2000-imi akileraarutitigut naligiissaanissaq aamma kommuninut ataatsimut akileraarutip agguataarneqarnissaa pillugit Namminersornerullutik Oqartussat Nalunaarutaat nr. 8, 23. juni 1999-imeersoq.

Aningaasarsianit akileraarutit pillugit Inatsisartut inatsisaanni nr. 5, 19. maj 1979-imeersumi, kingullermik allanngortinneqartumi Inatsisartut inatsisaatigut nr. 15, 30. oktober 1998-imeersukkut, § 83 aammalu § 85 naapertorlugit kiisalu Kalaallit Nunaanni Kommunit Kattuffiat isumaqatigiinniareerlugu makku aalajangersarneqarput:

 

§ 1. Kommunini inummut ataatsimut agguaqatigiissitanik akileraarutitigut isertitat assigiinngissutaasa naligiissarneqarnissaannut aammalu kommuninut ataatsimut akileraarutip agguataarneqarnissaanut kommunit ataani taaneqartut 2000-imi tapiissuteqarfigineqassapput:
Nanortalik kr. 21.441.000
Qaqortoq        kr. 13.836.000
Narsaq        kr. 7.642.000
Paamiut        kr. 12.229.000
Maniitsoq        kr. 14.813.000
Sisimiut        kr. 15.248.000
Kangaatsiaq kr. 14.845.000
Aasiaat        kr. 16.975.000
Qasigiannguit kr. 8.846.000
Ilulissat        kr. 16.630.000
Qeqertarsuaq kr. 4.471.000
Uummannaq kr. 17.979.000
Upernavik        kr. 22.335.000
Qaanaaq        kr. 7.840.000
Ammassalik kr. 22.222.000
Ittoqqortoormiit  kr. 3.699.000
Imm. 2. Tapiissutit landskarsimiit akilerneqartassapput qaammatini 1/12-imik qaammatinut ataasiakkaanut tapiissutinut agguagassanut tapertaliullugit.

§ 2. Kommunit ataani taaneqartut 2000-imi imaattunik akiliuteqassapput:
Ivittuut kr. 5.712.000
Nuuk kr. 36.898.000
Imm. 2. Akiliutissat landskarsimut akilerneqartassapput ukiup qaammataani tamani 1/12-imik qaammatinut ataasiakkaanut tapiissutinit agguagassanit millilerutitut.
Imm. 3. Imm. 2 malillugu akiliutissat qaammammi tapiissutinit agguagassanit anneruneruppata aningaasat qaammammi tapiissutinit annertunerussutaasut landskarsimut akilerneqartassapput qaammatip pineqartup aallaqqaataani.

§ 3. 2000-imi kommuninut ataatsimut akileraarummit agguataagassaapput 160.000.000 kr. kiisalu iluarsiissutit, takuuk imm.3, ukiumi 1987-imit kr. -100.000, 1988-imit kr. -113.000, 1989-imit kr. -118.000, 1990-imit kr. -119.000, 1991-imit kr. 3.000, 1992-mit kr. 57.000, 1993-imit kr. 168.000, 1994-imit kr. -343.000, 1995-imit kr. 272.000, 1996-imit kr. 450.000, 1997-imit kr. 12.001.000, 1998-imiillu 6.283.000, katillugit kr. 178.441.000.
Imm. 2. Kommuninut ataatsimut akileraarut nuna tamakkerlugu akileraarutip akilersorneqartarneratut landskarsimut akilersorneqartassaaq.
Imm. 3. Kommuninut ataatsimut akileraarummit isertitat imm. 1-imi kisitsimmit aalajangerneqarsimasumit allaaneruppata nikingassut ukiumi tulliuttumi kommuninut ataatsimut akileraarutip agguataarneqarnerani iluarsiissutigineqassaaq.

Namminersornerullutik Oqartussat, ulloq 23. juni 1999.

Josef Motzfeldt

/

Kaare Hagemann