1. april 20031

UPA 2003/35

 

Piginneqatigiilluni inissiat pillugit Inatsisartut peqqussutaata allanngortinneqarneranik Inatsisartut peqqussutissaattut siunnersuut

pillugu

Inatsisartut Attaveqaqatigiinnermut Ineqarnermullu Ataatsimiititaliaata

ISUMALIUTISSIISSUTAA

siunnersuutip aappassaaneerneqarnerani saqqummiunneqartoq

 

Inatsisartut Attaveqaqatigiinnermut Ineqarnermullu Ataatsimiititaliaat suliarinninnermini ukuninnga inuttaqarpoq:

 

Inatsisartuni ilaasortaq Isak Davidsen, Atassut, siulittaasoq
Inatsisartuni ilaasortaq Kalistat Lund, Siumut, siulittaasup tullia
Inatsisartuni ilaasortaq Jens Napaattooq, Siumut
Inatsisartuni ilaasortaq Johan Lund Olsen, Inuit Ataqatigiit
Inatsisartuni ilaasortaq Palle Christiansen, Demokraatit

 

Inatsisartut Attaveqaqatigiinnermut Ineqarnermullu Ataatsimiititaliaata Piginneqatigiilluni inissiat pillugit Inatsisartut peqqussutaata allanngortinneqarneranik Inatsisartut peqqussutissaattut Naalakkersuisut siunnersuutaata siullermeerneqareernerani, nassuiaatitai ilanngullugit, misissuataarpaa.


Apeqqutit

Ataatsimiititaliaq siunnersuutip oqaluuserineqarneranut atugassanik Attaveqaqatigiinnermut, A-vatangiisinut Ineqarnermullu Naalakkersuisoq apeqqutinut arlalinnut akissuteqaqqullugu qinnui-gaa. Ataatsimiititaliap apeqqutaasa Naalakkersuisunilu ilaasortap akissutaasa nuutinneri isumaliutissiissummut matumunnga ilanngunneqarput.


Siunnersuutip ilusiligaanera

Inatsisartut peqqussutaat inatsimmut nalunaarummik suliarinninnertaqanngitsumik 1991-imiit pingasoriarlugu allanngortinneqarnikuusimavoq. Taamaalilluni siunnersuutip matuma akuersissutigineqarsinnaanera ilanngullugu Inatsisartut inatsisaannut siullermut tunngatillugu inatsimmut allannguutit sisamaalissapput.

Inatsisartut peqqussutaat arlaleriarlugu allanngortikkaanni, taanna inatsimmik atuisunut paasiuminaatsunngortinneqarsinnaavoq.

Taamaammat Inatsisartut Attaveqaqatigiinnermut Ineqarnermullu Ataatsimiititaliaata Naalakkersuisunut kaammattuutigissavaa, inatsisitigut allannguutigitinniakkat inatsisissatut ataasinngorlugu allatatut nutaatut saqqummiunniarneqassasoq, taamaaliornikkut inissianik attartorneq pillugu maleruagassat atuuttut inatsimmi nutaami ataatsimi katersorneqassammata.


Siunnersuutip imarisai

Attaveqaqatigiinnermut Ineqarnermullu Ataatsimiititaliap isumaqatigiittup siunnersuut isumaqatigaa. Ataatsimiititaliap isumaqatigiittup taarsigassarsisitsinissanut neriorsuutit tunniunneqarnerini killilimmik piffissalerneqartalernissaannut siunnersuutip aalajangersagai, Sanaartugassanut lluarsagassanullu Aningaasaateqarfiup aqunneqarnissaanut iluaqutaasussanik kinguneqartussaaneri pitsaasutit isigai.

Taamatut naatsumik oqaaseqarluni Inatsisartut Attaveqaqatigiinnermut Ineqarnermullu Ataatsimiititaliaata piginneqatigiilluni inissiat pillugit Inatsisartut peqqussutaata allanngortinneqarneranik Inatsisartut peqqussutissaattut siunnersuut aappassaanigassanngortippaa.

 

Isak Davidsen
Siulittaasoq
 

Kalistat Lund
Siulittaasup tullia

  

Jens Napaattooq
 

Johan Lund Olsen

  

Palle Christiansen

Ilanngussaq.

  1. § 11, imm. 5-ip nutaap kingunerissavaa piginneqatigiilluni inissiaatilittut peqatigiiffiup pigisaanik aalaakkaasunik qularnaveequsiussilluni taarsigassarsisitsisarfimmit taarsigassarsiaasa m2-mut ataatsimut amerlanerpaamik 6.000 kr.-inik amerlassuseqarnissaat. Aalajangersakkat ataasiakkaat nassuiaataanni taarsigassarsiat aningaasalersorneqarsinnaasut m2-mut ataatsimut sanaartornermi aningaasartuutit 17.204 kr.-iusinnaasut allassimavoq.

