NAMMINERSORNERULLUTIK OQARTUSSAT KALAALLIT NUNAANNI KOMMUNEQARFIIT KATTUFFIAT
UKIUMUT MISSINGERSUUSIORFIUSUMUT 2003-MUT ATAATSIMOORTU- MIK TAPIISSUTIT PILLUGIT ILASSUTITUT ISUMAQATIGISSUT
I. Ataatsimut isigalugu
Ukiumut missingersuusiorfiusumut 2003-mut ataatsimoortumik tapiissutit pillugu isuma- qatigiissummi allassimavoq: "Isumaqatigiissutip matuma imaanut aalajangiisuusussaap- put oqaluuserisassat arlallit Naalakkersuisunit inatsisissatut peqqussutissatullu Inatsisartu- nut oqaluuserisassanngortinneqarsimasut, ilaatigut pisortanit soraarnerussutisiat pillugit inatsisartut peqqussutaata allanngortinneqarnissaanik siunnersuut, inissianik attartorneq pillugu inatsisartut peqqussutaata allanngortinneqarnissaa, meeqqat inuusuttullu pillugit inatsisartut peqqussutaata allanngortinneqarnissaa aamma 2003-imut aningaasanut inatsi- sissatut siunnersuut. Inatsisartuni oqaluuserinnineq annertuunik allannguuteqartitsissappat illuatungeriit nutaamik isumaqatigiinniaqqikkumaarput."
Meeqqanut inuusuttunullu ikiorsiisarneq pillugu peqqussut 2002-mi ukiakkut ataatsimiin- nermi akuersissutigineqanngilaq. Taamaalilluni peqqussut aatsaat atuutilersinnaavoq ataatsimoortumik tapiissutit pillugit isumaqatigiissummi naatsorsuutigineqartumit ukiup affaanik kingusinnerusumik.
Meeqqanut inuusuttunullu paaqqinniffimmiititaqarnermut ulloq unnuarlu akiliut ulloq unnuarlu paaqqinniffinni missingersuutinik sippuinnginnissaq siunertaralugu 2002-mi juulimi qaffanneqarpoq kingumoortumik januar 2002-miit atuutilersumik. Paasinarsisi- mavoq taamatut aningaasartuuteqarneruneq, 2002-mut missingersuutiminnut ilanngussu- tissallugu periarfissaqarfigisimanngisartik, pissutigalugu kommunit ilaat aningaasatigut ajornartorsiuteqalersimasut.
Naalakkersuisut aamma kissaatigaat inoqutigiinnut 100.000 kr. inorlugu isertitaqartartu- nut ineqarnermut tapiissutip qaffanneqarnissaa.
Pineqartut taakku pingasut pissutigalugit 2003-mut ataatsimoortumik tapiissutit pillugit isumaqatigiissut isumaqatigiinniutigeqqinneqarpoq.
II. 2003-mut aningaasanut inatsisissatut siunnersuummut atatillugu qulequttat aalajangersimasut isumaqatigiinniutaasussat.
Meeqqanut inuusuttunullu ikiorsiissutitAtaatsimoortumik tapiissutit pillugit isumaqatigiissummi meeqqat inuusuttullu pillugit peqqussutip nutaap, 1. januar 2003 atuutilersussatut pilersaarutaasimasup, sunniutissai piareersimaffigineqareersimagaluarput. Peqqussulli 2002-mi Inatsisartut ukiakkut ataatsimiinneranni naammassillugu suliarineqanngilaq, Inatsisartullu upernaakkut ataatsimiinneranni saqqummiuteqqinneqarluni 1. juli 2003 atuutilersussatut, og det genfremsatte forslag til forordning foreslås nu at træde i kraft den 1. juli 2003. .
Illuatungeriit isumaqatigiissutigaat atuutilerfissap allanngortinneqarnerata kingunerisaanik ataatsimoortumik tapiissutit iluarsiissuteqartinneqassasutParterne er enige om at bloktilskuddet bliver reduceret med 7.927.000 kr. i 2003, som konsekvens af at forordningen om hjælp til børn og unge først træder i kraft pr. 1. juli 2003. . Kommunit aningaasartuutiginerusassaat 15,9 mio. kr.-inut aalajangersarneqarsimapput piffissalli sivikillinera naapertorlugu 2003-mi 7.927.000 kr.-inut iluarsineqassallutik.
