Nalunaarasuartaatitigut aqqutinut tamanut ammasunut terminalini atortunik atassusiisarneq pillugu Namminersornerullutik Oqartussat nalunaarutaat nr. 26, 2. novemberi 1998-imeersoq.
Nalunaarasuartaatitigut attaveqarneq sullissinerillu pillugit Inatsisartut peqqussutaanni nr. 10-mi, oktobarip 28-iani 1993-imeersumi, Inatsisartut peqqussutaatigut nr. 12-ikkut, novembarip arfernani 1997-imeersukkut allanngortinneqartumi, §§ 2, 3 imm. 3 aamma 14 naapertorlugit aalajangersarneqarput:
§ 1. Matumani nalunaarut tamanut ammasumik nalunaarasuartaatitigut
attaveqarnermi aqqutinut terminalini atortunik atortunillu allanik atassusiinermut,
Namminersorullutik Oqartussat kisermaassinerisa avataaniittunut, atuuppoq.
Imm. 2. Akuersissummik pigisaqartup apeqquteqaateqartoqarneratigut
paasissutissiissutigissavaa atortut sorliit Namminersornerullutik Oqartussat
kisermaassinerata avataaniinnersut, tak. nalunaarummut matumunnga ilanngussaq 1.
§ 2. Nalunaarummi matumani nalunaarasuartaateqarnermi terminalini atortutut
paasineqassapput atortut paasissutissanik nassiussinissaq tigooraanissarlu siunertaralugit
makkununnga atortussiat
1) nalunaarasuartaatitigut aqqutini tamanut ammasuni terminalinik ikkussuiffimmut
toqqaannartumik atassuserneqarnissamut, imaluunniit
2) toqqaannartumik imaluunniit alla aqqutigalugu nalunaarasuartaatitigut aqqutinut tamanut
ammasunut atassuserneqarnikkut nalunaarasuartaatitigut aqqutit tamanut ammasut
peqatigalugit ingerlanissamut.
Imm. 2. Atassusiineq imm. 1-imi eqqaaneqartoq ungerutissiatigut aqqutit, radiup
maligaasai, qaamaneq atorlugu attaveqaatit imaluunniit atortut innaallagissap
kajungerneranik ingerlasut allat atorlugit pisinnaavoq.
Imm. 3. Nalunaarasuartaatitigut aqqutitut tamanut ammasutut paasineqassaaq
nalunaarasuartaatitigut attaveqarnerup aaqqissugaanera, ungerutissiatigut aqqutit, radiup
maligaasai, qaamaneq atorlugu attaveqaatit imaluunniit atortut innaallagissap
kajungerneranik ingerlasut allat iluaqutigalugit terminaleqarfiit akornanni
nassiussisinnaanermut periarfissiisoq.
Imm. 4. Imm. 1 naapertorlugu atortup siunertaa tunisassiarineqarfianit imaluunniit
pilersuisumit nalunaarutigineqassaaq. Nalunaarasuartaateqarnermi terminalini atortut, imm.
1-imi nassuiarneqartut, radiup maligaasai atorlugit atassuserneqartartut
nalunaarasuartaatitigut aqqutinut tamanut ammasunut atassuserneqarnissaannut
atugassiaassapput.
Imm. 5. Nalunaarummi matumani akuersissummik pigisaqartutut paasineqassaaq TELE
Greenland A/S.
§ 3. Nalunaarasuartaateqarnermi terminalini atortut § 1-imi ilaatinneqartut
nalunaarasuartaatitigut aqqutinut tamanut ammasunut taamaallaat atassuserneqarsinnaapput
makku arlaannik nalunaaqutserneqarsimagunik:
1) "CE"-mik naqissusigaagunik, tassa ataatsimut CTR (Common Technical
Regulation) EU-kommissionimit aalajangersarneqarsimasut teknikkikkut malittarisassanut
ilaatinneqartutut. Nalunaaqutsiussap isikkua ilanngussami 2-mi takutinneqarpoq.
2) Danmarkip naalagaaffiata iluani akuersissummik nalunaaqutsikkat. Nalunaaqutsiussap
isikkua ilanngussami 2-mi takutinneqarpoq.
3) Danskit akuersissutaannik nalunaaqutsikkat peqatigitillugu radiumut
atortulersuutaanerannut, radiukkut attaveqarneq pillugu inatsimmi nalinginnaasumik
akuersinissamut aaqqissuussamut ilaatinneqarput. Nalunaaqutsiussap isikkua ilanngussami
2-mi takutinneqarpoq.
Imm. 2. Nalunaarasuartaateqarnermi terminalini atortut § 1-imut ilaatinneqartut
akuersissummik pigisaqartup atassusiinissamut innersuussutaanut taamaallaat
atassuserneqassapput.
