18. oktober 1998

UKA 1998/23

 

Raajat akitsuutaat pillugit Inatsisartut inatsisaata allanngortinneqarnissaa pillugu Inatsisartut

inatsisissaattut siunnersuut

pillugu

Inatsisartut akileraartarnermut ataatsimiititaanit

ISUMALIUTISSIISSUT

Aappassaaneerlugu suliarineqarnissaanut tunniunneqartoq

Inatsisartut akileraartarnermut Ataatsimiititaata suliarinninnerani peqataapput

inatsisartuni ilaasortaq Karl Lyberth (S), siulittaasoq
inatsisartuni ilaasortaq Laannguaq Lynge (S)
inatsisartuni ilaasortaq Siverth K. Heilmann (A)
inatsisartuni ilaasortaq Otto Storch (A) Knud Sørensenimut sinniisussaq
inatsisartuni ilaasortaq Manasse Berthelsen (IA)

Inatsisartut Akileraartarnermut Ataatsimiititaata 7. aamma 18. oktober ataatsimiinermini raajat akitsuutaat pillugit Inatsisartut inatsisaata allanngortinneqarnissaa pillugu inatsisartut inatsisissaattut siunnersuut suliaraa. Siunnersuummik suliarinninnissamut atugassatut paasissutissat Aningaasaqanermut Ineqarnermullu Naalakkersuisumit pissarsiarineqarput.

Akileraartarnermut Ataatsimiititap tunngavissat pigineqartut tunngavigalugit inassutigaa siunnersuut aappassaaneerlugu suliarineqareerpat Akileraartarnermut Ataatsimiititamut utertillugu, ilassutitut isumaliutissiissummik saqqummiinissaq siunertaralugu, nassiunneqassasoq.

Ilassutitut isumaliutissiissummik saqqummiinnginnermini Akileraartarnermut ataatsimiititaq Aningaasaqarnermut Ataatsimiititamik ataatsimeeqateqaqqaarumavoq.

 

	Karl Lyberth ataatsimiititami siulittaasoq
Laannguaq Lynge (S)		Siverth K. Heilmann (A)
Otto Storch (A)		Manasse Berthelsen (IA)