AI 1999
OQAASERTALIUSSAT
Inatsisartut Siulittaasuat - Suliassaqarfiit 01 - 09.
Aningaasat ilassinninnermut atugassatut illuatungiliuttut siulittaasuannut immikkoortitat Naalakkersuisooqatigiit avataanni Inatsisartuni partiit annersaata siulittaasuanut atugassanngortinneqarput.
Naalakkersuisut - Suliassaqarfiit 10 - 79.
Nr. 1.
Naalakkersuisut piginnaatinneqarput aningaasartuutissat Namminersornerullutik Oqartussat pigisaanni akisussaaffigisaanniluunniit illorsuarni, sanaartukkani pigisanilluunniit tillinniarnikkut, ikuallannikkut imaluunniit allatut ajutoornikkut il.il. pilersimasut akilernissaannut.
Nr. 2.
Namminersornerullutik Oqartussat maannamut meeqqanut atuarfiit illutaasa kommuninit pigineqartut ajoqusernerinut sillimmasiineq akisussaaffigigallarpaat, aserorterinerilli ilanngunnagit kommunillu aserukkamut ataatsimut 100.000 kr.-inik namminneerlutik sillimmasiisussanngorlugit.
Nr. 3.
Naalakkersuisut piginnaatinneqarput Landskarsimit atuartunut aamma allanut ilinniagaqartunut suliamik misiliinerup nalaani aamma allatigut iliuuseqarnerni, tassunga atasumik inuussutissarsiornermut ilinniartitsineq pingaarnerutillugu siunertarineqaraangat, ajoqusernermi landskarsimit taarsiissuteqarnissamut sulisilluni ajoqusersinnaanermut sillimmasiisarnermut inatsimmi malittarisassat malillugit, kiisalu ajoqusernerit taarsiissuteqarfiginissaannut, ilinniagaqartut sungiusarnermik nalaanni imaluunniit tamakkununnga assingusumik iliuuseqarnermut atatillugu tamatuma nalaani piliarisimasinnaasaannut (pisuussutigisimasinnaasaannut), aamma nalinginnaasumik taarsiissuteqartarnermut malittarisassat malillugit akisussaatinneqarsinnaagaangata.
Nr. 4.
Naalakkersuisut piginnaatinneqarput nammineerluni sillimmasiisarnermut taarsiullugu sillimmasiisarnermut namminerlu akisussaassuseqarnissamut sillimmasiisarfinni sillimmasiisarnikkut sillimmasiisarnermut akiliutinut aningaasartuutit akilernissaannut.
Nr. 5.
Naalakkersuisut piginnaatinneqarput sanaartornermut akuersissutinut tunngasuni kontuni pi-ngaarnerni killilimmik pilersaarutinut naleqqussaalluni akuersissutitigut aalajangiinissamut.
Nr. 6.
Naalakkersuisut piginnaatinneqarput suliassat 1997-imi aningaasaliissutinut inatsisit sanaartornermut immikkoortuini sanaartornermullu taarsigassarsisitsinermut immikkoortuini ilanngunneqarsimasut 1998-imi ingerlateqqinnissaannut aningaasartuuteqarnissamut.
Kontumut pingaarnermut xx.xx.01-imut (allaffissorneq).
Nr. 1.
Naalakkersuisut piginnaatinneqarput kontut pingaarnerit akornanni aningaasaliissutinik atorfinnillu nikerartitsisinnaanissamut.
Nr. 2.
Naalakkersuisut piginnaatinneqarput, qitiusumik allaffissuarmi ingerlatseriaatsip allanngortiterneqarneranut atatillugu, pisortap tulliatut tjenestemanditut atorfiit inuttaligassat atorunnaarsinneqarnissaannut taarsiullugulu allaffiup pisortaatut atorfittut pilersinneqarnissaannut.
Naalakkersuisut siulittaasuat - Suliassaqarfiit 10 - 19.
Naalakkersuisut aktiaateqarluni ingerlatseqatigiiffinni Namminersornerullutik Oqartussanit pigineqartuni siulersuisut piginnaatissinnaavaat niuernermik tunngaveqarluni aningaasaliissuteqarnissanut atatillugu taarsigassarsinissamut.
Kontumut pingaarnermut 10.10.13-imut Aktiatigut aningaasaliinerit.
Nr. 1.
Naalakkersuisut piginnaatinneqarput, Royal Arctic Line A/S akuersissummi piumasaqaatinik sumiginnaappat, akiliisinnaajunnaartutut nalunaarutigineqarpat, nammineq piumassutsimik pinngitsaaliissutikkulluunniit akiitsoqarfimminut akiitsut akilersornissaannut isumaqatigiissuteqarpat imaluunniit akiitsoqartutut akiliisinnaanngitsutut eqqartuussivitsigut malersorneqalerpat, ingerlatseqatigiiffiup umiarsuaataasa sikusiorsinnaasutut akuerisat, Arina Arcticap, Irena Arcticap, Nuka Arcticap, Naja Arcticap Kiista Arcticallu naatsorsuutini kingullerni naliisut nalikillisatut, taamaattorli minnerpaamik umiarsuit pisiarinerini taarsigassarsianut atuuttunut akiitsut sinnerisa amerlaqataannik akilerlugit, piumasaqaatitaqanngitsumik pisiarinissaannut piginnaatinneqarlutillu pisussaatinneqassasut. 1999-imi januarip akiitsut sinneri 364.382.000 kr.-iupput.
Pisisussaatitaanermut ilaatinneqarpoq umiarsuarni taarsigassarsianut atuuttunut atatillugu, taarsersorneri sumiginnarneqarunik aamma piumasaqaatitaqanngitsumik umiarsuit pisiarinissaannut pisussaaffiusunut, akiitsoqarfinnut piginnaatitaaffinnik pisussaaffinnillu Namminersornerullutik Oqartussat ingerlaannartumik tigusinissaat.
Nr. 2.
Naalakkersuisut piginnaatinneqarput Atortussiassat aatsitassanit pisut pillugit suliniutit isumagineqarnissaannut ingerlatseqatigiiffik pillugu Inatsisartut inatsisaata allanngortinneqarneranik Inatsisartut inatsisissaannut siunnersuummut (UKA 98/13) oqaaseqaatit naapertorlugit Nunaoil A/S-imi aktiatigut aningaasaatit ikilisinneqarnissaannut, aningaasallu tassuuna pissarsiat siunertanut allanut atugassanngortinneqarnissaannut.
