Tupa avatangiisinillu tupatorfiunngitsunik isumannaarineq, kiisalu tupanik nioqqutissat nalunaaqutserneqartarneri pillugit Inatsisartut peqqussutaata nr. 5-ip, 3. november 1994-imeersup allanngortinneqarneranik Inatsisartut peqqussutaat nr. 5, 30. oktober 1998-imeersoq.

Inatsisartut peqqussutaanni nr. 5-imi, 3. november 1994-imeersumi makku allanngortinneqassapput:

 

§ 1.

1. § 7 ima oqaasertalerneqassaaq:
"§ 7. Ini inummit ataasiinnaanngitsumit suliffiuppat pujortarneq inerteqqutaavoq.
Imm. 2. Ataatsimiinnermi pujortarneq inerteqqutaavoq."

2. § 11, imm. 4 ima oqaasertalerneqassaaq:
"Imm. 4. Oqaasertat ilanngussami taaneqartut saniatigut oqaasertaliussassat Peqqinnissamut Ilisimatusarnermullu Pisortaqarfimmit akuerineqassapput."

3. § 13, imm. 1 ima oqaasertalerneqassaaq:
"§ 13. Peqqinnissakkut oqartussaasut oqartussaasunik allanik suleqateqarlutik peqqussutip matuma eqquutsinneqarnissaa nakkutigissavaat."

 

§ 2.

Inatsisartut peqqussutaat manna 15. november 1998-imi atuutilerpoq.

Namminersornerullutik Oqartussat, ulloq 30. oktober 1998

Jonathan Motzfeldt

/

Marianne Jensen

---

Tupa avatangiisinillu tupatorfiunngitsunik isumannaarineq, kiisalu tupanik nioqqutissat nalunaaqutserneqartarneri pillugit Inatsisartut peqqussutaata nr. 5-ip, 3. november 1994-imeersup allanngortinneqarnissaanut siunnersuummut oqaaseqaatit.

 

Peqqinnissamut tunngasuni pinaveersaartitsinermik suliniuteqarnerup pitsaanerulersinnissaanut aammalu tupatornerup annikillisinnissinneqarnissaa siunertaralugu Tupa avatangiisinillu tupatorfiunngitsunik isumannaarineq, kiisalu tupanik nioqqutissat nalunaaqutserneqartarneri pillugit Inatsisartut peqqussutaata nr. 5-ip, 3. november 1994-imeersup maanna atuuttup allanngortinneqarnissaa matumuuna siunnersuutigineqarpoq. § 4, § 7, § 11 aamma § 13 allanngortitsiffiupput.

§ 4, imm. 2 pillugu:

§ 4, imm. 2-p maannamut atuuttup, aalajangersaaviusullu suliffeqarfiit qulit ataallugit sulisullit peqqussummut ilaatinneqannginnerinik, atorunnaarsinneqarneratigut suliffeqarfiit mikinerusut peqqussummi aalajangersakkanut nalinginnaasunut ilaatinneqalerput.

Taamaattoq imm. 2-p nutaamik oqaasertalerneqarneratigut neriniartarfiit imerniartarfiillu eqqarsaatigalugit aalajangersakkat qasukkaallatsinneqarput, qititsitsinerit assigisaallu peqqussummut ilaajunnaarsillugit. Tamatumuuna ulluinnarni periarfissat peqqussutillu siunertaata naapertuutilernissaat siunertaavoq. Taamaalilluni peqqussummi malittarisassat suli atuutissapput ass. nereqatigiinnerni, tassami pisuni taamaattuni sumiiffinnik pujortarfiusinnaasunik nalunaaqutsiinissamut imaluunniit inimik immikkoortumik pujortartarfeqarnissamut periarfissaqassammat.

§ 7, imm. 1 pillugu:

Allannguisoqarpoq malittarisassaq maannamut atuuttoq sukannernerulersinniarlugu, Taanna malillugu inimi suliffiusumi inummit ataasiinnaanngitsumit suliffiusumi pujortartoqarsinnaavoq inimiittut tamarmik pujortartoqarnissaanik aatsaat akuersippata.

Nutaamik oqaasertaliinikkut inini suliffiusuni ataasiinnaanngitsumik suliffiusumi pujortarneq inerteqqutaalluinnalerpoq.

§ 7, imm. 2 pillugu:

Maleruagassaq maannamut atuuttoq malillugu ataatsimiinnermi pujortartoqarsinnaavoq inimiittut tamarmik pujortartoqarsinnaaneranut akuersippata. Nutaamik oqaasertaliinikkut ataatsimiinnermi pujortarneq inerteqqutaalluinnalerpoq.

§ 11, imm. 4 pillugu:

Aalajangersakkami maannamut atuuttumi allassimasoq "Peqqinnissamut Avatangiisinullu Pisortaqarfimmit" Naalakkersuisut suliassaqarfiisa maannakkut agguarneri naapertorlugit imaalivoq "Peqqinnissamut Ilisimatusarnermullu Pisortaqarfimmit".

§ 13 pillugu:

"Kalaallit Nunaanni Sullivinnik Nakkutilliisoqarfik" "oqartussaasunut allanut" allanngortinneqarpoq Kalaallit Nunaanni Sullivinnik Nakkutilliisoqarfiup allanngueqqusinera malillugu, taassuma Namminersornerutik Oqartussani oqartussaasut erseqqissaaffigimmagit Sullivinnik Nakkutilliisoqarfik naalagaaffimmi oqartussaaffiusoq eqqarsaatigalugu Namminersornerullutik Oqartussat inatsisiliorsinnaatitaanngimmata.