Aatsitassat ikummatissallu pillugit ingerlatsinermi pisortat allaffissornikkut aningaasartuutaannut taarsiinermi nalunaarut nr. 24, 30. december 2003
Kalaallit Nunaanni aatsitassat ikummatissallu pillugit inatsit § 25, immik. 5 malillugu, takuuk nalunaarut nr. 368 18. juni 1998-meersoq, aalajangersarneqarput:
Atuuffia
§ 1. Nalunaarutip imaraa pisinnaatitaasut aningaasartuutinik akiliuteqarnissaat, pisinnaaatitaasup akuersissutaani piumasaqaatitigut aalajangersarneqarmat pisinnaatitaasup pisortat allaffissornikkut aningaasartuutaannut akiliuteqarnissaq §§ 10, 19, 20 aamma 25 Kalaallit Nunaanni aatsitassat pillugit inatsit malillugu.
Suliassanik isumaginninnermi aningaasartuutit
§ 2. Aatsitassunut Ikummatitassanullu Pisortaqarfiup suliassanik isumaginninnermini aningaasartuutai, taassuma ilagalugu nakkutilliineq, nalunaaquttap akunnerinik atuisimaneq najoqqutaralugu naatsersuisoqartarput suliassap ataatsip suliarinerani nalunaarsukkatut atorneqartut najoqqutarlugit, takuuk taamaattoq immik. 3.
Imm.2. Nalunaaquttap akunneranut akiliutaasartaq aalajangerneqartarpoq suliassamik suleqataasut aningaasartuutigineqarnerisa agguaqatigiissinneratigut, tassunga ilanngunneqarlutik ukiumi pineqartumi allaffissornikkut sulinermi aningaasartuutaasimasut allat naleqqiussinermi pissarsiassaq.
Imm.3. Aatsitassanut Ikimmatisanullu Pisortaqarfiup aningaasartuutai, misissuinernut, siunnersorteqarnernut, taassuma ilagalugu pisortaqarfinnit allanit ikiorneqarneq, aamma angalanermut aningaasartuutit il.il. suliarineqartumut ataatsimut aningaasartuutitut atatinneqarsinnaasut , aatsitassanut ikummatissanullu pisortaqarfiup aningaasartuutigineqartunik nalunaarsuinera najoqqutaralugu akilerneqassapput.
Ilisimatitsissussaatitaaneq
§ 3. Ukiut naannginneri tamaasa aatsitassanut ikummatissanullu pisortaqarfiup § 1 malillugu akiliisussaatitaasut ilisimatissavai, aatsitassanut ikummatissanullu pisortaqarfiup ilimagippagu, ukiup tulliani suliassanik isumaginninneq malunnaateqartumik, nalinginnaasumik suliassatut pilersaarutaasut qaangerneqartussanngortut.
Imm. 2. Imm. 1 malillugu paassissutissat tunniunneqarsimasut ukiup ingerlanerani malunnaateqartumik allannguuteqarpata, imaluunniit suliassanik isumaginninneq malunnaateqartumik, nalinginnaasumik suliarisassatut pilersaarutaasut qaangerneqartut, akiliisussaatitaasoq piaarnerpaamik tassunga tunngasumik ilisimatinneqassaaq.
Nalunaarsuineq
§ 4. § 2 malillugu akiliisussaatitaanerit eqquutinniarlugit qaammatit pingasut qaangiunneri tamaasa imm.2–mi maleruaqqusat malillugu suliassamik isumaginninnermi aningaasartuutinut akiliisitsiniutaagallartoq aatsitassanut ikiummatissanullu pisortaqarfiup nassiutissavaa.
Imm. 2. Ukiumi akiliiffissami qaammatinut pingasunut akiliisitsiniutip siulliup nassiunneranut atatillugu aatsitassanut ikummatissanullu pisortaqarfiup nalunaarutigissavaa, ukiup ingerlaneranerani nalunaaquttap akunneranut aki sorleq ukiumi tassani akiliutaagallartartussani atorneqassanersoq. Nalunaaquttap akunneranut akiliutaagallartagassaq ukiumi natsorsuiffimmi inaarneqartumi nalunaaquttap akunneranut akiliuutaavoq, naleqqussarneqarluni aningaasartuutit allanngorarnerinut missiliuutaareersunut.§ 5. § 2, immik. 2 malillugu aatsitassanut ikummatissanullu pisortaqarfik ukiup naatsorsuiffiup naanerani nalunaaquttap akunneranut akiliutaasussaq naatsorsussavaa ukiorlu taanna akiliutissaq naatsorsorlugu. Akiliut taanna § 4-ra malillugu akiliutaagallarsimanut naleqqussarneqassaaq. Naatsorsuutit inaarnerat akiliisussaatitaasumut ukiup naatsorsuiffiup naaneranit kingusinnerpaamik qaammatit sisamat qaangiutinngineranni nassiunneqassaaq.
Erniat
§ 6. Nalunaarut manna malillugu aningaasartuutit akilerneqassapput kingusinnerpaamik akiliisitsiniutip nassiunneraniit ullut 30-it qaangiunneranni. Akiitsoq piffissaq eqqorlugu akilerneqanngippat, ernialissuineqassaaq inatsisip tamatigut atortuusup § 5-ia kingusinaarluni akiliinermut tunngasoq il.il malillugu, takuuk Inatsisini nalunaarut nr. 583 1. september 1986-meersoq.
Atortuulersitsineq
§ 7. Nalunaarut atortuulersippoq 1. februar 2004.
Namminersornerullutik Oqartussat, 30. december 2003.
Jørgen Wæver Johansen
/
Hans Kristian Schønwandt