Tamatuma kingorna Naalakkersuisut piginnaatinneqarput aningaasat pissarsiat ingerlatseqatigiiffimmi tamakkiisumik Namminersornerullutik Oqartussanit pigineqartumi
"Nuna Minerals A/S"-imi aningaasaliissutitut atornissaannut.Taamatuttaaq Naalakkersuisut piginnaatinneqarput aatsitassarsiornermut tunngatillugu pigisat nalillit Nunaoil A/S-imit pissarsiarinissaannut, tamatumalu kingorna taakku Nuna Minerals A/S-imut tunillugit.
Piginnaatitsissummi naatsorsuutigineqarpoq Inatsisartut 1998-imi ukiakkut ataatsimiinnerminni Atortussiassat aatsitassanit pisut pillugit suliniutit isumagineqarnissaannut ingerlatseqatigiiffik pillugu Inatsisartut inatsisaata allanngortinneqarneranik Inatsisartut inatsisissaannut siunnersuut (UKA 98/13) akuersissutigissagaat.
Kontumut pingaarnermut 11.01.11-mut Aatsitassanut Ikummatissanullu Pisortaqarfik - Ingerlatat isertitanit matussuserneqartartut
Naalakkersuisut piginnaatinneqarput Aatsitassanut Ikummatissanullu Pisortaqarfiup isertitanik matussuserneqartartumik ingerlatsineranut atatillugu ukiuni ataasiakkaani aningaasartuuteqartarsinnaanermut isertitanut naapertuutinngikkaluartunik, taamaattorli amigortoorutit katersukkat annerpaamik 3.000.000 kr.-iusinnaallutik, taamatullu aamma ukiut tallimat ingerlanerini isertitat aningaasartuutillu oqimaaqatigiissallutik.
Aningaasaqarnermut Ineqarnermullu Naalakkersuisoq - Suliassaqarfiit 20 - 29.
Siunertamut kontumut 20.10-imut Siunertat immikkut ittut.
Nr. 1.
Naalakkersuisut piginnaatinneqarput pigisat nalillit Namminersornerullutik Oqartussat pigisaasa tunineqarnissaat pillugit suliassat aalajangiiviginissaannut.
Pigisat nalillit tunineqarnerminni 5 mio. kr.-it sinnerlugit akeqartussat Inatsisartut aningaasaqarnermut ataatsimiititaliaannut saqqummiunneqassapput inaarutaasumik akuersissutigineqartussanngorlugit.
Nr. 2.
Naalakkersuisut piginnaatinneqarput, Inatsisartut aningaasaqarnermut ataatsimiititaliaat ataavartumik ilisimatitsissuteqarfigisarlugu, Namminersornerullutik Oqartussani akiliisinnaassuseqarnerup nikerarnera il.il. pakkersimaarniarlugit taarsigassarsiniarnissamut.
Taarsigassarsinermut atatillugu Naalakkersuisut pigisat aningaasanik nalillit qularnaveeqqusiussinnaavaat, Namminersornerullutik Oqartussat nunani allani taarsigassarsineranni isumaqatigiissuteqarnermi atugassaritinneqartut naapertorlugit.
Naalakkersuisut taarsigassarsisinnaaneq pillugu maleruagassat erseqqinnerusut aalajangersassavaat, tamatumunnga ilanngullugu taarsigassarsiat qitiusumik nalunaarsorneqarnissaat.
Naalakkersuisut piginnaatinneqarput Namminersornerullutik Oqartussat taarsigassarsiaat eqqarsaatigalugit erniat nunallu allat aningaasaasa nalingi eqqarsaatigalugit ataavartumik allanngortitsisarsinnaanissamut.
Nr. 3.
Naalakkersuisut piginnaatinneqarput uuliamik Kalaallit Nunaannut tunisinermi akit allanngutsaaliornissaannut isumaqatigiissuteqartarnissamut, tassunga ilanngullugit pisussaaffinnik paarlaateqatigiinnerit nunallu allat aningaasaasa nalingisigut isumannaarinerit. Isumaqatigiissuteqarneq KNI Pilersuisoq A/S sinnerlugu aamma KNI Pilersuisoq A/S-imut pisinnaavoq.
Kontumut pingaarnermut 20.10.33-mut Qitiusumit nutarterinernut agguaassassat
Naalakkersuisut piginnaatinneqarput, Inatsisartut Aningaasaqarnermut ataatsimiititaliaannit ilalerneqarlutik, aningaasaliissutit suliassanut aalajangersimasunut atugassanngortissallugit.
Kontumut pingaarnermut 20.10.34-mut Inuussutissarsiutinik siuarsaaneq
Naalakkersuisut piginnaatinneqarput, Inatsisartut Aningaasaqarnermut ataatsimiititaliaannit ilalerneqarlutik, aningaasaliissutit suliassanut aalajangersimasunut atugassanngortissallugit.
Kontumut pingaarnermut 20.11.50-imut Ingerlatsinermut sillimmatit
Naalakkersuisut piginnaatinneqarput Aningaasaqarnermut Ataatsimiititaliamit akuerineqarlutik ingerlatsinermut sillimmatinit kontumut pingaarnermut 50.06.11-mut Aalisariutikillisaanermut tapiissutit aningaasanik nuussisinnaanissaminnut, sinerissamut qanittumi raajarniuteqassutsip suli naleqqussartariaqarnera pisariaqalissagaluarpat.
Siunertamut kontumut 20.90 -imut Suliffeqarfiit.
Nr. 1.
Naalakkersuisut piginnaatinneqarput KNI Pisiffik A/S Landskarsimit 99.890.000 kr.-it tikillugit tigusisinnaatissallugu. Tigusisinnaatitaanermik atuinermut piumasaqaataavoq, ingerlatseqatigiiffiup Landskarsimit akiitsuminik akilersueqqinnerani tunngaviusoq atorunnaassasoq. Tigusisinnaatitaaneq ukiumut 7.684.000 kr.-inik ikilineqartassaaq. Tigusisinnaatitaanermik atuineq ukiumut 9%-imik ernialersorneqassaaq. Uninngasuutit ukiumut 3%-imik ernialersorneqassapput. Erniat naatsorsorneqassapput ullut tigusisinnaatitaanermik atuiffiusuviit tunngavigalugit ukiumillu 360-inik ullulimmik avillugit. Tigusat uninngasuutillu erniaat ullormiit ullormut naatsorsorneqartassapput qaammatillu pingasunngorneri tamaasa ernialiunneqartassallutik.
Nr. 2.
