30. april 1998 UPA 1998/11
Tjenestemandit Inatsisartut suliffeqarfiini atorfillit pillugit Inatsisartut inatsisaannut nr. xx, uu. qqqq 1998-imeersumut oqaaseqaatit.
Nalinginnaasumik oqaaseqaatit.
Inatsisissatut siunnersuut saqqummiunneqarpoq Kalaallit Nunaanni Inatsisartut Suleriaasissaanni § 45-mi, pingaartumik imm. 1-imi, tassani piumasaqaataammat Inatsisartut Allaffeqarfianni tjenestemandit sulisullu allat Inatsisartut Siulittaasuannit imaluunniit taamaaliornissamut Siulittaasup piginnaatitaanit atorfinitsinneqarlutillu soraarsinneqartassasut, aalajangersagaq inatsimmut naapertuutsilerniarlugu.
Tamatuma saniatigut inatsisikkut siunertaavoq inatsit atuuttoq malillugu tjenestemandit pisinnaatitaaffii pisussaaffiilu allannguuteqartinneqaratik atatiinnarneqassasut.
Inatsisip imarisai naleqqussarneqarput Kalaallit Nunaanni Namminersornerullutik Oqartussani kommuninilu tjenestemandit pillugit Inatsisartut inatsisaannut 14. maj 1990-imeersumut allan-nguutigalugit atorfinitsitsisussaatitaasup allanngortinneqarnerata malitsigisaanik allannguutigisariaqalersut.
Taamaattumik naatsorsuutigineqanngilaq siunnersuut landskarsip aningaasartuuteqarnerunissaanik kinguneqassasoq.
Immikkut oqaaseqaatit.
Kapitalini 1-8 (ilanngullugu) aalajangersakkat tjenestemandit pillugit inatsisartut inatsisaata qulaanni taaneqartup kapitalii 1-8 (ilanngullugu) assigaat, taamaattoq inatsimmi maannakkut atuuttumi "Naalakkersuisut" taaneqaraangata "Inatsisartut Siulittaasoqarfiat" taarsiullugu ilanngunneqartarluni.
Oqaaseq "Siulittaasoqarfik" atorneqarpoq Suleriaasissani § 45-mi imm. 1-imi oqaaseqatigiinni kingullerni aalajangersakkat ilaatinniarlugit.
Inatsisip kapitalii 9-14 (ilanngullugu) tjenestemandit pillugit inatsisip maannakkut atuuttup kapitalii 12-17 (ilanngullugu) assigaat, piumasaqaatit taaneqareersut piumasaqaatigalugit aammalu akissaatinut ataatsimiititamik pilersitsinissaq inatsisip §§-ii 48 aamma 49-miittut.
§§-ini 56-59 atortuulersitsinermut ikaarsaariarnermullu aalajangersakkat nutaajupput, kisianni inatsisip uuma akuersissutigineqarnerata kingunerisaanik allannguutaallutik.
Inatsisartut inatsisaanni matumani paragraffinut innersuussinerit pisariaqarneratut allaassuteqarput Kalaallit Nunaanni Namminersornerullutik Oqartussani kommuninilu tjenestemandit pillugit inatsisartut inatsisaanni maannaakkut atuuttumut naleqqiullugit.