2. november 2003

UKA 2003/164

 

Inatsisartut Naalakkersuisullu pillugit Inatsisartut inatsisaata allanngortinneqarneranik Inatsisartut inatsisissaattut siunnersuummut
(Naalakkersuisut siulittaasuata saniatigut naalakkersuisunut ilaasortat arfineq-marluusinnaanerat kiisalu aningaasanut inatsisip akuerineqartarneranut killiliussaq pillugu kingunerisatut iluarsiissut)

 

allannguutissatut siunnersuut

Aappassaaneerlugu suliarinninnissamut Inatsisartut Inatsisit Atortinneqarnerannut Ataatsimiititaliaanni amerlanerussuteqartunit Siumumeersunit Inuit Ataqatigiinneersunillu saqqummiunneqartoq.

§ 1-imut

1. Nr. 1-imi § 3, imm. 1 ima oqaasertalerneqassaaq:
" Inatsisartut naalakkersuisunik Namminersornerullutik Oqartussat suliassaqarfiinik pisortatut ingerlatsisussanik toqqaassapput. "

 

Nassuiaatit

 

Nr. 1-imut

Allannguutissatut siunnersuutip kingunerissavaa naalakkersuisuni ilaasortat amerlassusissaat inatsisartut naalakkersuisullu pillugit inatsisikkut aalajangersaavigineqartarunnaassammat.

Allannguutissatut siunnersuut Namminersorneq pillugu Isumalioqatigiissitat isumaliutissiissutaanni kaammattuutigineqartunut, innersuunneqartunut, naapertuuppoq.

Naalakkersuisut Siulittaasuata naammaginartumik anertussusilimmik kiffaanngissuseqarluni naalakkersuisuni ilaasortat akornanni sapinngisamik tulluarnerpaamik suliassanik agguataarisinnaanera qulakkeerneqartariaqarpoq. Taamaammat naalakkersuisuni ilaasortat amerlassusiisa i-natsisartut naalakkersuisullu pillugit inatsisartut inatsisaanni aalajangersaavigineqartarnissaa tulluarsorinanngilaq. Taamatut iluarsiinissaq pisariaqavissutut isumaqarfiginanngilaq, Naalakkersuisummi Siulittaasuata Naalakkersuisut inuttalersorneqarnissaannik siunnersuutaa Inatsisartunut taasissutigitinneqartussaammat, Naalakkersuisullu atuunnerinut aningaasaqarnikkut killissarititaasut aningaasaliissuteqartarnermut inatsisikkut immikkut aalajangersaavigineqartarmata.