Naalakkersuisut piginnaatinneqarput Royal Greenlandimut taarsigassarsianut 269 mio. kr.-inut qularnaveeqqusiisuunissaminnut. Qularnaveeqqusiinermut pisussaaffik 1998-imiit 2002-p tungaanut ukiut tallimat ingerlaneranni atorunnaariartuassaaq ukiuni ataasiakkaani tunisassiorsinnaassutsimillu naleqqussaanermut atatillugu tunisassianik allanik tunisassiornermut aningaasalersuinermut Namminersornerullutik Oqartussanit Royal Greenland A/S-ip tapiissutisiarisartagaasa amerlaqataannik.
Nr. 3.
Naalakkersuisut piginnaatinneqarput Grĝnlandsbankimut, 65.000.000 kr.-inik Tele Greenland A/S-imut nunatsinni aningaasanik pilersuinerup isumaginissaanut akilersugassarsisitsinerani uppernarsaasuunermik attassinissamut. Akilersugassat siulliit 55.000.000 kr.-it erniaqanngillat Nationalbankilu sinnerlugu tunniunneqarlutik.
Kontumut pingaarnermut 20.90.24-imut Mittarfeqarfiit, ingerlatsinermut tigoriaannaat.
Naalakkersuisut piginnaatinneqarput Mittarfeqarfiit suliffeqarfiup ingerlatsinermut aningaasanik atorfissaqartitaanik Landskarsimit 60 mio. kr.-inik tigusisinnaatinnissaanut. Tigusisinnaatitaanermik atuineq ukiumut 9%-imik ernialersorneqassaaq. Uninngasuutit ukiumut 3%-imik ernialersorneqassapput. Erniat naatsorsorneqassapput ullut tigusisinnaatitaanermik atuiviit tunngavigalugit ukiumillu 360-inik ullulimmik avillugit. Tigusat uninngasuutillu erniaat ullormiit ullormut naatsorsorneqartassapput qaammatillu pingasunngorneri tamaasa ernialiunneqartassallutik.
Suliffeqarfik imminut aquttoq, Mittarfeqarfiit, aktiaateqarluni ingerlatseqatigiiffinngortinneqassagaluarpat naatsorsuutigineqarpoq tigusisinnaatitaaneq niuernermi nalinginnaasumik atugassarititaasut tunngavigalugit aningaasalersoqqinneqassasoq.
Kontumut pingaarnermut 20.90.25-imut Amutsiviit, ingerlatsinermut tigoriaannaat.
Naalakkersuisut piginnaatinneqarput Amutsiviit Landskarsimit 35.734.000 kr.-inik tigusisinnaatissallugu suliffeqarfiup ingerlatsinermut aningaasanik pisariaqartitsineranut matusissutissanik. Tigusisinnaatitaanermik atuineq ukiumut 9 %-imik ernialersorneqassaaq. Uninngasuutit ukiumut 3 %-imik ernialersorneqassapput. Erniat naatsorsorneqassapput ullut tigusisinnaatitaanermik atuiviit tunngavigalugit ukiumillu 360-inik ullulimmik avillugit. Tigusat uninngasuutillu erniaat ullormiit ullormut naatsorsorneqartassapput qaammatillu pingasunngorneri tamaasa ernialiunneqartassallutik.
Suliffeqarfik imminut aquttoq, Amutsiviit, aktiaateqarluni ingerlatseqatigiiffinngortinneqassagaluarpat, suliffeqarfiulluunniip ilaa namminersortunut ingerlatassanngortinneqassagaluarpat, naatsorsuutigineqarpoq tigusisinnaatitaaneq niuernermi nalinginnaasumik atugassarititaasut tunngavigalugit aningaasalersoqqinneqassasoq.
Kontumut pingaarnermut 20.90.26-imut Nukissiorfiit, ingerlatsinermut tigoriaannaat
Naalakkersuisut piginnaatinneqarput Nukissiorfiit suliffeqarfiup ingerlatsinermut aningaasanik atorfissaqartitaanik Landskarsimit 120 mio. kr.-inik tigusisinnaatinnissaanut. Tigusisinnaatitaanermik atuineq ukiumut 7,5%-imik ernialersorneqassaaq. Uninngasuutit ukiumut 3%-imik ernialersorneqassapput. Erniat naatsorsorneqassapput ullut tigusisinnaatitaanermik atuiviit tunngavigalugit ukiumillu 360-inik ullulimmik avillugit. Tigusat uninngasuutillu erniaat ullormiit ullormut naatsorsorneqartassapput qaammatillu pingasunngorneri tamaasa ernialiunneqartassallutik.
Kontumut pingaarnermut 20.90.27-imut Arctic Umiaq Line, ingerlatsinermut tigoriaannaat
Naalakkersuisut piginnaatinneqarput Arctic Umiaq Line suliffeqarfiup ingerlatsinermut aningaasanik atorfissaqartitaanik Landskarsimit 40 mio. kr.-inik tigusisinnaatinnissaanut. Tigusisinnaatitaanermik atuineq ukiumut 9%-imik ernialersorneqassaaq. Uninngasuutit ukiumut 3%-imik ernialersorneqassapput. Erniat naatsorsorneqassapput ullut tigusisinnaatitaanermik atuiviit tunngavigalugit ukiumillu 360-inik ullulimmik avillugit. Tigusat uninngasuutillu erniaat ullormiit ullormut naatsorsorneqartassapput qaammatillu pingasunngorneri tamaasa ernialiunneqartassallutik.
Kontumut pingaarnermut 20.90.29-imut Great Greenland A/S, ingerlatsinermut tigoriaannaat
Naalakkersuisut piginnaatinneqarput Great Greenland A/S suliffeqarfiup ingerlatsinermut aningaasanik atorfissaqartitaanik Landskarsimit 2,0 mio. kr.-inik tigusisinnaatinnissaanut. Tigusisinnaatitaanermik atuineq ukiumut 9%-imik ernialersorneqassaaq. Uninngasuutit ukiumut 3%-imik ernialersorneqassapput. Erniat naatsorsorneqassapput ullut tigusisinnaatitaanermik atuiviit tunngavigalugit ukiumillu 360-inik ullulimmik avillugit. Tigusat uninngasuutillu erniaat ullormiit ullormut naatsorsorneqartassapput qaammatillu pingasunngorneri tamaasa ernialiunneqartassallutik.
Siunertamut kontumut 20.95-imut Suliffeqarfiit namminersortitat.
Ingerlatsinermut aningaasaliissutinut sanilliullugit naatsorsuutitigut nikingassutit suliffeqarfinni namminersortitani uninngatinneqassapput. Uninngasuutit katersat, Naalakkersuisunut Aningaasaqarnermullu Ataatsimiititaliaannut saqqummiussereernikkut, ilaatigut aningaasaliissutitut atorneqarsinnaapput.
