Kalaallit Nunaata avannaarsuani kangianilu Nuna Allanngutsaaliugassatut Immikkoortitaq pillugu Namminersornerullutik Oqartussat nalunaarutaata allanngortinneqarneranik Namminersornerullutik Oqartussat nalunaarutaat nr 16, 5. oktober 1999-imeersoq.

 

§ 1.

Kalaallit Nunaata avannaarsuani kangianilu Nuna Allanngutsaaliugassatut Immikkoortitaq pillugu Namminersornerullutik Oqartussat nalunaarutaanni nr. 7-imi 17. juni 1992-imeersumi allanngortinneqassapput:

1. § 24 imatut oqaasertaqassaaq:
"§ 24. Nuna Allanngutsaaliugassatut Immikkoortitaq Naalakkersuisunit aqunneqarpoq".

2. § 25 imatut oqaasertaqassaaq:
"§ 25. Nunami Allanngutsaaliugassatut Immikkoortitami atortussiassanik aatsitassanik misissueqqaarnissamut, ujarlernissamut iluaqutiginninnissamullu akuersissut tunniunneqartassapput Kalaallit Nunaanni atortussiassat aatsitassanit pisut pillugit inatsimmi aalajangersakkat naapertorlugit, tamatumanilu Avatangiisinut Pinngortitamullu Pisortaqarfik oqaaseqaateqartinneqartassalluni akuersissutinut ataasiakkaanut tunngatillugu immikkut aalajangersaasarnissaq siunertaralugu. Taamatuttaaq malittarisassanik aalajangersaasoqassaaq Kalaallit Nunaanni Ujarassiooqarfiup (GGU-p) allallu pisortanit akuerineqarsimasut Nunap Allanngutsaaliugassatut Immikkoortitap iluani ingerlatsinerat pillugu.

 

§ 2.

Nalunaarut manna 1. december 1999-imi atuutilissaaq.

Namminersornerullutik Oqartussat, ulloq 5. oktober 1999

Alfred Jakobsen

/

Søren Hald Møller