Qaanaap kommuniani imigassanik aalakoornartulinnik nioqquteqarneq pillugu Namminersornerullutik Oqartussat nalunaarutaat nr. 2, 22. januar 1999-imeersoq.
Imigassanik aalakoornartulinnik nioqquteqarneq sassaallertarnerlu pillugit Inatsisartut inatsisaanni nr. 23-mi, 30. oktober 1992-imeersumi § 28 naapertorlugu uku aalajangersarneqarput:
§ 1. Nalunaarut una Qaanaap Kommunianut atuuppoq.
§ 2. Imigassanik kimittuunik arfininngornikkut nioqquteqartoqaqqusaanngilaq.
§ 3. Nunaqarfinni imigassanik kimittuunik nioqquteqarneq unitsinneqartassaaq, nalunaarutip atortuulersinneqarnerata nalaani nunaqarfimmi uninngasuutigineqartut nungunneqaraangata.
§ 4. Nalunaarummi uani aalajangersakkanik unioqqutitsineq akiliisitaanermik kinguneqarsinnaavoq, inatsimmi § 29 naapertorlugu.
§ 5. Nalunaarut 1. februar 1999-mi atulerpoq.
Namminersornerullutik Oqartussat, ulloq 22. januar 1999.
Marianne Jensen/
Martha S. Abelsen