Siunertamut kontumut 22.11-mut Inissialiortiterneq
Naalakkersuisut piginnaatinneqarput Aningaasaqarnermut Ataatsimiititaliamit ilalerneqarlutik UKA 1998/20 naapertorlugu inissialiortiternermut aningaasalersuineq pillugu peqqussut malillugu taarsigassarsiaritat aningaasalersorneqarnissaannut siunertamut kontumi matumani aningaasaliissuteqartarnikkut pisariaqartunik iliuuseqarnissaminnut.
Kontumut pingaarnermut 22.11.15-imut Piginneqatigiilluni inissialiortiterneq
Naalakkersuisut piginnaatinneqarput piginneqatigiilluni inissiat, sanatitsisumit namminersortumit sananeqartut, inissiallu naammassineqarnerata kingorna piginneqatigiilluni inissiaatileqatigiit peqatigiffiannut tunniunneqartut, aningaasalersueqataaffiginissaannut neriorsuuteqartarnissamut.
Siunertamut kontumut 24.10-mut Toqqaannartumik akileraarutit.
Nr. 1.
Nunamut tamarmut akileraarutip procentia, Inatsisartut inatsisaanni nr. 5, 19. maj 1979-imeersumi § 27, imm. 2 naapertorlugu, aalajangerneqarpoq 1999-imi 11-ussasoq.
Nr. 2.
Nunamut tamarmut immikkut ittumik akileraarutip procentia, Inatsisartut inatsisaanni nr. 5, 19. maj 1979-imeersumi § 29, imm. 2 naapertorlugu, aalajangerneqarpoq 1999-imi 24-ussasoq.
Nr. 3.
Naalakkersuisut piginnaatinneqarput pensionit akileraaruserneqartarneranni marloriaammik akileraaruserneqartannginnissamut danskit naalakkersuisuisa nunatsinnilu naalakkersuisut isumaqatigiissutaat 21. august 1990-imeersoq, allanngortinneqartorlu tapiliussatut isumaqatigiissutikkut 31. august 1997-imeersukkut, naapertorlugu taartisiaqartitsinermut aningaasat akilernerinilu aningaasat danskit naalakkersuisuinut isumaqatigiissutiginissaannut. Naalakkersuisut piginnaatinneqarput kommunini taartisiassatut aningaasat qanorlu ilinerani akilerneqartarnissaasa, KANUKOKA-mik isumaqatigiinniareernikkut, aalajangersarnissaanut.
Nr. 4.
Tjenestemandinut, KNI-p allanngortinneranut atatillugu ingerlatseqatigiiffimmut atukkiunneqartunut, danskit isertitanut akileraartitsisarnerinut atasimasunut aammalu Kalaallit Nunaanni isertitanut akileraartarnermut nuunnerminni akileraarutit peereerlugit akissarsiakinnerulersimanerminnik uppernarsaasinnaasunut Kalaallit Nunaanni isertitanut akileraarutinut tamakkiisumik appaanissamut Naalakkersuisut piginnaatinneqarput. Taamatut Kalaallit Nunaanni isertitanut akileraarutinik appaaneq ingerlatseqatigiiffiup pineqartup aningaasalersussavaa.
Kontumut pingaarnermut 24.11.14-imut Naqissusiinermut akitsuut
Nr. 1.
Naalakkersuisut piginnaatinneqarput Great Greenlandip aktiaateqarluni ingerlatseqatigiiffinngortinneqarneranut, tassunga ilanngullugu tamatuma kingorna aningaasat amerlineqarsinnaanerinut, atasumik naqissusiinermut akitsuutit akilersinngitsoortinnissaannut.
Nr. 2
Naalakkersuisut piginnaatinneqarput KNI-mi ingerlatseqatigiiffiit ingerlatsinerminnik tunngavigisaasa allanngortinneqarnerinut, tassunga ilanngullugu suliassat ilaasa KNI-mi ingerlatseqatigiiffimmut aqutsisumut katersorneqarnerinut suliassallu allat KNI-mi ingerlatseqatigiiffiit ataanni ingerlatseqatigiiffinnut aqutanut, Tele Greenland A/S-imut, Royal Arctic Line A/S-imut il.il. nuunneqarnerinut, atatillugu naqissusiinermut akitsuummik akiliisitsinnginnissamut.
Nr. 3.
Naalakkersuisut piginnaatinneqarput Mittarfeqarfiit, Nuummi Amutsiviup aatsitassarsiornerullu iluani ingerlatseqatigiiffinngortitsisinnaanernut atatillugu naqissusiinermut akitsuutit akilersinngitsoortinnissaannut.
Nr. 4.
Naalakkersuisut piginnaatinneqarput Royal Greenland A/S-imit pigisat nalillit akiitsullu Nuka A/S-imut nuunneqarnerannut atatillugu, tassunga ilanngullugit tamatumunnga atatillugu taarsigassarsinernut qularnaveqqusiinernullu atatillugu, naqissusiinermut akitsuusiinnginnissamut.
Kontumut pingaarnermut 24.11.18 Assartuinermi akit assigiissuunissaannut akitsuut.
Imaatigut nassiussanik Kalaallit Nunaannut, Kalaallit Nunaannit Kalaallillu Nunaanni assartuineq pillugu Inatsisartut peqqussutaanni § 6 naapertorlugu akitsuutip angissusia aalajangerneqarpoq 18,13 %-iussasoq.
Isumaginninnermut, Suliffeqarnermut Pisortallu Suliassaqarfiutaannut Naalakkersuisoq - Suliassaqarfiit 30 - 39.
Siunertamut kontumut 30.10-mut Meeqqat inuusuttullu
Naalakkersuisut piginnaatinneqarput kontut pingaarnerit 30.10.02-mit 30.10.28-mut akornanni aningaasaliissutinik, akiliutissanik atorfinnillu amerlassusilikkanik nikisiterisinnaanissaminnut, kiisalu kontup pingaarnerup 30.10.99-p kontunut pingaarnernut taaneqartunut atorneqarnissaanut.
Siunertamut kontumut 30.13-imut Innarluutillit
Naalakkersuisut piginnaatinneqarput kontup pingaarnerup 30.13.02-p aamma kontut pingaarnerit 30.13.16-imit 30.13.25-mut akornanni aningaasaliissutinik, akiliutissanik atorfinnillu amerlassusilikkanik nikisiterisinnaanissaminnut.
