Inuussutissarsiummik Ingerlataqartunik Nalunaarsuiffik pillugu Inatsisartut inatsisissaat nr. 10, 29. oktober 1999-imeersoq
Kapitali 1
Siunertaq§ 1. Naalakkersuisut ataanni Inuussutissarsiummik Ingerlataqartunik Nalunaarsuiffik (IIN) ingerlanneqassaaq. Nalunaarsuiffik Naatsorsueqqissaartarfimmit allaffissornikkut aqunneqassaaq inatsisartut inatsisaanni uani aalajangersakkat naapertorlugit.
§ 2. Inuussutissarsiummik Ingerlataqartunik Nalunaarsuiffiup siunertaraa
1) § 3 naapertorlugu inuussutissarsiummik ingerlataqartut sulisitsisuusulluunniit inatsisitigut immikkuullarissutut naatsorsuussat, § 4-lu naapertorlugu ingerlatsiveqarfiit taakkununnga attuumassuteqartut pillugit paasissutissanik tunngaviusunik imaqassalluni,
2) § 5 naapertorlugu inatsisitigut immikkuullarissutut naatsorsuussanik ingerlatsiveqarfinnillu nalunaarsuiffimmut ilanngunneqarsimasunik paatsuugassaanngitsumik normulersuissalluni, aamma
3) §-it 13 aamma 14 naapertorlugit paasissutissanik tunngaviusunik pisortani oqartussanut atorfeqarfinnullu kiisalu namminersortunut atugassanngortitsisassalluni.
Kapitali 2
Nassuiaatit§ 3. Inatsisitigut immikkuullarissutut naatsorsuussat inatsisartut inatsisaanni tassaatinneqassapput
1) inuk sulisitsisuusoq namminersorluniluunniit inuussutissarsiummik ingerlataqartoq,
2) inatsisitigut inuttut naatsorsuussaq imaluunniit inatsisitigut inuttut naatsorsuussap nuna allameersup immikkoortortaa,
3) peqatigiiffiit, suliniaqatigiiffiit aningaasaateqarfiillu,
4) Namminersornerullutik Oqartussat,
5) kommuni, imaluunniit
6) kommunit suleqatigiiffiat.§ 4. Ingerlatsiveqarfik inatsisartut inatsisaanni matumani imatut paasineqassaaq
1) Inatsisitigut immikkuullarissutut naatsorsuussap ataasiinnavimmik pingaarnertut ingerlataqartup najukkaminillu aallaaveqarluni ingerlataminik tamanik ingerlatsisup ingerlataatut pingaarnertut,
2) Inatsisitigut immikkuullarissutut naatsorsuussap qassiinik pingaarnertut najukkamit ataatsimit aallaaveqarluni ingerlataqartup ingerlataatut pingaarnertut ataatsitut, imaluunniit
3) Inatsisitigut immikkuullarissutut naatsorsuussap najukkanit qassiinit aallaaveqarluni ingerlatsisup ingerlataatut ataatsitut.§ 5. Inatsisitigut immikkuullarissutut naatsorsuussat paatsuugassaanngitsumik ilisarnaatissaminnik normulerneqassapput (IIN-normu). Ingerlatsiveqarfik normuaralerneqassaaq.
Imm. 2. Naatsorsueqqissaartarfiup normut imm. 1-imi taaneqartut tunniuttassavai.
Imm. 3. Naalakkersuisut inatsisitigut immikkuullarissutut naatsorsuussat erseqqinnerusumik taasat, matumani aamma ingerlatsiveqarfiit ilanngullugit, nalunaarsorneqanngitsoornissaat pil-lugu malittarisassiorsinnaapput.§ 6. Pisortani oqartussat, ataatsimiititaliat, kommissionit atorfeqarfiillu inatsisitigut immikkuullarissutut naatsorsuussanut tunngasuni tamani IIN-normu atortassavaat.
Imm. 2. Pisortani oqartussat atorfeqarfiillu, kiisalu namminersortut IIN-imi paasissutissat tunngaviusut tunniunnerini tigunerinilu paasissutissanik siammarterutit elektroniskiusut atorsinnaavaat.
Kapitali 3
IIN-imi aqutsisoqatigiit§ 7. Inuussutissarsiummik Ingerlataqartunik Nalunaarsuiffiup aqutsisussaanik naalakkersuisut toqqaassapput. Aqutsisoqatigiit tassaassapput Naatsorsueqqissaartarfiup sinniisaa, Naalakkersuisut sinniisaat marluk kiisalu Inuussutissarsiorneq pillugu Siunnersuisoqatigiit inassuteqarneratigut toqqagaq ataaseq.
Imm. 2. Aqutsisoqatigiit apeqqutit naammagittaalliuutillu nalunaarsuiffiup ingerlanneqarneranut ulluinnarnilu atorneqarneranut, kiisalu inuussutissarsiutit assigiinngitsut immikkut nalunaaqutserneqartarnerinut tunngasunik suliaqartassapput.
Imm. 3. Naalakkersuisut IIN-imi aqutsisoqatigiit suleriaasissaat aalajangersassavaat, ajunngitsorsiassat ilanngullugit.
