Inatsisartut Ilaqutariinnermut Peqqissutsimullu Ataatsimiititaliaat
/MAANI
Nuuk, ulloq 27. marts 2003
j.nr.: 01.31+2003+01
Ulloq unuuarlu paaqqinnittarfiit ingerlanneqarnerat akisussaaffigineqarnerallu qanoq ilillu- ni kommunit aamma Namminersornerullutik Oqartussat akornanni agguataarneqarnis- saat pillugu Ilaqutariinnermut Peqqissutsimullu Ataatsimiititaliaq amerlanerusunik paasis- sutisseqqusimavoq.
Nalunaarutigisinnaavara Naalakkersuisut Ilaqutariinnermut Peqqissutsimullu Naalakker- suisoqarfikkoortumik ulloq unnuarlu paaqqinnittarfinnik ingerlatsisuusut i-ngerlatsinermili aningaasartuutit kommuninit akilerneqartartut. Meeqqanut inuusuttunullu ulloq unnuarlu paaqqinnittarfiit ineriartortinneqarnerisa ingerlaavartumik pilersaarusiorneqarnerat, matumanittaaq taakkununnga missingersuusiat, kiisalu paaqqinnittarfiit sorliit nalinginnaasutut sorliillu immikkut perorsaavittut taaneqassanersut, pillugit suleqatigiissitaliaq aalajangersimasoq KANUKOKA-p aamma Ilaqutariinnermut Pisortaqarfiup sinniisuutitaannit inuttalik naapeqatigiittarpoq.
Ulloq unnuarlu paaqqinnittarfinnut akisussaanerup ingerlatsinerullu agguataarnerisa al- lanngortinneqarnissaanik Naalakkersuisut pilersaaruteqanngillat. Kommunit aamma Namminersornerullutik Oqartussat akornanni nammagassat suliassallu maannakkut agguataagaanerat naapertorlugu meeqqanut inuusuttunullu tunngatillugu suliassaqarfiit kommunit akisussaaffigaat. Taamaattumik aamma kommunit aningaasalersugaraat ilaqutariinnut ikiorsiinerit, assersuutigalugu inuup pissusiinik ilinniagalinnit ikiorserneqarneq, ilaqutariinni (oqilisaassisunut) inissiigallarneq il.il..
Pitsaasuussanngilaq ulloq unnuarlu paaqqinnittarfiit namminersornerullutik oqartussanit tamakkiisumik ilaannakortumilluunniit aningaasalersorneqarpata kommunit suliniutit allat soorlu ilaqutariinni ajornartorsiutinut ikiuutaasinnaasut namminneq aningaasalersoraat. Aningaasanut aveqatigiilluni akisussaaneq aningaasartuutit pitsaanngitsumik aqunneqar- nerannut pissutaasinnaavoq, tamannalu ilaatigut kommunit aningaasat eqqarsaatigalugit "ilatsiinnarnerannut" pissutaasinnaavoq taamaalillunilu pissutsit ima ajortigilersinnaallutik meeqqap paaqqinnittarfimmut inissinneqarnera kisimi periarfissaalissalluni. Tamanna meeqqamut iluaqutaasussaanngilaq taamaattumillu meeqqanut inuusuttunullu tunngasu- ni kommunit aningaasatigut tamakkiisumik akisussaanerisa allanngortinneqarnissaa naa- lakkersuisut kaammattuutigisinnaanngilaat.
Taamaattumik maannakkut aaqqissuussinermi aallaaviuvoq paaqqinnittarfiit ingerlanne- qarnerisa kommuninit akilerneqartarnerat. Taamaattoq inissiinermi aningaasartuutit ta- marmiusut kommunip inissiisup akilerneq ajorpai. Maannakkut aaqqissuussinermi ingerlatsinerup affaa ataatsimoortumik tapiissutit ikililiiviginerisigut aningaasalersorneqarpoq. Taamaalillutik kommunit tamarmik ingerlatsinerup ilaanik aningaasalersueqataapput ataatsimoortumik tapiissutisiarisartakkaminnut tunngasumik taamalu aamma kommunip angissusaanut tunngasumik. Taanna aaqqissuussinermi nammaqatigiiffittut taaneqartar- poq.
Ingerlatsinerup affaata aappaa kommunit akilertarpaat atuineq malillugu ullormut unnua- mullu akiliutikkut, taakku kommuninit meeqqanik inuusuttunillu ulloq unnuarlu paaqqinnit- tarfimmi inissiisimasunit akilerneqartarput. 2003 eqqarsaatigalugu KANUKOKA-p aamma Naalakkersuisut akornanni isumaqatigiissutaasimavoq akiliutaagallartut marluk akileqqu- neqartassasut, aappa ulloq unnuamut 607 kr.-it, akiliutillu aappaa paaqqinnittarfinnut immikkut perorsaanertalinnut 819 kr.-it.