    2. Piginneqatigiilluni inissiat pillugit peqqussutip maannamut atuuttup § 11, imm. 5-iat malillugu piginneqatigiilluni inissiaatileqatigiit peqatigiiffiisa sanaartornermut matussutissatut taarsigassarsiat 105 m2 sinnerlugu sanaartortitamut imaluunniit kvadratmeterimut akip 15.000 kr.-imik qaangiissutaannut matussutissatut § 10, imm. 3 naapertorlugu Naalakkersuisunit kommunalbestyrelsinilu taarsigassarsianik kingulliutinneqartarput.

    Allannguutissatut siunnersuutigineqartoq malillugu aningaaseriviit taarsigassarsisitsisartulluunniit taarsigassarsiarititaat tamakkiisumik Namminersornerullutik Oqartussanit/kommuninit taarsigassarsianut naleqqiullugit salliutinneqartalertussaapput - tassanilu aamma pisortanit taarsigassarsiaritinne-qarsinnaasoq qaangerlugu angissusilimmik sanaartortitsineq (105 m2) sinnerlugu sanaartortitamut tunngasoq. Taamaalilluni Namminersornerullutik Oqartussat/kommunit pinngitsaaliissummik tuniniaanermi tunisinermi isertitat taarsigassaqarfigisanut tamanut tamakkiisumik matussusiisinnaatinnagit annaasaqaqqaartartussanngortussaassapput.

    Taamatut siunnersuutip inatsisitigut tunngaviinik allannguinera siunnersuummut tunngasumik nassuiaasiornermi ilanngunneqarsimanngilaq, aammalu sooq Naalakkersuisut allanngorartitsinissamik taamaattumik kissaateqarnersut allassimanani. Tamanna Inatsisartut Attaveqaqatigiinnermut Ineqarnermullu Ataatsimiititaliaata erseqqinnerusumik nassuiaateqarfigineqarnissaa kissaatigaa, ilanngullugulu allannguutip aningaasatigut kinguneqaatigisinnaasai nassuiaatigiterusullugit.

    Allannguutissatut siunnersuummut tunngaviupput tamatumani susassaqartut saaffiginnissimanerat aammalu illoqarfiit ilaanni sanaartornermi akiusut mē-imut ataatsimut 15.000 kr.-init qaffasinnerungaatsiarnerat. Aammattaaq aningaaseriviit imaluunniit pigisanik aalaakkaasunik qularnaveequsiussilluni taarsigassarsiniartarfiit piginneqatigiilluni inissiaatillit peqatigiiffiinut Namminersornerullutik Oqartussat kommunillu taarsigassarsiarititaannut kingulliullutik qularnaveequsiiffiussagunik taarsigassarsisitsiumannginnerat pissutaavoq.

    Tamatuma kinguneraa piginneqataasut ataasiakkaat namminneq akiliutissaasa amerlanerulernerat. Maannakkut piginneqataalersinnaasutut ilimagineqarsinnaasut 200.000 kr.-iniit 300.000 kr.-inut namminneq akiliuteqarsinnaasut amerlagisassaannginnerat ilimagisariaqarpoq. Ajornartorsiut tamanna aaqqiissutissarsineqanngippat tamatuma kingunerissavaa piginneqatigiilluni inissianik sanaartornerup uninnissaa imaluunniit piginneqatigiilluni inissiat akissaqarnerusuniinnaq pigineqarsinnaalernerat.

    Pinngitsaaliissummik tuniniaasarnissanut tunngatillugu Ataatsimiititaliap isumakuluutai eqqarsaatigalugit oqaatigineqassaaq piginneqatigiilluni inissiaq assersuutigalugu atorneqalernermi kingornatigut qaammatip ataatsip qaangiunneratigut pinngitsaaliissummik tuniniarneqalissappat, taava pigisat aalaakkaasut qularnaveequsiullugit taarsigassarsiniartarfimmut qularnaveequsikkat akiitsut sinneri koruunimikk ataatsimik ilallugit inissiamik 1,5 mio. kr.-it sinnerlugit nalilimmik tigusiniarlutik Namminersornerullutik Oqartussat neqerooruteqartariaqalersinnaasut. Peqqussutissatut siunnersuut Namminersornerullutik Oqartussanut imaluunniit kommuninut aningaasatigut kinguneqassasoq naatsorsuutigineqanngilaq. Piginnqeqatigiilluni inissiat pillugit peqqussutip ukiuni 13-ini atuutereernerani piginneqatigiilluni inissiaatillit peqatigiiffiat ataaserluunniit pinngitsaaliinikkut tuniniagassanngorsimanngilaq. Taamaattoqarnissaa aamma ilimanarujussuanngilaq.