Kontumut pingaarnermut 31.11.10-mut Nukissiorfiit
Nukissiorfiit kiassaateqarfiinit pilersorneqarnermi aki massakkorpiaq Mwh-mut 446 kr.-iuvoq. Kiassaateqarfiit Inissiaatileqatigiiffimmit INI A/S-imit tiguneqarsinnaanerinut atasumik Nukissiorfiit piffissami ikaarsaariarfimmi suliffeqarfiup tunisinermut tunniussinermullu atugassaritaanit allaasunik periuseqarsinnaapput kiassaateqarfiillu Nukissiorfinnit tiguneqarneri sioqqullugit periutsit atuuttut malillugit kiassarnermut akit akilersittarlugit.
Kultureqarnermut, Ilinniartitaanermut Ilageeqarnermullu Naalakkersuisoq - Suliassaqarfiit 40 - 49.
Kontumut pingaarnermut 40.01.09-mut Ilinniartut najugaqarfii
Naalakkersuisut piginnaatinneqarput ilinniartunut kollegiat najugaqarfiillu Namminersornerullutik Oqartussanit pigineqartut ingerlanneqarnerat najugaqarfigineqarnerallu pillugu malittarisassiornissamut.
Ilinniagaqartut kattuffii isumaqatiginiareerlugit ilinniartut najugaqarfiini Namminersornerullutik Oqartussanit kommuninilluunniit pigineqarlutilluunniit ingerlanneqartuni, Namminersornerullutik Oqartussat ilinniartut nuunneranut peqataasimagaangata, nerisaqarnermut ineqarnermullu akiliutit imatut aalajangersarneqarput:
Nerisaqarneq kr. 1.500,00 qaam.
Ineqarneq, ineeqqat ineqartumut ataatsimut kr. 850,00 qaam.
Ineqarneq, inissiat marlunnik amerlanerusunilluunniit initallit,
inoqutigiit qassiunerat apeqqutaatinnagu kr. 1.700,00 qaam.
Ilinniaqartut aqqusaarlutik najugarnerinut ullumikkut akiliisitsisoqarneq ajorpoq.
Pikkorissartut ilinniartut najugaqarfiinut inissinneqarnerinut akiliutissaasa aalajangersarnissaanut naalakkersuisut piginnaatinneqarput.
Siunertamut kontumut 40.05-imut Tapiissutit ataatsimoortumillu tapiissutit.
"Meeqqat atuarfianni klassini annerni atuartut atuarnermut tapiiffigineqartarnerat pillugu Inatsisartut peqqussutaat nr. 5, 28. oktober 1982-imeersoq" naapertorlugu ukiumi atuarfiusumi 1998/99-imi meeqqat atuarfiini atuartunut angerlarsimasunut tapiissutissatut pilersuisullu isertitaannut akileraarutaasussanut (1997) killiliussat uku aalajangersarneqarput. Tapiissutit annertunerpaamik ukiumut qaammatini qulini tunniunneqartarput.
Isertitat Ukiumut Qaammammut
akileraarutaasussat (1997) tapiissutit tapiissutit
156.012 ataallugit 9.064 906,40
156.012 - 173.926 7.721 772,10
173.926 - 193.273 6.459 645,90
193.273 - 211.188 5.253 525,30
211.188 - 230.434 4.071 407,10
230.434 - 249.985 2.942 294,20
249.985 sinnerlugillu 0 0
Ukiumut atuarfiusumut 1999/2000-imut tapiissutit ukiumullu 1998-imut pilersuisup isertitanut akileraarutinik pisussaaffiinut killiliussat imaapput:
Isertitat Tapiissutit Tapiissutit
akileraarutaasussat (1998) ukiumut qaammammut
157.572 ataallugit 9.191 919,10
157.572 - 175.665 7.829 782,90
175.665 - 195.202 6.549 654,90
195.206 - 213.300 5.327 532,70
213.300 - 232.738 4.128 412,80
232.738 - 252.485 2.983 289,30
252.485 sinnerlugillu 0 0
Siunertamut kontumut 40.11-mut Inuussutissarsiutinut ilinniarfiit
Nr. 1.
Naalakkersuisut piginnaatinneqarput aningaasanik atugassanngortitanik aamma atorfinnik inuttaligassanik kontut pingaarnerit akornanni allanut nuussisinnaanermut.
Nr. 2.
Ilinniarfiit siunertamut kontumi 40.11-mi Inuussutissarsiutinut ilinniarfiit pineqartut periarfissinneqarput, Naalakkersuisunit akuerineqareerlutik, aningaasaliissutit ukiuni aningaasanut inatsiseqarfiusumi 1999-imi atorneqanngitsut ukiumi aningaasanut inatsiseqarfiusumi 2000-imi akuersissutigeqqinneqartarnissaannut. Akuersissuteqaqqinneq annerpaamik aningaasaliissutit tamarmiusut 10%-erisinnaavaat.
Siunertamut kontumut 40.12-imut Qaffasinnerusumik ilinniartitaanerit
Nr. 1.
Naalakkersuisut piginnaatinneqarput kontut pingaarnerit ataasiakkaat akornanni aningaasaliissutinik atorfinnillu amerlassusilikkanik nikisiterisinnaanissaminnut.
Nr. 2.
Ilinniarfiit siunertamut kontumi 40.12-mi Qaffasinnerusumik ilinniartitaanerit pineqartut periarfissinneqarput, Naalakkersuisunit akuerineqareerlutik, aningaasaliissutit ukiuni aningaasanut inatsiseqarfiusumi 1999-imi atorneqanngitsut ukiumi aningaasanut inatsiseqarfiusumi 2000-imi akuersissutigeqqinneqartarnissaannut. Akuersissuteqaqqinneq annerpaamik aningaasaliissutit tamarmiusut 10%-erisinnaavaat.
Kontumut pingaarnermut 40.12.23-mut PhD-nngorniarneq.
Naalakkersuisut piginnaatinneqarput PhD-nngornianut kiisalu angalanermut atatillugu aningaasartuutinut tapiissuteqartarnermut sukumiinerusunik malittarisassiornissaminnut.
Siunertamut kontumut 40.13-imut Ilinniagaqarnersiutit
Nr. 1.
Naalakkersuisut piginnaatinneqarput aningaasanik atugassanngortitanik aamma atorfinnik inuttaligassanik kontut pingaarnerit ataasiakkaat akornanni allanut nuussisinnaanermut.
Nr. 2.
Inuussutissarsiutinut ilinniagaqarnermut sulisitsisut akiliutaat (AEB) pillugit Inatsisartut inatsisaanni nr. 16-imi 23. november 1989-imeersumi § 4, imm. 1 naapertorlugu akiliutaasartussap procentia ukiumi akiliiffissami 1998-imi aalajangerneqarpoq 0,8 %-iussasoq.
Nr. 3.
