Oqaaseqaatit nalinginnaasut

 

Inatsisissamut siunnersuut sikaritsit tupallu allat akitsuutaannik agguaqatigiissillugu 14,07 pct.-mik qaffanneqarnerannik kinguneqarpoq.

Tupanit nioqqutissiat pineqartut akitsuutaannik matumani qaffaaneq naatsorsuutigineqarpoq, tunisat ikilerialaarnissaat naatsorsuutigereerlugu, ukiumut 25 mio. kr.-nik isertitsissutaajumaartoq. Isertitassatut taaneqartut 25 mio. kr.-it 2004-mi aningaasanut inatsisissatut Naalakkersuisut Missingersuutitut iluarsiissutissatut siunnersuutaanni, kto. 20.11.60-mi ilanngunneqareerput. 2003-mut isertitassat 1,5 mio. kr.-nik amerleriassangatinneqarput. Taakkua saniatigut Pilersuisoq A/S-imi (quersuani) sikaritsit akii qaffanneqassagaluarpata inatsisip akuersissutigineqarfianniit iluanaarutit qaffariaatissaat siusinnerusumi akitsuutinik qaffaasoqartillugu periutsit assigalugit Landskarsimut iluaqutissanngortinniarneqassapput.

Siunnersuut allaffissornermut aningaasartuutinik annikitsuararsuaannarmik sunniuteqassaaq.

 

Aalajangersakkanut ataasiakkaanut oqaaseqaatit

 

§ 1, nr. 1-miit 4-mut

Tupanit nioqqutissiat pineqartut akitsuutaasa agguaqatigiissillugu 14,07 pct.-imik qaffanneqarnissaat siunnersuutaavoq.

§ 2-mut

Siunnersuutigineqarpoq allannguutit tamanut nalunaarutigineqarneratigut ingerlaannaq atuutilernissaat taamaalilluni ullormi inatsisip akuersissutigineqarfiani atuuttussanngorlugit. Ullup taassuma kingorna nioqqutissat Kalaallit Nunaannut eqqunneqartut taamaasillutik allannguinermi eqqorneqassallutik. Nioqqutissanut Aalborgi aqqusaarlugu umiarsuakkut nassiunneqartussanut Aalborgimi nassiussassatut ulloq tunniunneqarfiat Kalaallit Nunaannut ullormi tassani eqqunneqartutut isigineqassapput.