3. april 2003 UPA 2003/26-2
A l l a n n g u u t i s s a t u t s i u n n e r s u u t
uunga
Meeqqanik inuusuttunillu ikiorsiisarneq pillugu Inatsisartut peqqussutissaattut siunnersuut.
Ilaqutariinnermut Peqqissutsimullu Naalakkersuisumit aappassaaneerinninnermut saqqummiunneqartoq.
§ 1
1. § 5, imm. 1 ima oqaasertaqassaaq:
"§ 5. Kinaluunniit meeqqamik peqqissutsimigut ineriartornermigulluunniit navianartorsiortinneqarluni atugaqartinneqartumik paasisaqaruni kommunalbestyrelsimut nalunaaruteqarnissaminik pisussaaffeqarpoq"2. § 9, imm. 1 ima oqaasertaqassaaq:
"§ 9. Angajoqqaatut oqartussaassuseqartoq aamma meeraq 15-ileereersimasoq akuersiseqqaarlugit ikiorsiissutissaq meeqqap immikkut pisariaqartitsineranut naleqqunnerpaaq kommunalbestyrelsip toqqassavaa."3. § 10, imm. 2 ima oqaasertaqassaaq:
"Imm. 2. Imm. 1 tunngavigalugu taamaallaat aalajangiisoqarsinnaavoq tunngavissalimmik ilimanaateqarpat ajornartorsiutit meeqqap angerlarsimaffimminiiginnarnerani anigorneqarsinnaanngitsut."4. § 14, imm. 2 ima oqaasertaqassaaq:
"Imm. 2. Kommunalbestyrelsi naliliissaaq suliniutit allat ima annertutiginersut iliuusissanik pilersaarusiaq suliarineqartariaqarluni. Angajoqqaat imaluunniit meeraq iliuusissanik pilersaarummik kissaateqarpata, kommunalbestyrelsi pisussaavoq taamaattumik suliaqassalluni."5. § 28, imm. 3 ima oqaasertaqassaaq:
"Imm. 3. Ulloq unnuarlu paaqqinniffimmit imaluunniit ilaqutariinnit inuussutissarsiutigalugu paarsisartunit oqaaseqaateqarnermi kommunalbestyrelsip aalajangiunniagaa assortorneqarpat, suliaq § 34 malillugu Meeqqat pillugit paasisimasalittut qitiusumik ataatsimiititamut oqaaseqarfigisassan-ngortinneqassaaq."6. § 34, imm. 1 ima oqaasertaqassaaq:
"§ 34. Meeqqat pillugit paasisimasalittut qitiusumik ataatsimiititami ilaasortaapput inatsisileritooq, tarnip pissusiinik ilisimasalik, isumaginninnermi siunnersorti, isumaginninnermi perorsaasoq, ilinniartitsisoq aamma meeqqerisoq, tamarmik meeqqat inuusuttullu pisariaqartitaannik immikkut ittumik ilisimasaqartussat."7. § 34, imm. 4 ima oqaasertaqassaaq:
"Imm. 4. Ataatsimiititap suliassaraa meeqqap ulloq unnuarlu paaqqinniffimmit aamma ilaqutariinnik inuussutissarsiutigalugu paarsisartunit angerlartinneqarneranut atatillugu § 28, imm. 3 naapertorlugu suliani oqaaseqaateqarnissaq."8. § 39 ima oqaasertaqassaaq:
"§ 39. § 6, imm. 3, §§ 9-10, § 17, § 29 aamma § 38 malillugit aalajangiinerit isumaginnittoqarfiup aqunneqarnera aaqqissuussaaneralu pillugit Inatsisartut peqqussutaanni aalajangersakkat tunngavigalugit Isumaginninnermut Naammagittaalliuuteqartarfimmut naammagittaalliuutigineqarsinnaapput."
Nassuiaatit
Nr. 1-imut
Kalaallisuuani oqaasertatigut erseqqissaasoqarpoq.
Nr. 2-mut
Peqqussutissatut siunnersuutip qallunaatuuani oqaasertatigut iluarsiineq pineqarpoq.
Nr. 3-mut
Siunnersuutaasimasumi § 10, imm. 1, nr.1 kisimi innersuussutigineqarpoq, Naalakkersuisut isumaqarsimammata nr. 2-4-mi piumasaqaatit allassimasut ima sakkortutigisut meeqqap peqqissusaata aamma/imaluunniit ineriartornerata ajoquserujussuarneqaratarsinnaanerata ersarilluinnartuassalluni.
Taamaakkaluartoq Inatsisartut Inatsisissanik Nalilersuisarfiat isumaqarpoq siunnersuutaaqqaartumi oqaasertaliineq paaatsoorneqarsinnaasoq, taamaattumillu Naalakkersuisut kissaatigisimavaat pin-ngitsaaliilluni iliuuseqannginnermi soorunami meeqqap peqqissusiata ineriartorneratalu ajoquserneqaratarsinnaanera ersarilluinnartuassasoq.
Nr. 4-mut
Qallunaatuuani qqaasertaasa iluarsineqarnerat pineqarpoq.
Nr. 5-imut
Ataatsimiititaliami oqaluuserinninnermi Ilaqutariinnermut Peqqissutsimullu Ataatsimiititaliap ilaqutariit inuussutissarsiutigalugu paarsisartut kommunalbestyrelsimik isumaqatigiinngissutiminnik Meeqqat pillugit paasisimasalittut qitiusumik ataatsimiititamut saqqummiussinissamut aamma periarfissaqarnissaasa iluaqutaasinnaanera maluginiaqqusimavaa.
Nr. 6-imut
Meeqqat pillugit paasisimasalittut qitiusumik ataatsimiititamut aamma ilinniartitsisumik toqqaanissamik kissaatip malinneqarnissaa Naalakkersuisut kissaatigisimavaat.
Ilinniartitsisoq meeqqat inuunerannik immikkut paasisimasaqarlunilu ilisimasaqartuusorinarpoq, taamaattumillu ataatsimiititaliap suliat akimorlugit ingerlasuuneranik erseqqissaataassalluni.
Nr. 7-mut
§ 28, imm. 3-mi allannguutip kingunerisaanik Meeqqat pillugit paasisimasalittut qitiusumik ataatsimiititaliap suliassaanut aamma ilanngunneqassapput ilaqutariit inuussutissarsiutigalugu paarsisartut.
Nr. 8-mut
Soorunami Naalakkersuisut siunertaraat meeqqanik angajoqqaavi akuersiseqqaarnagit misissuinissamut aalajangiinerit naammagittaalliuutigineqarsinnaanissaat. Tamatuma kingunerisaanik § 6, imm. 3 naammagittaalliorsinnaanermut aalajangersakkamut ilanngunneqarpoq.