Kapitali 4
Nalunaarsuiffiup imarisai aamma annertussusaa§ 8. Imm. 3 aamma 4 naapertorlugit allanik aalajangersaasoqarsimatinnagu inatsisitigut im-mikkuullarissutut naatsorsuussat pillugit paasissutissat tunngaviusut makku Inuussutissarsiummik Ingerlataqartunik Nalunaarsuiffimmut ilanngunneqassapput:
1) Immikkuullarissup IIN-normua
2) Suliffeqarfiup qanoq ittuussusia (A/S, ApS il.il.).
3) Pilersinneqarfia aamma atorunnaarsinneqarfia.
4) Immikkuullarissup aqqa.
5) Immikkuullarissup najugaa.
6) Oqarasuaatip faxillu normui qarasaasiarlu atorlugu allakkanik nassitsivissaq.
7) Inuussutissarsiummik ingerlataqarfik saniatigullu ingerlataqarfiusinnaasut allat.
8) Akisussaalluinnarlutik piginnittuusut KIA- aamma IIN-normui.
9) Sulisut amerlassusaat
Imm. 2. Imm. 3 naapertorlugu allatut aalajangersaasoqarsimatinnagu ingerlatsiveqarfiit pillugit paasissutissat tunngaviusut makku Inuussutissarsiummik Ingerlataqartunik Nalunaarsuiffimmut ilanngunneqassapput:
1) Inatsisitigut immikkuullarissutut naatsorsuussap IIN-normua.
2) Ingerlatsiveqarfiup D-normua
3) Pilersinneqarfia aamma atorunnaarfia
4) Immikkuullarissup aqqa
5) Immikkuullarissup najugaa
6) Oqarasuaatip faxillu normui qarasaasiarlu atorlugu allakkanik nassitsivissaq.
7) Inuussutissarsiummik ingerlataqarfik saniatigullu ingerlataqarfiusinnaasut allat.
8) Sulisut amerlassusaat.
Imm. 3. Naalakkersuisut oqarasuaatit faxillu normuisa, qarasaasiaq atorlugu allakkanik nassitsivissap, kiisalu sulisut amerlassusaasa qanoq annertutigisumik qanorlu Inuussutissarsiummik Ingerlataqartunik Nalunaarsuiffimmut nalunaarsorneqarnissaat pillugut malittarisassiorsinnaapput.
Imm. 4. Naalakkersuisut akisussaassuseqavillutik piginnittut aqqisa, najugaasa, atorfiisa kii-salu KIA- imaluunniit IIN-normuisa qanoq annertutigisumik qanorlu nalunaarsuiffimmut ilanngunneqarnissaat pillugu malittarisassiorsinnaapput.
Imm. 5. Naalakkersuisut akiitsunik isumakkeerinninneq, pinngitsaaliilluni tuniniaatitsineq kii-salu akiliisinnaajunnaarneq pillugit paasissutissat ilanngunneqartarnissaat pillugu malittarisassiorsinnaapput.§ 9. Inuussutissarsiummik Ingerlataqartunik Nalunaarsuiffimmut ilanngunneqarsimasut pillu-git paasissutissat Naatsorsueqqissaartarfimmit nalunaarsorneqarlutillu nutarterneqartassapput.
§ 10. Inatsisitigut immikkuullarissutut naatsorsuussat § 2, imm. 1-imut ilaatinneqartut qinnuteqarnerisigut erseqqinnerusumik piffissaliussap iluani Naatsorsueqqissaartarfik paasissutissanik tunngaviusunik § 8 aamma 9 naapertorlugit nalunaarsorneqartartunik nutarterneqartartunillu tunniussisassaaq.
Imm. 2. Naalakkersuisut malittarisassiorsinnaapput inatsisitigut immikkuullarissutut naatsorsuussat makku pillugit nalunaaruteqarnissaannik pisussaaffiliisunik
1) Inatsisitigut immikkuullarissutut naatsorsuussap najugaanni suliamik pingaarnermik § 4, nr. 2-mi taaneqartunik nutaamik aallartitsineq unitsitsinerluunniit, tassa tamanna inatsisitigut immikkuullarissutut naatsorsuussamik tigusinertaqanngikkaanngat tigummisaaruttoqanngikkaanngalluunniit, aamma
2) inatsisitigut immikkuullarissutut naatsorsuussap§ 4, nr. 3-mi taaneqartup najugarinngisaani ingerlatsivinnik pilersitsineq atorunnaarsitsinerluunniit.
Kapitali 5
Paasissutissiisussaatitaaneq§ 11. Kikkulluunniit Naatsorsueqqissaartarfimmut allagaqarlutik noqqaassuteqarnermikkut paasissutissat tunngaviusut § 10 naapertorlugu Inuussutissarsiummik Ingerlataqartunik Nalunaarsuiffimmut ilanngunneqarsimasut imminnut tunngassuteqartut pillugit paasissutissinneqarsinnaapput.