Ilinniagaqarnersiutit pillugit Inatsisartut peqqussutaanni nr. 3-mi, 2. maj 1996-imeersumi § 3, imm. 2 naapertorlugu qaammammut ilinniagaqarnersiutissatut imatut aalajangersarneqarput:
- 2.000 kr.-it GU-mi ilinniartunut angajoqqaaminni najugaqartunut kiisalu FSA/FSUA-rtunut angajoqqaaminni najugaqartunut,
- 2.300 kr.-it STI-mi ilinniartunut angajoqqaaminni najugaqartunut,
- 4.500 kr.-it Kalaallit Nunaata Danmarkillu avataani ilinniagaqartunut, aammalu
- 4.000 kr.-it ilinniagaqartunut allanut, imaalilluguli ilinniagaqartunut, ilinniakkaminnut atatillugu akeqanngitsumik nerisaqartinneqarlutillu ineqartinneqartunut, kr. 2.350 ilanngaatigineqassallutik.
Nr. 4.
Namminersornerullutik Oqartussat aqqutigalugit Kalaallit Nunaata Danmarkillu avataanni ilinniagaqartunut qaammammut ilinniagaqarnersiutit naalakkersuisut qaffassinnaavaat, qaffaanissaq makku pissutigalugit pisariaqarpat:
1) sumiiffimmi oqartussaasunit nunani allamiunut tunngatillugu inatsisitigut piumasaqaatit
2) ilinniarfiup pineqartup piumasaqaatai
3) illoqarfimmi ilinniarfiusumi inuuniarnermi aningaasartuutit qaffasissorujussuit.
4) pikkorinnerpaat ilaattut timersornermik ingerlataqarnermut atatillugu immikkut aningaasartuuteqarneq.
Tamatuma saniatigut ilinniartitaanernut immikkut aaqqissuussanut atatillugu, tamatumalu malitsigisaanik ilinniagaqarnersiuteqartitsinissamik immikkut pisariaqartitsisoqalersillugu, soorlu nunatta Danmarkillu avataani ilinniagaqarnerni, allanik atugassaqartitsilluni ilinniaqarnersiuteqartitsisoqarsinnaasoq naalakkersuisut aalajangersarsinnaavaat.
Nr. 5.
Ilinniagaqarnersiutit pillugit Inatsisartut peqqussutaanni nr. 3-mi, 2. maj 1996-imeersumi § 3, imm. 2, naapertorlugu 1. august 1996-imiit ilinniagaqarnermut atatillugu taarsigassarsiarineqarsinnaasut qummut killingi ima aalajangersarneqarput:
- Ilinniagaqarnerup nalaani ukiut tamaasa taarsigassarsisoq ataaseq ilinniagaqarnerminut atatillugu 6.000,- kr.-inik taarsigassarsisinnaavoq.
- Ilinniagaqarnerup nalaani taamatuttaaq taarsigassarsisoq ataaseq ataasiaannartumik 10.000,- kr.-it tikillugit ilinniagaqarnermut atatillugu taarsigassarsisinnaavoq.
Kontumut pingaarnermut 40.13.24-imut Taarsigassarsiarititat
Ilinniarnerup nalaani erniat 0 %-imut aalajangersarneqarput, ilinniarnerulli naammassinerata kingorna ukiumut naalagaaffiup aningaaserivissuata ernialiuttagaanut + 1%-imut aalajangersarneqarlutik.
Kontumut pingaarnermut 40.14.18-imut, Kalaallit Nunaata Radiua
Naalakkersuisut piginnaatinneqarput Kalaallit Nunaata Radiua Landskarsimit 2,3 mio. kr.-inik tigusisinnaatissallugu, teknikikkut atortunut nutaanut ingerlaavartumik aningaasaliissuteqartarnissamut Kalaallit Nunaata Radiuata aningaasanit pisariaqartitaanut matusissutissatut.
Tigusisinnaatitaanerup atorneqarsinnaaneranut piumasaqaataavoq, tamanna pillugu Kalaallit Nunaata Radiuata siulersuisui naalakkersuisunut saaffiginnissuteqassasut, aningaasanillu pisariaqartitsineq allatut aaqqinneqarsinnaanngitsutut nalilerneqassasoq.
Tigusisinnaatitaanermik atuineq ukiumut 9%-imik ernialersorneqassaaq. Uninngasuutit ukiumut 3%-imik ernialersorneqassapput. Atukkat uninngasuutilluunniit erniaat qaammatit pingasunngorneri tamaasa naatsorsorneqarlutillu ernialerneqartassapput.
Kontumut pingaarnermut 40.14.28-mut Dansk Tipstjenestemit sinneqartoorutinit Kalaallit Nunaata pissarsiaanit tapiissutit
Naalakkersuisut piginnaatinneqarput pinnguaatit ilaat, eqquiniaanerit ajugaaniunnerillu pillugit inatsit naapertorlugu suliniaqatigiiffinnut, ingerlatanut suliniutinullu tamanut iluaqutissamik siunertaqartunut 1999-imi aningaasat agguaannissaannut najoqqutassanik aalajangersaanissamut.
Suliassaqarfimmut 45-mut Ilagiit
Naalakkersuisut piginnaatinneqarput kontut pingaarnerit ataasiakkaat akornanni aningaasaliissutinik atorfinnillu amerlassusilikkanik nikerartitsisinnaanissaminnut.
Aalisaernermut, Piniarnermut, Inuussutissarsiornermut Nunalerinermullu Naalakkersuisoq - Suliassaqarfiit 50 - 59
Kontumut pingaarnermut 50.01.04-mut Immikkut Ikiorsiisarnermi Aningaasaateqarfik
KNAPK-p ilaasortami Immikkut Ikiorsiisarnermi Aningaasaateqarfimmut akiliisarunnaarnissaat kissaatigimmagu, 1999-imi januaarip aallaqqaataaniit kontumi pingaarnermi matumani aningaasaliissutit Immikkut Ikiorsiisarnermi Aningaasaateqarfik taassumalu siulersuisui peqataatinnagit aqunneqassapput.
Kontumi pingaarnermi aningaasaliissutit siunertanut maannamut Immikkut Ikiorsiisarnermi Aningaasaateqarfimmit tapersersorneqarsimasunut suli atorneqassapput.
Allannguutit naammassineqarnissaat siunertaralugu naalakkersuisut piginnaatinneqarput Aningaasaqarnermut Ataatsimiititaliamit akuerineqarlutik kontumi aningaasaliissutinit tapiissuteqartarnissamut najoqqutassianik erseqqinnerusunik aalajangersaanissaminnut allatigullu allannguutip kingunerisaanik aningaasaliissuteqartarnikkut pisariaqartunik iliuuseqarnissaminnut.