Imm. 3. Akuersissummik pigisaqartoq nalunaarasuartaateqarnermi terminalini atortut
ilaannik tamanut ammasumik nalunaarasuartaatitigut attaveqarnermi aqqutinut, terminalinut
atortunik aalajangersimasunik tigusisinnaanngitsunut atassuserneqartunik attaveqaatitigut
aqqutit katitigaanerannik teknikki aningaasalluunniit pissutaallutik teknikkikkut
aaqqiissuteqarnernik pisariaqartitsisunik killilersuisinnaavoq.
§ 4 Akuersissummik piginnittup paasippagu atortut § 3-mi piumasaqaatinik
naammassinnissimasut aqqutini kukkunernut akornusersuutinulluunniit pissutaasut,
akuersissummik piginnittoq allatut aalajangiinngippat atortoq nalunaarasuartaateqarnermi
aqqutiniit attaveerunneqassaaq.
Imm. 2. Atortunik imm. 1 naapertorlugu attaveerutsitassanik piginnittoq
atuisorluunniit, aku-ersissummik piginnittup peqqusineratigut taamatullu iliornissamut
piffissaliineratigut atortumik attaveerutsitsinissamik sulissuteqassaaq.
Imm. 3. Naalagaaffiup pisortallu oqartussaasut isumannaatsuunissaannut
tunngatillugu, kikkulluunniit pissuserissaarnerata isumannaarneqarnissaanut, inunnik
ulorianartorsiortitsinermi assigisaanilluunniit pissuteqartuni Naalakkersuisut
akuersissummik piginnittoq siumut ilisimateqqaarnagu aammalu akuersissummik piniaqqaaratik
atortunik ajoqusiisunik akornusersuisunilluunniit attaveerutsitsinissamik
peqqusisinnaapput.
Imm. 4. Attaveerutsitsineq imm. 3 malillugu pisimappat, akuersissummik piginnittoq
atortumik piginnittumut taamatut pisoqarsimaneranik attaveerutsitsinermullu suna
patsisaanersoq pillugu nalunaarfiginninnissamut pisussaatitaavoq.
§ 5. Terminalini atortut nalunaarutip matuma atuutilernerata kingorna ikkussorneqartut § 3-lu naapertorlugu nalunaaqutsersugaanngitsut akuersissummik piginnittup peqqusineratigut ingerlaannartumik attaveerutsinneqassapput.
§ 6. Nalunaarut manna naapertorlugu akuersissummik pigittup aalajangiineri
pillugit naammagittaalliuutit akuersissummik piginnittumut tunniunneqassapput
taassuminngalu suliarineqarlutik. Akuersissummik piginnittup suliani naammagittaalliutini
aalajangiineri, oqaaseqatigiit siulliit takukkit, Naalakkersuisunut
naammagittaalliutigineqarsinnaapput.
Imm. 2. Matumani aalajangersagaq malillugu naammagittaalliuutinik tunniussinissamut
pif-fissaliussaq akuersissutip naammagittaalliutigineqartup tiguneqarneraniit sap.ak.
sisamanik sivisussuseqarpoq. Naammagittaalliummik tunniussineq kinguartitsinermik
kinguneqarneq ajorpoq.
§ 7. §§ 3-mik 4-milu imm. 1-imik aamma 2-mik aammalu § 5-imik
unioqqutitsineq akiliisitaanermik pineqaatissiissutaasinnaavoq.
Imm. 2. Nalunaarasuartaatitigut attaveqarneq sullissinerillu pillugit Inatsisartut
peqqussutaanni § 15 malillugu §§ 3-mik 4-milu imm.1-imik 2-millu aamma § 5-mik
unioqqutitsisoqartillugu taamatuuttaaq Pinerluttulerinermil inatsimmi
arsaarinnissuteqartarnermut malittarisassat atuupput.
§ 8. Nalunaarut ulloq 1. decemberi 1998 atuutilerpoq.
Imm. 2. Nalunaarasuartaateqarnermi terminalini atortut nalunaarutip matuma
atuutilinnginnerani inatsisit atuuttut naapertorlugit atassuserneqartut,
atorneqaannarsinnaapput, kisiannili akuersissummik piginnittumit § 4 naapertorlugu
attaveerutsinneqarnissaat piumasaqaatigineqarsinnaavoq.
Namminersornerullutik Oqartussat, ulloq 2. novemberi 1998
Peter Grønvold Samuelsen
/
Hans Jakob Helms
ILANNGUSSAQ 1:
Terminalini atortut Namminersornerullutik Oqartussat kisermaassinerani ilaatinneqanngitsut
Nalunaarasuartaateqarnermi terminalit makku Namminersornerullutik Oqartussat kisermaassinerannut ilaatinneqanngillat taamaattumillu killilersugaanngitsumik pissarsiarineqarsinnaallutik nalunaarasuartaateqarnermilu aqqutinut attassuserneqarsinnaallutik, tassa malittarisassat naalakkersuisunit aalajangersarneqartut naammassineqarsimappata.
