Arfattat pissatallu nalunaarutigineqartarnerat pillugu Namminersornerullutik Oqartussat nalunaarutaat nr. 13, 3. april 1998-imeersoq.

Piniarneq aallaaniarnerlu pillugit Inatsisartut inatsisaanni nr. 15-imi 6. november 1997-meersumi §§ 7,8 aamma § 12 naapertorlugu aalajangersarneqarpoq:

 

§ 1. Tikaagullimmik arfermilluunniit tikaagullimmit anginerusumik pisaqartoq pissaasorluunniit tamatuminnga piaartumik kommuniminut nalunaaruteqassaaq. Ataatsimoorluni piniarnermi toqqagaalluni aquttoq nalunaaruteqassaaq.
Imm. 2. Kitaani tikaagulliit pisat pissatallu tamarmik kommunimut pisassiissutinit ilanngaataassapput ukiumi pineqartumi imaluunnit ukiumi tullermi. Tunumimili pisat kisimik ilanngaataassapput.
Imm. 3. Immersuiffissaq akuerisaq (ilanngussaq 1) atorlugu kommunip allaffianut kommu-nilluunniit nunaqarfimmi allaffianut qaninnerpaamut nalunaaruteqartoqartassaaq, tassanngaaniillu piaartumik nalunaarut pisaqartup kommunianut ingerlateqqinneqassaaq.

 

Arfanneq

§ 2. Arferit § 1-imi taaneqartut pisarineqareeraangata immersugassami makku nalunaarutigineqartassapput:
1) arfermut tunngatillugu (immersugassami B-E):
a) Suunera.
b) Takissusia, kakkiviaata nuuaniit sarpiisa kiggaannut uuttorlugu.
c) Suiaanera.
d) Arnaviaappat: immoqarnersoq, illaaqarnersoq, taamaassimappallu illaava qanoq takitiginersoq suiaanersorlu.
e) Sunik aqajarormioqarnersoq.
2) piniarnermut tunngatillugu (immersugassami A, F, G, H, I aamma J):
a) Angallatip aqqa GR-normualu, ataatsimoorluni piniarnermi; angallatit aqqi GR-normuilu imaluunniit angallateeqqat qassiunersut.
b) Piniartup aqqa, inuttut normua, ataatsimoorluni piniarnermi piniaqataasut aqqi inuttullu normui, allaffissiap tunuanut allanneqassapput.
c) Pisaqarnissamut kommunip akuersissutaata normua (tikaagullimmut)
d) Pisaqarfiup sumiinnera, allorniusat sanimukaartut ammukaartullu imaluunnit feltkode (sumiiffik immikkut ilisarnaasigaq), Kalaallit Nunaanni Aalisarnermik Avatangiisinillu Misissuisoqarfiup feltkodinut tunngatillugu assiliaa naapertorlugu, atorlugu. Imaluunniit allatut paatsuugassaanngitsumik nalunaarutigalugu.
e) Ulloq pisaqarfik.
f) Pilaffik.
g) Pisap oqimaassusaa missingerlugu; kilogram mattak, orsoq kiisalu neqi. Kiisalu misissugassamik peersisoqarsimanersoq Pinngortitaleriffimmullu nassiullugu.
h) Sakku arfannermi atorneqartoq, nalunaarutigalugu sakku imalunniit sakkup paatussusia sorleq atorneqarsimanersoq. Qamutilimmik sakkoqarsimagaanni tuukkaq qaartartoqarsimanersoq nalunaarutigineqassaaq. Tuukkaq qaartartullip serienormua tassunga kigartorneqarsimasoq nalunaarutigineqassaaq.
i) Arfeq qanoq sivisutigisumik toqujartorsimanersoq nalunaarutigineqassaaq, tassa eqqortinneraniit toqunissaa tikillugu. Aammattaaq Ilanngussami I-imi qupp. 2-mi titartakkami nalunaaqutserneqassaaq arfeq sukkut eqqorneqarsimanersoq. Minutsit 30-it sinnerlugit toqusaasoqarsimappat tamanna nassuiaatigineqassaaq.
3) immersuisup aqqa ullorlu immersuiffik. (immersugassami L)

 

Pissaanermi

§ 3. Arferit § 1-imi taaneqarsimasut pissanneqarsimappata tulaanneqaratik makku nalunaarutigineqassapput (immersugassami A, B, F, I, K & L):
1) Arfeq suusimanersoq.
2) Angallatip aqqa GR-normualu, ataatsimoorluni piniarnermi piniaqataasut aqqi inuttullu normui; pujortuleeqqat aqqi GR-normuilu imaluunniit angallateeqqat qassiuneri.
3) Piniartup aqqa, ataatsimoorluni piniarnermi peqataasut aqqi inuttullu normui immersugassap tunuani.
4) Pisaqarnissamut kommunip akuersissutaata normua (tikaagullimmut),
5) Arfeq sumi pissanneqarsimanersoq, allorniusat sanimukaartut ammukaartullu imaluunniit feltkode (sumiiffik immikkut ilisarnaasigaq), Kalaallit Nunaanni Aalisarnermik Avatangiisinillu Misissuisoqarfiup feltkodinut tunngatillugu assiutaa naapertorlugit imaluunniit sumiiffia allatut ililluni paatsuugassaajunnaarlugu nalunaarutigalugu.
6) Ulloq pissaaffik.
7) Pissaanermi sakkut atukkat. Qamutilimmik sakkoqarsimagaanni tuukkaq qaartartoqarsimanersoq nalunaarutigineqassaaq. Tuukkaq qaartartullip serienormua tassunga kigartorneqarsimasoq nalunaarutigineqassaaq.
8) pissaasimanermi peqqutaasut suunersut; soorlu assersuutigalugu silap ajornera, atortunik ajutoorneq il.il. Aammattaaq Ilanngussaq I, qupp. 2-mi titartakkami nalunaaqutserneqassaaq arfeq sukkut eqqortissimanersoq.
9) Immersuisup aqqa ullorlu immersuiffik.

