Inissialiornermut tapersiissuteqartarneq pillugu inatsisartut peqqussutaata allanngortinneqarneranik inatsisartut peqqussutaat nr. 3, 30. oktober 1998-meersoq.

 

§ 1.

Inissialiornermut tapersiissuteqartarneq pillugu inatsisartut peqqussutaanni nr. 1, 9. april 1992-imeersumi inatsisartut peqqussutaatigut nr. 9, 30. oktober 1995-imeersukkut allanngortinneqartumi makku allannguutigitinneqassapput:

1. § 10-mi imm. 3-tut ilanngunneqassaaq:
"Imm. 3. Aammattaaq imm. 1 aamma 2 naapertorlugit taarsigassarsiarineqarsimasut allanngortinneqarnissaannut taarsigassarsisitsisoqarsinnaavoq. Allanngortitsinissamut taarsigassarsiat angissusissaasa aalajangerneqarneranni taarsigassarsiarisanit sinneruttut aamma ukiup affakkaartumik akilersuutissat akilerneqarsimanngitsut, pillaammik erniat ilanngullugit, imm. 1 aamma 2 malillugit siusinnerusukkut taarsigassarsiarisimasanut akiliutissat il.il. ilanngussuunneqassapput. Allanngortitsinissamut taarsigassarsiat taarsigassarsisimasumit ataasiaannarluni taarsigassarsiarineqarsinnaapput. Taamaallaat akiitsunut 1. november 1998 sioqqullugu pilersunut allanngortitsinermi taarsigassarsisitsisoqarsinnaavoq."

2. § 12-imi imm. 3, 4 aamma 5 atorunnaarsinneqarput taarsiullugillu ilanngunneqassallutik:
"Imm. 3. § 10-mi imm. 3 naapertorlugu taarsigassarsiarineqarsimasut allanngortinneqarnissaannut taarsigassarsisitsisoqarnerani akilersuiffissaq aalajangersarneqassaaq imaalillugu taarsigassarsiarineqarsimasut allanngortinneqarnerannut taarsigassarsianut akilersuutit § 10-mi imm. 1 aamma 2 naapertorlugit siusinnerusukkut taarsigassarsiarisimasanut akilersuutinut naleqqiullugu allannguuteqartinnagit, Naalakkersuisut allamik aalajangiisimanngippata.
Imm. 4. Akilersuutit imm. 1, 2 aamma 3-mi taaneqartut 70%-iat kisiat taarsigassarsisup akilertassavai.
Imm. 5. Taarsigassarsisoq sukkulluunniit akiliiffissap saniatigut immikkut ittumik akiliuteqarsinnaavoq ukiut akilersuiffissat ikilisinneqaatissaannik. Taamatut akiliutigineqartut imm. 4-mi aalajangersakkat naapertorlugit tapiiffigineqarsinnaanngillat § 17-imilu naatsorsueriaatsimut ilanngunneqarsinnaanatik.
Imm. 6. § 10-mi imm. 1-3 naapertorlugit taarsigassarsianut akilersuutit taarsigassarsisumit piffissaalluartillugu akilerneqanngippata taarsigassarsisitsisup allaganngorlugu erngerluni piumasaqaatigissavaa akilersuutip akilerneqarnissaa. Piumasaqaateqarnermut akiliutitut taarsigassarsisitsisup akileqqussavai 50 kr. taakkulu saniatigut aningaasat akiligassat 1.000 kr. sinnersimagaangagit akiligassat 2%-ii.
Imm. 7. Ukiup affaanut akiliutissat naatsorsorneqarnissaat akilerneqarnissaallu pillugit maleruagassat erseqqinnerusut Naalakkersuisunit aalajangersarneqarsinnaapput."

3. § 13-imi imm. 1-imi oqaaseqatigiit siullerni "§ 12, imm. 3" allanngortinneqassaaq uunga "§ 12, imm. 4", oqaaseqatigiillu aappaanni "imaluunniit 2" allanngortinneqassalluni uunga "2 aamma 3".

4. § 14, imm. 1 nr. 4 oqaasertalerneqassaaq ima:
"Pisut § 19-imi taaneqartut eqqaassanngikkaanni Namminersornerullutik Oqartussat kisimik tunniussivigineqarsinnaapput, tak. § 15, imm. 1, imaluunniit pisisoq Namminersornerullutik Oqartussanit akuerineqarsimasoq, tak. § 15, imm. 2.".

5. § 14-imi imm. 2-mi "§ 12, imm. 4" allanngortinneqassaaq uunga "§ 12, imm. 5".

6. § 15-imi imm. 2-tut ilanngunneqassaaq:
"Imm. 2. Taarsigassarsisup illu piginnittumut nutaamut taarsigassarsinermi piumasaqaatit allannguuteqartinnagit tunniussinnaavaa piginnittup nutaap akiitsunik tigusinissaa Namminersornerullutik Oqartussat akuersissutigisinnaappassuk. Akiitsunik tigusinissamut akuersissuteqartarneq pillugu maleruagassat erseqqinnerusut Naalakkersuisut aalajangersassavaat."