  2. Allannguutissat paasilluarneqarnissaat siunertaralugu inigisap 90, 105 aamma 120 m2 -itut angitigisup peqqussutissatut siunnersuut allanngortinneqartinnagu allanngortinneqareerpallu aningaasalersorneqarnerata kisillugit naatsorsorneqarlutik assersuusiarineqarnissaat ataatsimiititaliap qinnutigissavaa.

Piginneqatigiilluni inissiat pillugit peqqussummi angissusiliinerit marluk immikkoortut imminnullu atanngitsut pineqarput. Siullermik initussuseq tapersiiffigineqarsinnaasoq aappaatullu mē-imut ataatsimut sananerani akiusoq tapersiiffigineqarsinnaasoq. Piginneqatigiilluni inissiap inissatut initussusia annerpaamik 105 mē tapersiiffigineqarsinnaavoq piginneqatigiilluni inissiaq anginerugaluarpalluunniit sananeranilu aningaasartuutit mē-mut ataatsimut annerpaamik 15.000 kr.-inik tapersiiffigineqarsinnaalluni.

 

Killiliinerit taakku marluk imaaliorneqarsinnaapput.

Pissutsit Initussuseq Sananerata akia
1: Sippuinani 105mē-nik mikineq mē-mut 15.000 kr.-it appasinn.
2: Akimik sippuilluni 105mē-nik mikineq mē-mut 15.000 kr.-it sinnerl.
3: Inituss. Sippuilluni 105 mē-nik angineq mē-mut 15.000 kr.-it appasinn.
4: Aki inituss. Sipporlugit 105 mē-nik angineq mē-mut 15.000 kr.-it sinnerl.

1: Sippuinani

Inissiat initussutsimikkut 105 mē-nik mikinerusunik initalinnik kvadratmeterimullu 15.000 kr.-it ataallugit akilinnik piginneqatigiilluni inissialiortut siunnersuutikkut eqqorneqassanngillat.

2: Akimik sippuilluni (90 mē)

Aaqqiissuussineq maannakkut atuuttoq malillugu pigineqatigiilluni inissiat 90 mē mē-mut 16.980 kr.-inik akillit imaassapput:

Aki tamakkiisoq (90 * 16.980) 1.528.200 kr.
Nammineq akiliut 1 (7% af 1.528.200) 106.974 kr.
Namm. Oqart. taars. (1/3 * 15.000 * 90) 450.000 kr.
Kommunip taars. (1/3 * 15.000 * 90) 450.000 kr.
Realkredit (26,33% af 1.528.200) 402.426 kr.
Nammineq akiliut 2 (aningaasat sinneri) 118.800 kr.

Taamaattumik nammineq akiliutit 1 aamma 2 katillugit 225.774 kr.-inik amerlassuseqarput.


Peqqussutissatut siunnersuut malillugu piginneqatigiilluni inissiat 90 mē mē-mut 16.980 kr.-inik akillit imaassapput:

Aki tamakkiisoq (90 * 16.980) 1.528.200 kr.
Nammineq akiliut 1 (7% af 1.528.200) 106.974 kr.
Namm. Oqart. taars. (1/3 * 15.000 * 90) 450.000 kr.
Kommunip taars. (1/3 * 15.000 * 90) 450.000 kr.
Realkredit (amerlanerp. 90 * 6000 = 540.000) 521.226 kr.

Nammineq akiliutit 106.974 kr.-iulerput. Naliullutik peqataasut, Namminersornerullutik Oqartussat kommunilu, pigisanik aalaakkaasunik qularnaveequsiilluni taarsigassarsiniartarfiit qularnaveequtaat siusinnerusukkut 402.426 kr.-iusut maanna 521.226 kr.-iusut ataqqissavaat. Piginneqatigiilluni inissiat sananeqariitsiarnerisigut pinngitsaaliissummik tuniniaasoqarneratigut piginneqatigiilluni inissialiat 1.528.200 kr.-ilerlugit sanaat tiguniarlugit Namminersornerullutik Oqartussat neqeroorutigisussanngorpaat 521.227 kr.-it.


