6. maj 1998

UPA 1998/10

 

Pappiaqqanik nalilinnik naqissusiinermi akitsuut pillugu Inatsisartut inatsisaata allanngortinneqarneranik Inatsisartut inatsisissaannut siunnersuut

pillugu

Inatsisartut Akileraartarnermut Ataatsimiititaliaata

ISUMALIUTISSIISSUTAA

siunnersuutip aappassaaneerneqarneranut saqqummiunneqartoq.

Siunnersuutip suliarineqarnerani ataatsimiititaliap ilaasortarai

inatsisartunut ilaasortaq Knud Sørensen (A), siulittaasuugallartoq
inatsisartunut ilaasortaq Lãnnguak Lynge (S)
inatsisartunut ilaasortaq Siverth K. Heilmann (A)
inatsisartunut ilaasortaq Ruth Heilmann (S)
inatsisartunut ilaasortaq Manasse Berthelsen (IA)

Inatsisartut Akileraartarnermut Ataatsimiititaliaata Inatsisartut siullermeerinninnerisa kingorna inatsisissatut siunnersuut oqaaseqaatitaalu misissuataarpat.

Inatsisissatut siunnersuut Takornariartitsinermik inuussutissarsiuteqarnermut aningaasalersuinikkut tapersiisarneq pillugu inatsisartut inatsisaannik, januarip aallaqqaataani 1997 atuutilersumik, Inatsisartut akuersissuteqarnerata pissusissamisoortumik malitsigaa.

Taamaalilluni ataatsimiititaliap isumaqatigiissup Pappiaqqanik nalilinnik naqissusiinermi akitsuut pillugu Inatsisartut inatsisaanni taamatut allanngortitsinissaq ilalerpaa, taamaalillunilu qularnaveeqqusiussinermut uppernarsaatit il.il. takornarianut unnuiffiusinnaasunik pilersitsinissamut aningaasalersuinikkut tapersiissuteqartarnissamut aningaasaateqarfimmut, imaluunniit takornariartitsinermi inuussutissarsiuteqarnerit iluanni aallartitsinianut aningaasalersuinikkut tapersiisarnermut ataatsimiititaliamut, tunniunneqarunik akitsuuserneqartussaajunnaarsillugit.

Akileraartarnermut Ataatsimiititaliap taamatuttaaq suliniutinut inuussutissarsiornermi ingerlatanik kinguaariit tulliit tigusinissaannut ajornannginnerulersitsisussanut tapersersuinini oqaatigerusuppaa.

Taamaalilluni ataatsimiititaliap isumaqatigiissup ilalersinnaavaa aktiaateqarluni piginneqataassuteqarlunilu ingerlatseqatigiiffiit kattunnerini uppernarsaatit naqissuserneqartassanngitsut, Akileraartarnermi Siunnersuisoqatigiit kattunneq akileraaruserneqassanngitsutut akuersissutigisimappassuk.

Inatsisartut Akileraartarnermut Ataatsimiititaliaata taamaalilluni inassutigissavaa Pappiaqqanik nalilinnik naqissusiinermi akitsuut pillugu Inatsisartut inatsisaata allanngortinneqarneranik Inatsisartut inatsisissaannut siunnersuut taama isikkoqarluni aappassaaneerneqarnissaminut ingerlateqqinneqassasoq.

 

	Knud Sørensen (A) ataatsimiititaliami siulittaasuugallartoq
Lãnnguak Lynge (S)		Siverth K. Heilmann (A)
Ruth Heilmann (S)		Manasse Berthelsen (IA)