23. april 2002 UPA2002/20

 

Piginneqartigiilluni inissiat pillugit Inatsisartut peqqussutaata

allanngortinneqarnissaanik Inatsisartut peqqussutissaattut

nr. xx, xx. xx 2002-meersussatut siunnersuut

pillugu

Inatsisartut Attaveqarnermut Pilersuinermullu aamma Ineqarnermut

Ataatsimiititaliaata

ISUMALIUTISSIISSUTAA

Aappassaaneerinissamut saqqummiunneqartoq

 

Inatsisartut Attaveqarnermut Pilersuinermullu aamma Ineqarnermut Ataatsimiititaliaat suliarinninnermini ukuninnga inuttaqarpoq:

 

Inatsisartuni ilaasortaq Godmand Rasmussen, Atassut, siulittaasoq
Inatsisartuni ilaasortaq Tommy MarÝ, Siumut, siulittaasup tullia
Inatsisartuni ilaasortaq Per Rosing-Petersen, Siumut
Inatsisartuni ilaasortaq Ole Lynge, Inuit Ataqatigiit
Inatsisartuni ilaasortaq Mogens Kleist, Kattusseqatigiit

 

UPA2002-mi siullermeerinerup kingorna Inatsisartut Attaveqarnermut Pilersuinermullu aamma Ineqarnermut Ataatsimiititaliaata siunnersuut nassuiaatitai ilanngullugit misissuataarpaa.

Peqqussutissatut siunnersuummi saqqummiunneqartumi tassalu, entreprenÝrip sanaartornermik aallartitsereersinnaanissanik sanaartornerullu nalaani sanaartukkaminik piginneqatigiillutik inissiaatilllit peqatigiiffiannut pilersinneqareersimasumut tunisisinnaanissaanik anguniakkat Ataatsimiititaliap isumaqatigiittup taperserpai. Taamaaliornikkut isumaqatigiissuteqarnerup nalaani piginneqatigiillutik inissiaatillit peqatigiiffiata tapersiivigineqarnissamik neriorsuuteqarfigineqareersimanissaanik malittarisassaq allanngortinneqarpoq.

Ataatsimiititaliap iluarisimaarlugu maluginiarpaa Naalakkersuisut naapertorlugit pilersaarutip naammassinissaanut piffissaq atorneqartoq ukiunik marlunnik sivikillissasoq, tassa periuseq Inatsisartut aningaasanut inatsisaannut atuuttoq sanaartornerup piffissalersorneqarnerani aalajangiisuujunnaarmat.

Peqqussutissatut siunnersuut matumani pineqartoq akuersissutigineqarpat Naalakkersuisut naapertorlugit tamatuma kingunerissavaa, inissianik inissialiornermut aningaasateqarfinnit imaluunniit entreprenÝrinit sananeqartunik piginneqatigiilluni piserusunneq annerulissasoq, tassa inissiat taamaattut annertuumik ingerlatsinikkut iluaqutissat iluaqutigalugit sanaartorneqarsinnaalernissaat kvadratmeterimullu akikinnerulernissaat naatsorsuutigineqarmat.

Ataatsimiititaliap Naalakkersuisutulli naatsorsuutigaa, siunnersuutikkut matumani pineqartukkut, kvadratmeterimut akigititaasup piginneqataasunut akikinerulernissaa tunngavissinneqartoq, tassa entreprenÝrit sanaartornissaminnut pilersaarusiornissaminnut annertunerusumik periarfissinneqarmata.


Ataatsimiititaliap isumaqatigiittup siunnersuutip akuersissutigineqarnissaa inassutigaa.

Taama oqaaseqarluni Inatsisartut Attaveqarnermut Pilersuinermullu aamma Ineqarnemut Ataatsimiititaliaata siunnersuut aappasaaniigassanngortippaa.

 

Godmand Rasmusssen, Atassut
siulittaasoq

Tommy MarÝ, Siumut
siulittaasup tullia
Per Rosing-Petersen, Siumut

Ole Lynge, Inuit Ataqatigiit Mogens Kleist, Kattusseqatigiit