7. § 17-imi imm. 1 oqaasertalerneqassaaq ima:
"Illu § 15 imm. 1-imi taaneqartutut Namminersornerullutik Oqartussanut tunniunneqarpat, imaluunniit § 16 imm. 2-mi taaneqartutut Namminersornerullutik Oqartussanit tiguneqarpat Namminersornerullutik Oqartussat taarsigassarsisullu akornanni naatsorsuusiortoqassaaq, taamaattoq tak. § 18."

8. § 17-imi imm. 2-mi "§ 12, imm. 3" allanngortinneqassaaq uunga "§ 12, imm. 4", imm. 3-milu oqaaseqatigiit aappaanni "§ 12, imm. 3" allanngortinneqassalluni uunga A§ 12, imm. 4.".

9. § 18 oqaasertalerneqassaaq ima:
"§ 18. Illut § 10-mi imm. 3 malillugu taarsigassarsiarineqarsimasut allanngortinneqarnissaannut taarsigassarsiffiusimasut § 15 imm. 1-imi taaneqartutut Namminersornerullutik Oqartussanut tunniunneqarpata imaluunniit § 16 imm. 2-mi taaneqartutut Namminersornerullutik Oqartussanit tiguneqarpata § 17 malillugu naatsorsuusiortoqassanngilaq ukiup affaanut akiliutissat il.il. akilerneqarsimanngitsut taarsigassarsiarineqarsimasut allanngortinneqarnissaannut taarsigassarsianut ilanngunneqarsimappata. Taamaattoq piaaraluni aserorterinerit illumilluunniit paarsinerlunnerit taarsigassarsisumut kingusinnerusukkut akiligassanngortinneqarsinnaapput."

10. § 19-imi imm. 2-tut ilanngunneqassaaq:
"Imm. 2. Illut § 10-mi imm. 1-3 malillugit taarsigassarsisitsiffiusimasut taarsigassarsisup toquneratigut taarsigassarsisup aappaanit kingornussisussaanilluunniit tiguneqarnissaat kissaatigineqarpat § 17 malillugu naatsorsuusiortoqassanngilaq."

11. § 21 atorunnaarsinneqarpoq.

12. § 22-i imm. 4-tut ilanngunneqassaaq:
"Imm. 4. Aammattaaq nammineerluni illuliassanik pisinissamut illoqarfinni allani taarsigassarsisitsisoqarsinnaavoq, tak. imm. 1, tamatumani toqqaviliornermut, imermut, innaallagissamut eqqakkanullu kuuffinnut attaviliinissamik kommunit piumasaqaatigisinnaasaannut atatillugu aningaasartuutissat nammineerluni illuliortussamit akilerneqarnissaat tunngavissaatillugu."

13. § 23-mi imm. 4-tut ilanngunneqassaaq:
"Imm. 4. § 22-mi imm. 4 malillugu taarsigassarsisitsisoqassaaq illumi qularnaveeqqutaasutut siullertut taarsiiffigineqartussanngortitsinikkut. Taarsigassarsialli pigisanik aalaakkaasunik qularnaveeqqusiilluni taarsigassarsisitsisarfimmit taarsigassarsianit, nammineq illuliortup § 22 imm. 4-mi taaneqartutut kommunit piumasaqaataannut atatillugu aningaasartuutissanut aningaasalersuissutissatut taarsigassarsiarisimasaanut, taarserneqassapput."

14. § 24, imm. 1-imi § 22, imm. 1-ip kingorna ilanngunneqassaaq "aamma imm. 4".

15. § 29-mi imm. 1-ip kingorna imm. 2-tut nutaatut ilanngunneqassaaq:
"Imm. 2. § 27-mi imm. 1 aamma 2 naapertorlugit taarsigassarsianut akilersuutit taarsigassarsisumit piffissaalluartillugu akilerneqanngippata taarsigassarsisitsisup allaganngorlugu erngerluni piumasaqaatigissavaa akilersuutip akilerneqarnissaa. Piumasaqaateqarnermut atatillugu taarsigassarsisitsisoq akiliutissamik akileeqqusisinnaavoq, tak. § 12, imm. 6."

Matuma kingorna imm. 2 imm. 3-nngussaaq.

16. § 32-mi imm. 2-p kingorna nutaatut ilanngunneqassaaq imm. 3:
"Imm. 3. § 31 naapertorlugu taarsigassarsianut akiliutissanut akilersuutit taarsigassarsisumit piffissaalluartillugu akilerneqanngippata taarsigassarsisitsisup allaganngorlugu erngerluni piumasaqaatigissavaa akiliutissap akilerneqarnissaa. Piumasaqaateqarnermut atatillugu taarsigassasisitsisoq akiliutissamik akileeqqusisinnaavoq, tak. § 12, imm. 6."

Matuma kingorna imm. 3 imm. 4-nngussaaq.

 

§ 2.

Peqqussut januarip aallaqqaataa 1999 atulerpoq.

Namminersornerullutik Oqartussat, ulloq 30. oktober 1998.

Jonathan Motzfeldt

/

Daniel Skifte