21. oktober 1998

UKA 1998/8

 

Kalaallit Nunaata nunap immikkoortuinut kommuneqarfinnullu aggorneqarnera

pillugu

Inatsisartut inatsisaata allanngortinneqarneranik Inatsisartut inatsisissaattut

siunnersuut pillugu

Inatsisartut Inatseqarnermut ataatsimiititaanit

ISUMALIUTISSIISSUT

Siunnersuutip aappassaaneerlugu suliarineqarnissaanut tunniunneqartoq

Suliassamik suliarinninnermi Inatsisartut Inatsiseqarnermut ataatsimiititaanit peqataapput

inatsisartuni ilaasortaq Otto Steenholdt (A), siulittaasoq
inatsisartuni ilaasortaq Laannguaq Lynge (S)
inatsisartuni ilaasortaq Anders Nilsson (A)
inatsisartuni ilaasortaq Niels MátâK (S)
inatsisartuni ilaasortaq Johan Lund Olsen (IA)

Inatsisartut Inatsiseqarnermut ataatsimiititaa suliamik suliarinninnermini atugassanik ilassutitut paasissutissanik Naalakkersuisut piniarfigai.

Inatsiseqarnermut ataatsimiititap aallaqqaasiullugu Kalaallit Nunaata nunap immikkoortuinut aggorneqarnerata annertunerusumik allannguivigineqarnissaa eqqarsaatigalugu tamatuma sukumiinerusumik iterngalu tikillugu aammalu kommunit peqataatillugit oqallissigineqaqqaar-nissata pisariaqarneranik Naalakkersuisut oqarnerat taperserpaa.

Ataatsimiititap isumaqatigiittup Illoqqortoormiut aamma Ammassaliup kommuniisa killeqarfiata allanngortinneqarnera taperserpaa.

Ataatsimiititap isumaqatigiittup nunat aqqisa iluarsaanneqarnerat ilanngullugu taperserpaa. Siunnersuutip Inatsisartuni siullermeerneqarnerani inatsisartuni ilaasortaq Anthon Frederiksen nunat aqqinik iluarsaassineq taanna uparuaaffigaa. Uparuaasimanerup erseqqinnerusumik naliliiffiginissaanut Inatsiseqarnermut Ataatsimiittitaq tunngavissaqanngilaq, tassa Kalallit Nunaanni Nunat Aqqinik Aalajangiisartunit iluarsaassineq ingerlanneqarsimammat.

Inatsisartut Inatsiseqarnermut ataatsimiititaata suliamik suliarinninnermini malugisimavaa Hansip Qeqertaanik taaneqartartoq pillugu Canada isumaqatigiissuteqarfigineqarsimanngitsoq. Ataatsimiititap isumaqatigiittup inassutigaa Naalakkersuisut danskit naalakkersuisui aqqutigalu-git tamanna pillugu Canadamik isumaqatigiinniarnissat aallartinneqarnissaat sulissutigissagaat.

Inatsisartut Inatsiseqarnermut ataatimiititaata isumaqatigiittup matumuuna inassutigaa Kalaallit Nunaata nunap immikkoortuinut kommuneqarfinnullu aggorneqarnera pillugu Inatsisartut inatsisaata allanngortinneqarneranik Inatsisartut inatsisissaattut siunnersuut taama iluseqarluni aappassaaneerlugu suliarineqassasoq.

 

	Otto Steenholdt (A) ataatsimiititami siulittaasoq
Laannguaq Lynge (S)		Niels MátâK (S)
Anders Nilsson (A)		Johan Lund Olsen (IA)