23. april 2002 UPA 2002/18

 

Inissianik attartorneq pillugu Inatsisartut peqqussutaata allanngortinneqarneranik Inatsisartut peqqussutissaattut nr. xx, xx. xx 2002-imeersussatut siunnersuut

pillugu

Inatsisartut Attaveqarnermut Pilersuinermullu aamma Ineqarnermut Ataatsimiititaliaata

ISUMALIUTISSIISSUTAA

Aappassaanneerinissamut saqqummiunneqartoq

 

Inatsisartut Attaveqarnermut Pilersuinermullu aamma Ineqarnermut Ataatsimiititaliaat suliarinninnermini ukuninnga inuttaqarpoq:

 

Inatsisartuni ilaasortaq Godmand Rasmussen, Atassut, siulittaasoq
Inatsisartuni ilaasortaq Tommy MarÝ, Siumut, siulittaasup tullia
Inatsisartuni ilaasortaq Per Rosing-Petersen, Siumut
Inatsisartuni ilaasortaq Ole Lynge, Inuit Ataqatigiit
Inatsisartuni ilaasortaq Mogens Kleist, Kattusseqatigiit

UPA 2002-imi siullermeerinninerup kingorna Inatsisartut Attaveqarnermut Pilersuinermullu aamma Ineqarmut Ataatsimiititaliaata siunnersuut nassuiaatitai ilanngullugit misissuataarpaa .

Ataatsimiititaliap isumaqatigiittup peqqussutissatut siunnersuummik saqqummiussinermi tunngavigineqartut tamakkiisumik taperserpai, tassuunakkummi namminersortut inissianik pilersuinerisa annertusarneqarnissaata nalinginnaasumik anguniarneqarnerani attartortut piginnaatitaaffiisa qulakkeerunneqarnerat naqissuserneqarmat.

Ataatsimiititaliap iluarisimaarlugu maluginiarpaa attartortut, piginneqatigiilluni inissiaatillit peqatigiiffiini piginnittulluunniit peqatigiiffiini peqataanissamik kissaateqanngitsut, inissiamik taamaaqqataanik neqeroorfigineqarnissaannik Namminersornerullutik Oqartussat kommunillu siunnersuutikkut pisussaaffilerneqarmata.

IA-p saqqummiussissummini tikkuarpaa allannguutissatut siunnersuutip kalaallisoortaani qallunaatoortaanilu arlalitsigut assigiinngissuteqartoqartoq.

Ataatsimiititaliap Naalakkersuisunut kaammattuutigissavaa kalaallisuuata qallunaatuuatalu imminnut naapertuuttuunissaat anguniarlugu kukkunerit naqqiissuteqarfigeqqullugit.

 

Ataatsimiititaliap isumaqatigiittup siunnersuutip akuersissutigineqarnissaa inassutigaa.

Taama oqaaseqarluni Inatsisartut Attaveqarnermut Pilersuinermullu aamma Ineqarnermut Ataatsimiititaliaata siunnersuut aappassaaniigassanngortippaa.

 

Godmand Rasmussen, Atassut
siulittaasoq

Tommy MarÝ, Siumut
siulittaasup tullia
Per Rosing-Petersen, Siumut

Ole Lynge, Inuit Ataqatigiit Mogens Kleist, Kattusseqatigiit