Kontumut pingaarnermut 50.06.11-mut Aalisariutikillisaanermut tapiissutit
Aalisarnermut, piniarnermut nunalerinermullu tapersiisarneq pillugu Inatsisartut peqqussutaanni nr. 8-mi, 31. oktober 1996-imeersumi § 32 naapertorlugu inuussutissarsiutinut tapersiisarnermut ataatsimiititaliaq konto 50.06.11-mi, Aalisariutikillisaanermut tapiissutit, aningaasaliissutinit aningaasanngorlugit tapiissutinik tapersiissuteqarsinnaavoq erseqqinnerusumik taaneqartunik periarfissaqartitaalluni.
Aalisarnermut, piniarnermut nunalerinermullu tapersiisarneq pillugu Inatsisartut peqqussutaanni nr. 8-mi, 31. oktober 1996-imeersumi § 32-mi aalajangersakkat apeqqutaatinnagit inuussutissarsiutinut tapersiisarnermut ataatsimiititaliaq piginnaatitaavoq malittarisassat uku malillugit tapersiisarnissaminut:
1. Angallataatilinnut tamanna pillugu maleruagassat atuuttut malillugit angallammik 75 BRT/120 BT-init mikinerusumik imaluunniit angallatinik GR 6-355 "Tobias Noahsen" naqinnerit ilisarnaatai OZJO, GR 7-216 "Anáse" naqinnerit ilisarnaatai OUHK imaluunniit GR 8-288 "Qarsaaq" naqinnerit ilisarnaatai OUUC raajarniarsinnaasunut oqaasertaliussat maaniittut naapertorlugit tapersiissuteqartoqarsinnaavoq.
2. Angallatit marluk arlallilluunniit (angallatit aalisarunnaartut) angallammik ataatsimik, Kalaallit Nunaata avataani pissarsiarineqartumik imaluunniit Kalaallit Nunaanni nutaamik sananeqartumik, taarserneqarpata angallallu taanna pisassiissutinit pigisanik, tamanna tikillugu angallatinut aalisarunnaartunut atatitaasimasunik, aalisarnermut atorneqalerpat pisassiissutinit pigisanut, angallatitaarineqartumut atatitaalersunut, kg.-mut 2 kr.-inik tapiissuteqartoqarsinnaavoq.
3. Immikkoortoq 2 malillugu angallammik piginnittut marluk arlallilluunniit tapersiiffigineqarnerannut atatillugu aammattaaq angallatinik piginnittut ataasiakkaat tamarmik inuussutissarsiutinut tapersiisarnermut ataatsimiititaliamut akiitsuisa ilaannik, 135.000 kr.-inik sinniisunut, isumakkeerinnittoqarsinnaavoq, imatut annertussusilimmik angallatinik piginnittut pineqartut angallataat aalisarunnaartut aserorterneqassappata allanulluunniit tunineqassappata. Allanut tunisinermi aatsaat isumakkeerinnittoqarsinnaavoq akiitsut angallammik tunisinikkut iluanaarutinit ilanngaatigeqqaarlugit.
4. Immikkoortoq 2 malillugu isumakkeerinnittoqarpat, akiitsut sinneri sinneruttut 135.000 kr.-it tikillugit angallammik piginnittup pineqartup inuttut nammineq akiitsumisut pisussaaffigissavai, taamaalillunilu aningaasat angallammik piginnittunut allanut angallammut pisaarineqartumut piginneqataalersunut akilertinniarneqarsinnaanngillat. Aammattaaq aningaasat inuussutissarsiutinut tapersiisarnermut ataatsimiititaliaq erseqqinnerusumik isumaqatigiissuteqarfigeriarlugu imaluunniit tamatumunnga maleruagassat atuuttut malillugit akiliisitsiniarnikkut angallammik piginnittunit pineqartunit utertillugit akilerneqassapput.
5. Angallammik piginnittup angallammik piginnittumut allamut pisassiissutinit pigisani tamarmiusut tunippagit pisassiissutinillu pigisat pisassiissutinik pigisanik pigisaqalersumit pigisaqalersup tamanna tikillugu pisassiissutinit pigisaanut ilanngullugit tamakkiisumik aalisarneqarsinnaappata pisassiissutinit pigisat tunineqartut kg-mut 10 kr.-inik tapiissuteqarfigineqarsinnaapput. Tunisisumut tapiissuteqartoqassaaq akiliutissaasinnaasunut allanut pisassiissutinit pigisanik pisisumit akilerneqartunut ilanngullugit.
6. Inatsisartut peqqussutaanni qulaani taaneqartumi ' 31 malillugu angallammik piginnittup pisassiissutinit pigisaminik landskarsimut tunniussineranut atatillugu tapersiissuteqartoqarpat tapersiissutit saniatigut ' 31-mi aalajangersagaq malillugu pisassiissutinit pigisanut tunineqartunut kg.-mut 9 kr.-inik tapiissuteqartoqassaaq.
7. Immikkoortoq 5 aamma immikkoortoq 6 malillugit angallatinik piginnittut pisassaat akiliuteqartitsinissamut pinngitsaaliinikkulluunniit allatut piviusunngortitsinissamut atorneqarsinnaanngillat.
8. Oqaasertaliussat makku naapertorlugit inuussutissarsiutinut tapersiisarnermut ataatsimiititaliaq tapiissuteqartarnermut piumasaqaatinik erseqqinnerusunik aalajangersaasinnaavoq.
Kontumut pingaarnermut 50.06.15 Nuka A/S
Naalakkersuisut piginnaatinneqarput Aningaasaqarnermut Ataatsimiititaliamit ilalerneqarlutik sullissinermut ingerlatseqatigiiffimmik NUKA A/S-imik piginnittuunermik Royal Greenland A/S-imit tigusinermut atatillugu aningaasaliissuteqartarnikkut pisariaqartunik iliuuseqartarnissaminnut, tassunga ilanngullugu pisinnaatitaaffiit naammassisassallu Royal Greenland A/S-ip ingerlatseqatigiiffittut aqutsisut pisussaaffigisai tigussallugit.
Kontumut pingaarnermut 50.90.12-mut Nunami inuussutissarsiutinut tapiissutit
Naalakkersuisut piginnaatinneqarput aqutsinermut ingerlatseqatigiiffimmik, ass. SULISA A/S-imik, suliassat missingersuutinut ilanngussami taaneqartut allaffissornikkut isumagineqarnissaannut sullinneqarnissamik isumaqatigiissuteqarnissamut.
Naalakkersuisut piginnaatinneqarput kontumi pingaarnermi 50.09.11-imi aningaasat qinnutigineqartut akuersissutigineqartut ingerlatassat assigiinngitsut akornanni pisariaqartitsineq naapertorlugu nikisiterisinnaanissamut.