§ 4. Kommunalbestyrelsi pisussaavoq qularnaallillugu uppernasineqarpat arfermik unioqqutitsilluni pisagartoqarsimasoq imlt. pissaasoqarsimasoq tamatuma oqarasuaatikkut kiisalu immersugassaq atorlugu nalunaarutiginissaanut. Nalunaarut tuaviortumik faxikkut Aalisarnermut, Piniarnermut Inuussutissarsiornermut Nunalerinermullu Pisortaqarfimmut nassiunneqartassaaq.
Imm. 2. Naalakkersuisut kommunalbestyrelsi piumaffigisinnaavaat akuersissutit tunniunneqarsimasut atorunnaarseqqullugit kommunalbestyrelsi paasissutissanik piffissaq eqqorlugu Naalakkersuisunut nassitsisarsimanngippat imaluunniit paasissutissanik amigartunik nassitsisarsimappat.

§ 5. §§ 1, 2, aamma 3-mik unioqqutitsisoq akiliisitaasinnaavoq.

§ 6. Nalunaarut atortuulissaaq aprilip 3-ani 1998.
Imm. 2. Tamatumunnga peqatigitillugu nalunaarut nr. 42 18. december 1992-imeersoq arfattanut pissatanullu tunngasoq atorunnaarpoq.




Namminersornerullutik Oqartussat, ulloq 3. april 1998.




Pâviâraq Heilman

/

Jørn Birk Olsen

(Ilanng. I, qupp.1):

ARFATTAMIK NALUNAARUT (x-ileruk) __

ARFERMIK PISSATAMIK NALUNAARUT: (*) __

A

Ulloq Ateq** Inuttut normu       Akuerissutip normua        GR-nr.       Umiat. qassit

 
 

B

Arfeq suua: Tikaagullik __ Tikaagulliusaaq __ Alla __

C

Takissusaa meter (sarpianiit kiguserfianut qullermut)

D

Suiaassuia (x-leruk) __ Arnaviaq __ Angutiviaq

Arnaviaappat: immulik: __ Aap __ Naamik

illaalik: __ Aap __ Naamik

illaaq suua: __ arnaviaq __ angutiviaq

illaaqarpat, takissusia:___________m.

E

Aqajarormiui:______________________________________________

F

Pisaqarfiup aqqa:____________________________________imaluunnit

Allorniusanngorlugu: ________ grader _________ min. qummukartut

________ grader _________ min. sanimukaartut

G

Pilanneqarfia:

H

Pisap kiilui missiliorlugit: Neqi kg:

Mattak kg:

Qiporaq kg:

Tamakkerlugu kg:

__ Misiligummik tigusisoqarpoq Pinngortitaleriffik, Box 570, 399 Nuuk-mut nassiunneqartumik

I

Sakkoq atugaq: Qamutilik tuukkarmik qaartartortalerlugu:___ Serienormu:__________

__ Qoorortooq Kaliber:___________________

__ Alla Suna:_____________________

J

Toqusarnera:_______min. (30 min.-init sivisuneruppat, tamanna qupp. tullermi nassuiaruk.)

K

Pissaasimanermut peqqutaasoq*: nassuiaatitaa qupp. tullianut allaguk.

L

Immersuisoq (**):

____________________________________________
Ulloq       Ateq               Atsiorneq

* Arfeq pissaannarneqarsimappat, tulaanneqaranili, imm. A, B, F, I, K & L kisimik immersorneqassapput. Pissaanermut peqqutaasut nalunaarummut ilanngullugit nassuiaatigineqassapput.

** Umiatsiaararsorluni pisaqaqataasut aqqi Ilanng. I qupp. 2-mut allanneqassapput.

(Ilanng. I, qup. 2):

Ataatsimut piniarnermi:

Pisaqaqataasut aqqi inuttullu normui

Pisaqaqataasut aqqi inuttullu normui

 

  

 
 

 

  

 
 

 

  

 
 

 

  

 
 

 

  

 
 

 

  

 
 

 

  

 
 

 

  

 
 

 

  

 

 

Arfannermi pissaanermiluunniit nalunaariaaseq:

Arfernik angisuunik pisaqarnermi pissaanermiluunniit pisaqartup, ataatsimoortumilli pisaqarnermi aquttup toqqakkap, immersugassaq immersussavaa, kommunil lu/nunaqarfiup allaffianut nassiullugu.

Arfannermi immersugassami imm. A-J aamma L, pissaanermili immersugassat A, B, F, I, K & L immersorneqassapput.

Pisaqarnerup kingunitsiaagut immersugassaq kommunip/nunaqarfiup allaffianut tunniunneqassaaq, immersugassaq ataaseq arfermut pisamut ataatsimut atorneqassaaq. Kommunip immersugassat assilineri tamaasa malittarisassat malillugit Aalisarnermut, Piniarnermut, Inuussutissarsiornermut Nunalerinermullu Pisortaqarfimmut nassiutissavai.

Unioqqutitsilluni arfattoqarsimatillugu kommunalbestyrelsi pisussaavoq tamanna Aalisarnermut, Piniarnermut, Inuussutissarsiornermut Nunalerinermullu Pisortaqarfimmut nalunaarutigissallugu unioqqutitsineq malugineqarniariarpat.

 

Pissaasimasoqartillugu imaluunniit 30 min. sinnerlugit toqusaasoqarsimatillugu tamatumunnga peqqutaasoq nassuiarneqassaaq:

 
 

 
 

 
 

 

  

Arfeq sukkut eqqortissimanersoq x-ileruk