§ 12. Kikkulluunniit Inuussutissarsiummik Ingerlataqartunik Nalunaarsuiffimmut ilanngunneqarsimasunik paasissutissanik tunngaviusunik pissarsiniarsinnaatitaapput kisianni imm. 2-6-imi taaneqartut ilanngunneqartussaanngitsut piumasaqataasullu pinnagit.
Imm. 2. KIA-normut inuinnarnut tunniunneqaqqusaanngillat.
Imm. 3. Inatsisitigut immikkuullarissutut naatsorsuussat imaluunniit ingerlatsiveqarfiit tigulaariffigineqarnerini akisussaavilluni piginnittuusup namminerisaminik najugaa, taanna suliffeqarfiup najugaata assiginngikkaanngagu, inuinnarnut tunniunneqartassanngilaq. Inuup akisussaassuseqavilluni peqataasup namminerisaminik najugaata qanoq annertutigisumik inuinnarnut tunniunneqarnissaa pillugu naalakkersuisut allanik malittarisassiorsinnaapput.
Imm. 4. Oqarasuaatit faxillu normuisa kiisalu qarasaasiaq atorlugu allakkanik nassitsivissat inuinnarnut qanoq annertutigisumik tunniunneqarsinnaanerat pillugu naalakkersuisut malittarisassiorsinnaapput.
Imm. 5. Sulisorineqartut qassiussusaat pillugit paasissutissat taamaallaat inuinnarnut tunniunneqarsinnaapput sulisoqatigiit qassiuneri taallugit Inuussutissarsiummik Ingerlataqartunik Nalunaarsuiffiup pisortani oqartussat nalunaarsuiffii pillugit inatsit naapertorlugu nalunaarsuisarneranut maleruaqqusani malittarisassat naapertorlugit.
Imm. 6. Nalunaarsuiffimmit ataatsimoortunik tigulaarineq ima pisassaaq paragrafi manna naapertorlugu atuisunut tunniussivigineqarsinnaasunut taamaallaat paasissutissat tunniunneqartussanngorlugit.
Imm. 7. Pisortani oqartussat kiisalu sullissiveqarfiit Inuussutissarsiummik Ingerlataqartunik Nalunaarsuiffimmit paasissutissanik tunngaviusunik tigusaqarsimasut paasissutissanik ingerlatitseqqissagunik imm. 2, 3 aamma 6-imi kiisalu § 15, imm. 2-imi, aamma imm. 3-5 naapertorlugit malittarisassiarineqarsimasuni aalajangersakkat malissavaat.§ 13. § 2 naapertorlugu nalunaarsuiffimmut ilanngunneqarsimasut allakkatigut qinnuteqarnermikkut Inuussutissarsiummik Ingerlataqartunik Nalunaarsuiffiup paasissutissaataasa pilerisaarinermut atorneqannginnissaannik piumasaqartut tamanna pillugu nalunaarsuiffimmi nalunaarneqassapput.
§ 14. Inuussutissarsiummik Ingerlataqartunik Nalunaarsuiffiup sullissinerminik pisortani oqartussanut sullissiveqarfinnullu kiisalu namminersortunut tunisaqarsinnaanera tamatumun-ngalu akilerneqartarnera pillugit naalakkersuisut malittarisassiussapput. Akiliutit nalunaarsuiffiup aserfallatsaalineqartarneranut pilersinneqarneranullu aningaasartuutiviusut sippussanngilaat.
Kapitali 6
Qanoq iliuuseqarfiginninnerit§ 15. § 10 naapertorlugu piffissaagallartillugu paasissutissanik nalunaaruteqanngitsoq imaluunniit piaaraluni mianersuaalliorujussuarluniluunniit eqqunngitsunik paasissutissiisoq akiliisinneqartussanngorlugu eqqartuunneqarsinnaavoq.
Imm. 2. Piaaraluni mianersuaalliorujussuarluniluunniit § 12, imm. 2 aamma 3-imik unioqqutitsisoq akiliisinneqassaaq.
Imm. 3. Inatsisartut inatsisaat naapertorlugu maleruagassiarineqartuni akiliisussanngortitsilluni pineqaatissiinissamik aalajangersasoqarsinnaavoq.
Imm. 4. Ingerlatseqatigiiffik, peqatigiiffik, suliffeqarfik imminut pigisoq, aningaasaateqarfik assigisaaluunniit unioqqutitsisuuppata inatsisitigut inuttut naatsorsuussaq taamaannermisut akiliisussanngortinneqarsinnaavoq. Namminersornerullutik Oqartussat, kommuni imaluunniit kommunit suleqatigiiffii unioqqutitsisuuppata Namminersornerullutik Oqartussat, kommuni imaluunniit kommunit suleqatigiiffii akiliisussanngortinneqarsinnaapput.
Kapitali 7
Aalajangersakkat allat§ 16. Inatsisartut inatsisaat manna naapertorlugu aalajangiinerit IIN-imi aqutsisoqatigiit aalajangertassavaat.
§ 17. Inatsisartut inatsisaat 1. december 1999 atuutilerpoq.
Namminersornerullutik Oqartussat, ulloq 29. oktober 1999
Jonathan Motzfeldt/
Josef Motzfeldt