Nalinginnaasumik nassuiaatit

1-ip allanngortinneqarnissaanik siunnersuummi siunertarineqartoq tassaavoq inuiaqatigiit aningaasaqarnerat eqqarsaatigalugu Naalakkersuisut 2003-mi pisariaqartinneqarsorinartunik aningaasartuuteqartarnissaannut ersarissumik paasiuminartumillu tunngaviliinissaq.

 

Siunnersuummi aalajangersakkanut ataasiakkaanut nassuiaatit

1-imut

Nr. 1

1-ip allanngortinneqarnissaanik siunnersuummi siunertarineqartoq tassaavoq inuiaqatigiit aningaasaqarnerat eqqarsaatigalugu Naalakkersuisut 2003-mi pisariaqartinneqarsorinartunik aningaasartuuteqartarnissaannut tunngaviliinissaq.

Sillimmasiinernut aningaasartuutit inatsisitigut tunngavigisat aningaasaliinermilu tunngavigineqartut 2002-mi atuuttut naapertorlugit kontukkut pingaarnikkut 25.02.06-ikkut, Inatsisit naapertorlugit sulisilluni ajoqusersinnaanermut sillimmasersimasussaatitaaneq, akilerneqassapput.

Aalisarnerup aaqqissugaanerata naleqqussarneqarneranut aningaasartuutit inatsisitigut tunnga-vigisat aningaasaliinermilu tunngavigineqartut 2002-mi atuuttut naapertorlugit kontukkut pi-ngaarnikkut 50.06.01-ikkut, Aalisarnerup aaqqissugaanerata naleqqussarneqarnera, akilerneqassapput.

Raajanik tunisinermut akinut tapiissutinut aningaasartuutit kontukkut pingaarnikkut 50.06.02-kkut, Piffissami killilimmi tapiissutinik aaqqiinermut akikinnerpaaffigititaagallartut, akilerneqassapput aningaasartuutit taamaalillutik ukiumut aningaasartuutaasartunut 10,0 mio. kr.-iusunut naapertuutilersillugit.

Tunisassiorfiit ingerlanneqarnerannut tapiissutinut aningaasartuutit 2003-mi tunisassiorfiit ingerlanneqarnerinut tapiissutit pillugit Namminersornerullutik Oqartussat aamma Royal Greenlandip A/S-ip NUKA A/S-illu akornanni isumaqatigiissutaasussaq naapertorlugu akilerneqassapput, aningaasartuutit taamaalillutik ukiumut aningaasartuutaasartunut tamarmiusunut 18,0 mio. kr.-iusunut naapertuutilersillugit.

Isumaqatigiissutinut nutaanut atatillugu aningaasartuutaanerusut isumaqatigiissutit nutaat naapertorlugit kontuni pingaarnerni pineqartuni akilerneqassapput.

Innarluutilinnut tunngasuni aningaasartuutaanerusut inatsisitigut tunngavigisat aningaasaliinermilu tunngavigineqartut 2002-mi atuuttut naapertorlugit kontukkut pingaarnikkut 30.13.06-ikkut, Nakkutigineqarluni najugaqatigiiffinnut angallassinernullu tapiissutit, kontukkut pingaarnikkut 30.13.08-kkut, Kalaallit Nunaanni innarluutilinnik isumaginninneq, kiisalu kontukkut pingaarnikkut 30.13.09-kkut, Innarluutilinnik suliassaqarfimmut aningaasaliissutinut oqartussaaffiup misiligutaasumik kommuninut nuunneqarnera, akilerneqassapput.

Sanaartornermut tunngasuni suliniutinik aallartitsinissamut aningaasartuutit kontukkut pingaarnikkut 80.00.80-ikkut, Aningaasat suliniutinik aallartitsinissamut sillimmatit, Aningaasaqarnermut Ataatsimiititaliap akuersereerneratigut akilerneqassapput.

Iluarsaanermut tunngasuni suliniutinik aallartitsinissamut aningaasartuutit kontukkut pingaarnikkut 90.00.80-ikkut, Iluarsagassat pilersaarusiorneqarnerisa aallartinneqartarnissaannut immikkoortitat, Aningaasaqarnermut Ataatsimiititaliap akuersereerneratigut akilerneqassapput.

Sanaartugassanut aallarteriikkanut aningaasartuutaanerusunut aningaasaliissutit iluarsagassanullu aallarteriikkanut aningaasartuutaanerusunut aningaasaliissutit kontukkut pingaarnikkut 80.00.01-ikkut, Nuussinissanut sillimmatit, Aningaasaqarnermut Ataatsimiititaliap akuersereerneratigut atugassiissutigineqassapput.

Sanaartugassat nutaat aallartinneqarnissaannut aningaasaliissutit kontumut pingaarnermut 80.00.00-imut, Sanaartornermut sillimmatit atugassanngortinneqanngitsut, tunniunneqassapput Aningaasaqarnermullu Ataatsimiititaliap akuersereerneratigut atugassiissutigineqassallutik.

Iluarsagassat nutaat aallartinneqarnissaannut aningaasaliissutit kontumut pingaarnermut 90.00.00-imut, Iluarsaanermut sillimmatit atugassanngortinneqanngitsut, tunniunneqassapput Aningaasaqarnermullu Ataatsimiititaliap akuersereerneratigut atugassiissutigineqassallutik.

 

Nr. 2

Inuussutissarsiutitigut ilinniagaqarnermut sulisitsisut akiliutaat pillugit Inatsisartut inatsisaanni nr. 16-imi, 23. november 1989-imeersumi 4, imm.1 naapertorlugu akiliutissat 0,9 %-itut aalajangersarneqarput. Aalajangersakkami siunertarineqartoq tassaavoq inuussutissarsiutinut ilinniartitaanernut sulisitsisut akiliutissaata procentip aalajangersarneqarnissaa. Isertitat inuussutissarsiutinut ilinniartitaanermut tunngasunut atorneqassapput.

 

2-mut

Inatsisartut inatsisaat 1. januar 2003-mi atuutilerpoq.