Kommunit akissakinnerusut pitsaanerusumik ikiorserneqarnissaat qularnaarlugu aaqqis- suussinissaq kissaatigineqarpat aningaasalersuinermik aaqqissuussinermi nammaqati- giinnerup anginerulersinneqarnissaa periarfissani qaninnerpaavoq. Assersuutigalugu aningaasartuutit 60 procentii ataatsimoortumik tapiissutit ikililiiviginerisigut aningaasaler- sorneqarpata sinneruttullu 40 procentii akiliutitigut aningaasalersorneqarpata akiliutigitit- takkat ullumikkumut naleqqiullugu 20 procentinik apparsinnaagaluarput, taamaaligaluarpalluunniilli suliassaqarfimmut aningaasalersuisut tassaaginnassapput kommunit.
Naalakkersuisut arlaleriarlutik KANUKOKA-mut nalunaarutigisimavaat tamatuma isuma- qatigiinniutigineqarnissaanut Naalakkersuisut piumassuseqartut. Taamaakkaluartoq taamatut isumaqatigiinniuteqarnissamut KANUKOKA suli piumassuseqarsimanngilaq.
Ilaqutariinnermut Peqqissutsimullu Ataatsimiititaliap ilanngullugu kissaatigaa paaqqinnit- tarfiit pillugit ingerlatsinerup akisussaanerullu agguataarnerannut atatillugu isumaqatigiin- niuteqaqqinnissaq Naalakkersuisut siunertarineraat paasissallugu.
Ukiumut missingiusiorfimmut 2003 ataatsimoortumik tapiissutit pillugit Naalakkersuisut aamma KANUKOKA 21. marts 2003-mi ilassutaasumik isumaqatigiissuteqarput. Isuma- qatigiissummi tassani ilaatigut ulloq unnuarlu paaqqinnittarfinnut tapiissutit pillugit isuma- qatigiissut ilaavoq.
Isumaqatigiissummut tunuliaqutaavoq akiliutit qaffanneqarnerat juni 2002-mi Aningaasa- qarnermut Ataatsimiititaliamit akuersissutigineqartoq. Qaffaatip taassuma 2002-mut mis- singersuusianut ilanngunnissaanut kommunit periarfissaqarsimanngillat, taamaattumik kommunit ilaat 2002-mi aningaasatigut ajornartorsiulerput.
Akiliut ullormut unnuamullu 201 kr.-imik qaffanneqarpoq, tassanngaaniit akiliutip akilernissaanut tapiissut ullormut unnuamullu 125 kr.-inik ilanngarneqarpoq, tamanna aamma Aningaasaqarnermut Ataatsimiititaliamit juni 2002-mi akuersissutigineqarpoq. Taamaalilluni kommunit ilimagineqariinngitsumik ullormut unnuamullu 76 kr.-inik aningaasartuute- qarnerulersinneqarput.
Taamaattumik taamanikkut naalakkersuisuusut KANUKOKA-lu oktober 2002-mi isuma- qatigiipput aaqqiissutissamik nassaartoqassasoq, tamatumuuna kommunit akissakinnerit aningaasartuutiginerulikkaminnut tassunga taarsiissutitut tapiiffigineqartalerlutik. Kisianni tassa aaqqissuussinissamut siunnersuutip suliarineqarnissaa qinersinissap oktober 2002-mi nalunaarutigineqarneratigut naalakkersuisut angumerinngilaat.
Taamaattumik 2003-mut ataatsimoortumik tapiissutit pillugit isumaqatigiissummut ilassu- titut isumaqatigiissummi ilanngunneqarpoq aaqqissuussineq, taanna malillugu kommunit akissakinnerit 2002-mi aningaasartuutiginerulikkaminnut taarsiiffigineqarsinnaasunngor- lugit. KANUKOKA aamma naalakkersuisut isumaqatigiissimapput kommunit akissakin- nerit tassaatinneqassasut innuttaasumut ataatsimut akileraarutitigut isertitaat nunamut tamarmut agguaqatigiissitsissummik appasinnerusumik isertitaqartartut. Aammattaaq isumaqatigiissutaavoq tapiissutit ani-ngaasartarissagaat kommunit 2002-mi aningaasartuutiginerusaat, tassa imaappoq ulloq unnuarlu inissiinermut 76 kr.-it.
Tapiissutit 2002-mi immikkut pisunut taarsiissutitut taamaallaat 2003-mi tunniunneqas- sapput taamaattumillu tassaassanatik kommuninut akissakinnernut ataavartumik tapiis- sutit. Tapiissutit katillugit 2.026.000 kr.-inut aalajangerneqarput agguaanneqassallutillu kommuninut kinguliani taaneqartunut:
Kommune Kr.
Narsaq 180000
Paamiut 69000
Maniitsoq 170000
Aasiaat 221000
Qasigiannguit 107000
Qeqertarsuaq 74000
Uummannaq 245000
Upernavik 280000
Qaanaaq 12000
Ammassalik 538000
Ittoqqortoormiit 130000
Ilassutitut isumaqatigiissutip aningaasatigut kingunerisai 2003-mut Aningaasanut Inatsisissatut Siunnersuutip aappassaaneerneqarnissaanut Naalakkersuisut allan-nguutissatut siunnersuutaanni ilaatinneqarput.
Isumaqatigiissut kalaallisut danskisullu ilisimatitsissutitut allakkamut uunga ilanngunneqarpoq.
Inussiarnersumik inuulluaqqusillunga
Augusta Salling