Kommuneqarfik Upernaviup nunaqarfiini imigassanik aalakoornartulinnik nioqquteqarnerup killiliivigineqarnera pillugu Namminersornerullutik Oqartussat nalunaarutaat nr. 7, 21. marts 2002-imeersoq.

 

Imigassanik aalakoornartortalinnik nioqquteqartarneq sassaallertarnerlu pillugit inatsisartut inatsisaanni nr. 11, 11. november 2000-meersumi, inatsisartut inatsisaatigut nr. 3, 31. maj 2001-imeersukkut allanngortinneqartumi, 26, imm. 1, nr. 3 aamma 27, imm. 3 aamma 4 malillugit aalajangersarneqarput:

 

1. Nalunaarut una Kommuneqarfik Upernaviup nunaqarfiinut tamanut atuuppoq.

2. Imigassanik kimittuunik kimikitsunillu nioqquteqarneq taamaallaat pisinnaavoq tunisassanik siumoortumik inniminneerinikkut. Tunisassanik pisineq Upernaviup illoqarfianiit imaluunniit Upernaviup kommuniata avataaniit pissaaq. Imigassat inniminniikkat toqqaannartumik pisiniartumut imaluunniit nunaqarfimmi pisiniarfik aqqutigalugu tunniunneqassapput.

3. Imigassat inniminniikkat taamaallaat tunniunneqarsinnaapput Imigassanik aalakoornartortalinnik nioqquteqartarneq sassaallertarnerlu pillugit Inatsisartut inatsisaanni qaqugukkulluunniit atuuttumi piffissani tuniniaaviusussatut aalajangersakkat malillugit

4. Kinaluunniit 2-mik aamma 3-mik sanioqqutsilluni imigassanik kimittuunik kimikitsunilluunniit tuniniaasoq tunniussisorluunniit akiliisitaanermik pineqaatissinneqarsinnaavoq. Kinaluunniit 2-mik aamma 3-mik sanioqqutitsilluni imigassanik kimittuunik kimikitsunilluunniit pisisoq tunineqartorluunniit akiliisitaanermik pineqaatissinneqarsinnaavoq.

5. Nalunaarut una ulloq 1. april 2002 atortuulerpoq.




Namminersornerullutik Oqartussat, ulloq 21. marts 2002




Augusta Salling

/

Kaare Hagemann