2: Akimik sippuilluni (105 mē)

Aaqqissuussineq maannakkut atuuttoq malillugu piginneqatigiilluni inissiat 105 mē-it mē-mut 16.980 kr.-inik akillit imaassapput:

Aki tamakkiisoq (105 * 16.980) 1.782.900 kr.
Nammineq akiliut 1 (7% af 1.782.900) 124.803 kr.
Namm. Oqart. taars. (1/3 * 15.000 * 105) 525.000 kr.
Kommunip taars. (1/3 * 15.000 * 105) 525.000 kr.
Realkredit (26,33% af 1.782.000) 469.260 kr.
Nammineq akiliut 2 (aningaasat sinneri) 1 38.837 kr.

Taamaattumik nammineq akiliutit 1 aamma 2 katillugit 263.640 kr.-inik amerlassuseqalerput.


Peqqussutissatut siunnersuut malillugu piginneqatigiilluni inissiat 105 mē-it mē-mut 16.980 kr.-inik akillit imaalissapput:

Aki tamakkiisoq (105 * 16.980) 1.782.900 kr.
Nammineq akiliut 1 (7% af 1.782.900) 124.803 kr.
Namm. Oqart. taars. (1/3 * 15.000 * 105) 525.000 kr.
Kommunip taars. (1/3 * 15.000 * 105) 525.000 kr.
Realkredit (amerlanerp. 105 * 6000 = 630.000) 608.097 kr.

Nammineq akiliutit 124.803 kr.-iulerput. Naliullutik peqataasut, Namminersornerullutik Oqartussat kommunilu, pigisanik aalaakkaasunik qularnaveeqqusiilluni taarsigassarsiniartarfiit qularnaveequtaat siusinnerusukkut 469.260 kr.-iusut maanna 608.097 kr.-iusut ataqqissavaat. Pigineqatigiilluni inissiat sananeqariitsiarnerisigut pinngitsaaliissummik tuniniaasoqarneratigut piginneqatigiilluni inissialiat 1.782.900 kr.-ilerlugit sanaat tiguniarlugit Namminersornerullutik Oqartussat neqeroorutigisussanngorpaat 608.098 kr.-it.


3: Initussutsimik sippuilluni

Aaqqissuussineq maannakkut atuuttoq malillugu piginneqatigiilluni inissiat 120 mē mē-mut 15.000 kr.-inik akillit imaassapput:

Aki tamakkiisoq (120 * 15.000) 1.800.000 kr.
Nammineq akiliut 1 (7% af 1.800.000) 126.000 kr.
Namm. Oqart. taars. (1/3 * 15.000 * 105) 525.000 kr.
Kommunip taars. (1/3 * 15.000 * 105) 525.000 kr.
Realkredit (26,33% af 1.800.000) 474.000 kr.
Nammineq akiliut 2 (aningaasat sinneri) 150.000 kr.

Nammineq akiliutit 1 aamma 2 katillugit 276.000 kr.-inik amerlassuseqalerput.


Peqqussutissatut siunnersuut malillugu piginneqatigiilluni inissiat 120 mē mē-mut 15.000 kr.-inik akillit imaassapput:

Aki tamakkiisoq (120 * 15.000) 1.800.000 kr.
Nammineq akiliut 1 (7% af 1.800.000) 126.000 kr.
Namm. Oqart. taars. (1/3 * 15.000 * 105) 525.000 kr.
Kommunip taars. (1/3 * 15.000 * 105) 525.000 kr.
Realkredit (amerlanerp. 120 * 6000 = 720.000) 624.000 kr.

Nammineq akiliutit 126.000 kr.-iulerput, naliullutillu peqataasut, Namminersornerullutik Oqartussat kommunilu pigisanik aalaakkaasunik qularnaveequsiilluni taarsigassarsiniartarfiit qularnaveequtaat siusinnerusukkut 474.000 kr.-iusut maannakkut 624.000 kr.-iusut ataqqissavaat.


4: Aki initussuserlu sipporlugit

Aaqqissuussineq maannakkut atuuttoq malillugu piginneqatigiilluni inissiat 120 mē mē-mut 17.500 kr.-inik akillit imaassapput:

Aki tamakkiisoq (120 * 17.500) 2.100.000 kr.
Nammineq akliut 1 (7% af 2.100.000) 147.000 kr.
Namm. Oqart. taars. (1/3 * 15.000 * 105) 525.000 kr.
Kommunip taars. (1/3 * 15.000 * 105) 525.000 kr.
Realkredit (26,33% af 2.100.000) 553.000 kr.
Nammineq akiliut 2 (aningaasat sinneri) 350.000 kr.

