisoqarpoq.
Nr. 4-mut:
§ 1, imm. 5-ip kingunerissavaa, Inatsisartuni ilaasortanut erseqqinnerusumik aalajangikkamik inigisamik atugassiisoqartassammat. Inatsisartuni ilaasortat najukkamiit najukkamut nuunnerinut aningaasartuutit atorfilinnut (AK) maleruagassat atuuttut naapertorlugit matussuserneqartassasut siunnersuutigineqarpoq. Siunnersuutigineqarporli nuunnermi aningaasartuutinik matussusiinermi Inatsisartuni ilaasortap pineqartup atuffimminik qanoq sivisutigisumik ingerlatsisimanera apeqqutaatinneqassanngitsoq.
Nr. 5-imut:
Inatsisartuni sinniisussaq Inatsisartuni ilaasortamut taartaalluni piffissamut sivisussusissaa aalajangigaanngitsumut ivertinneqarpat (ass. sivisuumik napparsimasoqarpat naalakkersuisuniluunniit ilaasortatut atuuttoqarpat) Inatsisartuni ilaasortap pineqartup paasisassarsiorluni angalasinnaaneranik atuilersinnaassasoq siunnersuutigineqarpoq.
Ilanngullugu siunnersuutigineqarpoq Inatsisartuni ilaasortap paasisassarsiorlu angalasarnerinut ukiumut aningaasanut killiliussaq 50.000 kr.-inut aalajangersarneqassasoq. Taamaalilluni inatsisissatut siunnersuummut sanilliullugu aningaasanut killissarititaq 20.000 kr.-inik qaffanneqarpoq. Inatsisartut Siulittaasoqarfiata inatsisissatut siunnersuummut tunngatillugu isumaliutisiissutaa innersuussutigineqarpoq.
Naalakkersuisut Siulittaasuata, Naalakkersuisuni ilaasortat sinnerisa kiisalu Inatsisartut Siulittaasuata aningaasarsiaasa ilaat, § 6, imm. 1-imi pineqartut, akissaatit inissisimaffiannut 36-imut, tapisianik tamanut atuuttuunik ilasatut, skalali malillugu tamanut atuuttunik tapisiaqanngitsutut aalajangersarneqassasut siunnersuutigineqarpoq. Inatsisissatut siunnersuummut tunngatillugu kr. 388.085-init kr. 358.501-inut ukiumut ikililerisoqarnissaa tamatuma kingunerissavaa. Inatsisartut Siulittaasoqarfiata inatsisissatut siunnersuummut tunngatillugu isumaliutisiissutaa innersuussutigineqarpoq.
Nr. 7-imut:
Naqqiineq taamaallaat pineqarpoq.
Nr. 8-imut:
Naqqiineq taamaallaat pineqarpoq.
Nr. 9-mut:
Nr. 2-mi allannguutip malitsigisaanik iluarsiineq taamaallaat pineqarpoq.
Nr. 10-mut:
Naqqiineq taamaallaat pineqarpoq.