Oqarasuaatinut aqqutit tamanut ammasumik attavillit:
Oqarasuaatit nammineerlutik akisartut
Telefaxit
Oqarasuaatit
Oqarasuaatit ledningeqanngitsut
Oqarasuaatit atorlugit ataatsimiinnermut atortut
Saniatigut sianiliussat
Ikkuffiit atassuserfissat
Sianertoqartillugu qulleq kalerrisaarut
Oqarasuaatit aqqutaat
Modemit (Nunaqarfinni VHF-ikkut imaluunniit nunaqarfiup qaammataasanut tigooraaviit
nunamiittutigut oqarasuaatillit pissarsiniannginnerminni TELE attaveqarfigisariaqarpaat
atassutinik taakkunannga atuinissaminnut ilitsersorneqaqqullugit).
Kalerrisaarinermut atortut
Ajutoornermi kalerrisaarinermut atortulersuutit/ Toqqissimanissamut kalerrisaarutit
Ledninginut uiguutit
Illup iluani qarasaasiatigut aqqutit
Telexinut aqqutit:
(atortunik killilersuiunnaartoqassanngilaq)
ISDN-inut aqqutit:
Terminalini atortut ISDN2-t suugaluartulluunniit, attaveqarniartunik nuutitsissutitut atortut (PABC-it) pinnagit
Oqarasuaatit angallattakkat aqqutaat:
Oqarasuaatit angallattakkat NMT-iit terminaalii
Oqarasuaatit angallattakkat GSM-it terminaalii
Oqarasuaatit angallattakkat IRIDIUM-it terminaalii
Qarasaasiatigut ataatsimut attaveqaaseeriaaseq:
Modemit oqarasuaatit aqqutaannut atassusilikkat dial-inimik sukkassutsinut qarasaasiatigut attaveqaaseriaatsip sapinngisaanik attaviliisarput, tassa modemit V21-it, V22-it aammalu V23-it. (Nunaqarfinni VHF-ikkut imaluunniit nunaqarfiup qaammataasanut tigooraavinnik nunamiittutigut oqarasuaatillit pissarsiniannginnerminni TELE attaveqarfigisariaqarpaat atassutinik taakkunannga atuinissaminnut ilitsersorneqaqqullugit).
Kredsløbit aalajangersimasut:
Terminalinut atortut kredsløbinut aalajangersimasunut, nunaqarfimmi illoqarfimmiluunniit attaveqaatip aqqutaasa marluk akornanni kanngussasukkut assigisaatigulluunneertillugu "Tamanut ammasumik oqarasuaatinut aqqutinut attaveqartut" annertoqataanik nutarsaasoqassaaq.
kredsløbinut aalajangersimasunut attaveqaatip aqqutaa tamakkiisumik imaluunniit ilaannakortumik sakkortusaavikkut imaluunniit qaammataasakkoortillugu, oqarasuaateqartumi kisermaassisumit TELE-mit terminalinik ikkussuineranut ilaatinneqarpoq.
Router-inut aqqutit:
Atortut tamarmik TELE-imit pilersinneqartumut LAN-imut aqqutinut attavilerneqarsinnaasut.
ILANNGUSSAQ 2:
Attaveqaatitigut terminalinut atortut tamanut ammasumik attaveqaatitigut aqqutinut aatsaat atassuserneqarsinnaapput ataani allagartamit ataatsimit nalunaaqutserneqarsimappata. Maluginiaqquneqarpoq, nalunaaqutseeriaaseq allanngortarsinnaammat soorlu assersuutigalugu taaguutit "P & T" aamma "Teleinspektionen" allanngornerisigut.
CE-siegel:
Nalunaarasuartaatitigut terminalinut atortunut danskit akuersissuteqarnermi nalunaaqutsiuttagaat:
| P&T DK xxyyzzzz *) TELESTYRELSEN |
imaluunniit |
DK XX000000 TELESTYRELSEN |
*) xx = ukioq
yy = Atorneqarfissaa
zzzz = Normua
Danmarkimi attaveqaatitigut akuersissutip normuata ilisarnaataa, peqatigitillugu radiokkut attaveqaqatigiinnermut inatsit malillugu nalinginnaasumik akuersissuteqarnermi aaqqissuussinermut ilaatinneqartoq:
| Tilladelsesnummer DK xxyyzzzz *) Telestyrelsen |
*) xx = Ukioq
yy = Atorneqarfissaa
zzzz = Normua