Nammineq akiiliutit 1 aamma 2 katillugit 497.000 kr.-inik amerlassuseqalerput.

Peqqussutissatut siunnersuut malillugu piginneqatigiilluni inissiat 120 mē mē-mut 17.500 kr.-inik akillit imaassapput:

Aki tamakkiisoq (120 * 17.500) 2.100.000 kr.
Nammineq akiliut 1 (7% af 2.100.000) 147.000 kr.
Namm. Oqart. taars. (1/3 * 15.000 * 105) 525.000 kr.
Kommunip taars. (1/3 * 15.000 * 105) 525.000 kr.
Realkredit (amerlanerp. 120 * 6000 = 720.000) 720.000 kr.
Nammineq akliut 2 (aningaasat sinneri) 183.000 kr.

Nammineq akiliutit 1 aamma 2 katillugit 330.000 kr.-inik amerlassuseqalerput. Namminersornerullutik Oqartussat kommunillu pigisanik aalaakkaasunik qularnaveequsiilluni taarsigassarsiniartarfiit qularnaveequtaat siusinnerusukkut 553.000 kr.-iusut maanna 720.000 kr.-iusut ataqqissvaat.

Piginneqatigiilluni inissiaatillit peqatigiiffiat 105 mē sanaartornermilu mē-mut 15.000 kr.-it sipporlugit inissialiortut nammineq akiliutissanik amerlanerusunik akiliuteqassapput, tassa pigisanik aalaakkaasunik qularnaveequsiilluni taarsigassarsiniartarfiit aningaasalersuiffigisaata ilaanut mē-mut ataatsimut pigisanik aalaakkaasunik qularnaveequsiilluni taarsigassarsiniartarfiup aningaasalersuinissaanut killiliussamik 6.000 kr.-imik Namminersornerullutik Oqartussat kommunillu akuerisinnaasaat sipporneqarmata.

Tamanut tunngatillugu oqaatigineqarsinnaavoq Namminersornerullutik Oqartussat kommunillu taarsigassarsiarititaat 525.000 kr.-it piginneqatigiilluni inissiamut, niuerutiginerani assersuutigalugu 2,1 mio. kr.-inik nalilimmut qularnaveequtitut nalunaarsorneqarnermikkut piginneqatigiilluni inissiamut niuerutiginerani 1,5 mio. kr.-inik nalilimmut naleqqiullugu ajornerusumik inissinngitsut.


Ilassutitut apeqqut.

§ 9, imm. 3-p nutaap oqaasertaliivigineqarnissaa ajornartorsiutitaqarsinnaagunartoq ataatsimiititaliaq isumaqarpoq. Piginneqatigiilluni illuliornermut peqatigiiffik april 2004-mi tapersiivigineqarnissamik neriorsuummik allagarsippat sananeq april 2006 nallertinnagu aallartinneqarsimassaaq. Sanaffigeriaannanngorsaanerli arlaannik pissuteqartumik kinguartoorfiuppat aarleqqutigineqarsinnaavoq piginneqatigiilluni illuliornermut peqatigiiffiup piffissaq eqqorlugu sanaamik aallartitsinissaa ajornarsisinnaavoq, tamatumalu kingunerissallugu tapersiivigineqarnissamik neriorsuummik allaffigineqarnerup atorunnaarnissaa.

Peqqussutissatut siunnersuutikkut matumani pineqartukkut taamatut pitsaanngitsumik pisoqarnissaa qanoq pinngitsoorneqarsinnaanersoq nassuiarneqassasoq ataatsimiititaliap kissaatigaa.

Peqqussutissatut siunnersuutip kingunerissavaa inaarutaasumik neriorsuutip tunniunneqarnerata kingorna ukiut marluk qaangiutinnginneranni piginneqatigiilluni inissiaatillit peqatigiiffiata sanaartornermik aallartitsereersimanissaa. Inatsisartut Attaveqaqatigiinnermut Ineqarnermullu Ataatsimiititaliaata isumakuluutai pissutissaqanngillat, tassa inaarutaasumik neriorsuut tunniunneqartarmat piginneqatigiillutik inissiaatillit peqatigiiffiata missingiut A-mik imaluunniit suliariumannittussarsiuussinerup inerneranik nassiussinera tunuliaqutaralugu. T.i. inaarutaasumik neriorsuummik Naalakkersuisut nassiussigaangata sap. akunnerisa arlalinnguit qaangiunneranni sanaartorneq aallartinneqarsinnaavoq peqatigiiffiullu nunaminertaq sanaartorfissaq pigereertarpaa sanaartornerlu aallarteriaannaallugu.