Naalakkersuisut ilanngullugu ilisimatitsissutigaat 2003-mut aningaasanut inatsisissatut siunnersuut pikkorissartitsinermut aningaasaliissutit 2003-mi 2.423.000 kr.-inut aalajangiusimaneqarnissaannik imaqartoq, naalakkersuisullu tamatuminnga allanngortitsinianngitsut.
Ulloq unnuarluni paaqqinniffimmiititsinermut akiliutinut tapiissutitMeeqqanut inuusuttunullu paaqqinniffimmiititaqarnermut ulloq unnuarlu akiliutit ulloq unnuarlu paaqqinniffinni missingersuutinik sippuinnginniarluni 2002-mi juulimi qaffanneqarput 2002-mi januaarimiit kingumoortumik atuutilersumik.
Paasinarsisimavoq taamatut aningaasartuuteqarneruneq, 2002-mut missingersuutiminnut ilanngussutissallugu periarfissaqarfigisimanngisartik, pissutigalugu kommunit ilaat aningaasatigut ajornartorsiuteqalersimasut. Taamaattumik 2002-mi oktobarimi taamanikkut naalakkersuisuusut KANUKOKA-llu isumaqatigiissutigaat aaqqiissuteqartoqartariaqartoq kommunit pissakinnerusut tapiiffiginerisigut, aningaasartuuteqarnerunernut tassunga matusissutissatut.
Illuatungeriit isumaqatigiissutigaat kommunit innuttaasumut ataatsimut nuna tamakkerlugu agguaqatigiissitsineq ataallugu akileraarutaasussanik isertitaqarfiusartut 2002-mi meeqqanut inuusuttunullu paaqqinniffimmiititsinermut ulloq unnuarlu akiliutit qaffannerisa malitsigisaanik 2002-mi aningaasartuuteqarnerunermut taartisissasut.
Illuatungeriit isumaqatigiissutigaat taarsiissutitut kommunini pissakinnerusuni tamani ulloq unnuarlu paaqqinniffinniititsinernut tamarmiusunut ullormut unnuamullu ataatsimut 76 kr.-itut naatsorsorneqassasut.
Tapiissutit tamarmiusut 2.026.000 kr.-inut aalajangersarneqarput kommuninullu ukununnga tunniunneqassallutik:
Kommune Kr.
Narsaq 180000
Paamiut 69000
Maniitsoq 170000
Aasiaat 221000
Qasigiannguit 107000
Qeqertarsuaq 74000
Uummannaq 245000
Upernavik 280000
Qaanaaq 12000
Ammassalik 538000
Ittoqqortoormiit 130000
Ineqarnermut tapiissutit2003-mut Aningaasanut inatsisissatut siunnersuummi naalakkersuisut siunnersuuteqarput inoqutigiinnut 100.000 kr. inorlugit ukiumut isertitaqartartunut ineqarnermut tapiissutip qaffanneqarnissaanik.
Illuatungeriit isumaqatigiissutigaat inoqutigiinnut 100.000 kr. inorlugit ukiumut isertitaqartartunut ineqarnermut akiliutip qaffannera ineqarnermut tapiissutinut killiliussat, taamatullu aamma ataatsimoortumik tapiissutit atuuttut, iluaniitinneqarsinnaasut.
Illuatungeriit isumaqatigiissutigaattaaq allannguineq kommunini allaffissornermut aningaasartuutinik kinguneqassasoq. Taamaattumik ataatsimoortumik tapiissutit 2003-mi 0,3 mio. kr.-inik qaffanneqassapput aningaasartuutaanerusussanut taakkununnga matusissutitut.
Matuma kingorna ataatsimoortumik tapiissutit tamarmiusut"Ukiumut missingersuusiorfiusumut 2003-mut ataatsimoortumik tapiissutissat" pillugit isumaqatigiissummut 20. september 2003-meersumut ilassutitut isumaqatigiissutip matuma isumaqatigiissutigineqarneratigut ukiumut missingersuusiorfiusumut 2003-mut kommuninut ataatsimoortumik tapiissutissat 736.401.000 kr.-inut aalajangersarneqarput.
Taakkununnga ilanngunneqassapput kommuninut aalajangersimasunut ulloq unnuarlu paaqqinniffimmiititsinermut akiliummut immikkut tapiissutit ataatsimut 2.026.000 kr.-inik aningaasartallit.
Nuuk, ulloq 21. marts 2003
Augusta Salling
Aningaasarsiornermut NaalakkersuisoqJens-Lars Fleischer
Kalaallit Nunaanni Kommuneqarfiit Kattuffiata siulittaasua