30. januar 2003

UPA 2003/34

 

Namminersornerullutik Oqartussat kommunillu inissiaataasa attartortittakkat pigisatut inissianngortissinnaanerat pillugu inatsisartut peqqussutaata allanngortinneqarneranik inatsisartut peqqussutissaattut nr. xx, uu. qqqq 2003-meersussatut siunnersuut.
(Teknikikkut aningaasatigullu naliliinermit appasinnerusumik akeqartillugit inissianik tunisinissamut periarfissaq)

 

§ 1.

Namminersornerullutik Oqartussat kommunillu inissiataasa attartortittakkat pigisatut inissian-ngortissinnaanerat pillugu inatsisartut peqqussutaanni nr. 5-imi, 21. maj 2002-meersumi makku allannguutigitinneqassapput:

 

1. § 8-mi, imm. 5-itut ilanngunneqassaaq:
"Imm. 5. Naalakkersuisut aalajangersinnaavaat inissiaq akimik imm. 2-mi taaneqartumit allaasumik appasinnerusumillu akilerlugu tunineqarsinnaasoq niuernermi pissutsit tamanna pissutissaqartippassuk."

2. § 11-mi, imm. 1 ima oqaasertaqassaaq:
"Inissiap pisiarinerani akiuisoq, tak. § 8, imm. 2 imaluuniit imm. 5, inissiap niuernermi akigisinnaasaatut naliliinermit, tak. § 7, imm. 3, 5 %-imik appasinneruppat qaffasinneruppalluunniit inissiap tuneqqinneranut atatillugu iluanaapilunniarsinnaaneq pinaveersaartinniarlugu inissiaq pisisup Naalakkersuisunut imaluuunniit kommunalbestyrelsimut aningaasat nalingisa nikerarnerannut pisinermi akiusup, tak. § 8, imm. 2 imaluunniit imm. 5, aamma niuernermi akigisinnaasaatut naliliinerup, tak. § 7, imm. 3, akornanni nikingassummut naapertuuttumik qularna-veeqqusissavaa."

 

§ 2.

Peqqussut 1. januar 2003 atuutilerpoq.

Namminersornerullutik Oqartussat, ulloq uu. qqqq 2003.

Hans Enoksen

/

Mikael Petersen