Naalakkersuisut piginnaatinneqarput 1999-imi aallarnisaasunut kinguaariinnullu tullernut tunniussinermut atatillugu taarsigassarsisoqarnerani katillugit annerpaamik 12.000.000 kr.-inut qularnaveeqqusiinissaminnut.
Kontumut pingaarnermut 50.90.20-mut Sulisa A/S
Naalakkersuisut piginnaatinneqarput aningaasaliissutit iluanni sulissat aalajangersimasut pillugu Sulisa A/S-mut tapiissuteqartarnissamut sullinneqarnissamillu isumaqatigiissuteqartarnissamut.
Siunertamut kontumut 51.07-mut Inuussutissarsiutinut tapersiisarneq
Nr. 1.
Inuussutissarsiutinut tapersiisarnermi ataatsimiititaliap taarsigassarsiat qularnaveeqqusikkat akilersugassarsiallu eqqortumik naammassineqarsimanngitsut qularnaveeqqusiinermi piumasaqaatit, aalisarnermut, piniarnermut nunalerinermullu tapersiisarneq pillugu Inatsisartut peqqussutaat nr. 8, 31. oktober 1996-imeersoq imaluunniit siornatigut inuussutissarsiutinut tapiissuteqartarnermut malittarisassat atuuttut malillugit akilersinnaavai.
Inuussutissarsiutinut tapersiisarnermi ataatsimiititaliap taarsigassarsiat qularnaveeqqusikkat akilerneqartut inuusuutissarsiutinut tapiissuteqartarnermut taarsigassarsianngortillugit allanngortissinnaavai tamatumunnga piumasaqaatit atuuttut malillugit, kisiannili inuussutissarsiutinut tapiissuteqartarnermut peqqussummi erniaqartitsisarneq atuuttoq aalajangerneqarsinnaavoq Danmarkimi Nationalbankip diskontuatigoortumik qaffasinnerpaamik 5 procentpointinut.
Nr. 2.
Inuussutissarsiortinut tapersiisarnermi ataatsimiititaliaq 20.000.000 kr.-inut killiliussat iluanni taarsigassarsianut akilersugassarsianulluunniit qularnaveeqqusiisinnaavoq inuussutissarsiutinut tapiissuteqartarnermut ataatsimiititaliap ingerlatsineranut Inatsisartut peqqussutaat sukkulluunniit atuuttoq naapertorlugu.
Peqqinnissamut, Avatangiisinut Ilisimatusarnermullu Naalakkersuisoq - Suliassaqarfiit 60 - 69
Kontumut pingaarnermut 60.01.01-imut Peqqinnissamut Ilisimatusarnermullu Pisortaqarfik, allaffissorneq aamma kontumut pingaarnermut 60.10.10-mut Dronning Ingridip Napparsimmavissua
Naalakkersuisut piginnaatinneqarput Aningaasaqarnermut Ataatsimiititaliamit ilalerneqarlutik immikkut ilinniagallit peqqinnissakkut sullissinerannut atatillugu ingerlatsinermi suliassat aqutsinikkut ingerlanneqarnerisa Peqqinnissamut Ilisimatusarnermillu Pisortaqarfimmit Dronning Ingridip Napparsimmavissuanut nuunneqarnerannut atatillugu aningaasaliissutinik atorfinnillu nikisiterisinnaanissamut.
Siunertamut kontumut 60.10-mut Immikkut ilisimasallit katsorsaallutillu ilinniartitsineri, siunertamut kontumut 60.11-mut Najukkani peqqinnissaqarfiit, nakorsanit sullinneqarneq aamma siunertamut kontumut 60-12-imut Najukkani peqqinnissaqarfiit, kigutilerineq kiisalu kontumut pingaarnermut 60.01.10-mut PAARISA, pinaveersaartitsineq peqqinnissamillu siuarsaaneq
Naalakkersuisut piginnaatinneqarput kontut pingaarnerit ataasiakkaat akornini aningaasaliissutinik atorfinnillu pilersinneqarsimasunik nikisitsisarnissaminnut.
Kontumut pingaarnermut 60.10.16-imut Imigassamik ajornartorsiutilinnut katsorsaasarfik
Nr. 1.
Naalakkersuisut piginnaatinneqarput "Imigassamik ajornartorsiutilinnut katsorsaasarfiup Qaqiffiup Nuummi pilersinneqarsimasup ingerlanneqarnera pillugu Namminersornerullutik Oqartussat, Peqqinnissamut Avatangiisinullu Pisortaqarfikkoorlugu Frederiksbergcenteret ApS-mik isumaqatigiissutaat" atorunnaarsinneqassappat, aningaasaliissutitigut tunngavissaqartitsiuarnissamut oqartussaasut aningaasaliissuteqartartut itigartitsissagaluarpata, isumaqatigiissutip atorunnaarsinneqarneranut Frederiksbergcenteret ApS-imut imatut akiliuteqarnissamut:
Isumaqatigiissut 1. juli 1998 tikitsinnagu atorunnaarsinneqarpat: 1.400.000 kr.
Isumaqatigiissut 1. juli 2000 tikitsinnagu atorunnaarsinneqarpat: 700.000 kr."
Nr. 2.
Naalakkersuisut piginnaatinneqarput "Imigassamik ajornartorsiutilinnut katsorsaasarfiup Qaqiffiup Nuummi pilersinneqarsimasup ingerlanneqarnera pillugu Namminersornerullutik Oqartussat, Peqqinnissamut Avatangiisinullu Pisortaqarfikkoorlugu Frederiksbergcenteret ApS-mik isumaqatigiissutaat" atorunnaarsinneqassappat, aningaasaliissutitigut tunngavissaqartitsiuarnissamut oqartussaasut aningaasaliissuteqartartut itigartitsissagaluarpata, isumaqatigiissutip atorunnaarsinneqarneranut Frederiksbergcenteret ApS-imut imatut akiliuteqarnissamut:
Piffissami januaarip aallaqqaataaniit 1999-imit juulip aallaqqaataanut 2001 atorunnaarsitsisoqarpat 500.000 kr.-inik akiliuteqartoqassaaq.
Siunertamut kontumut 60.11-mut Najukkani peqqinnissaqarfiit, nakorsanit sullinneqarneq aamma siunertamut kontumut 60.12-imut Najukkani peqqinnissaqarfiit, kigutilerineq
Naalakkersuisut piginnaatinneqarput peqqinnissaqarfiup iluani nunap immikkoortuini napparsimmaveqarfinnik eqiterinissap aallartinneqarnissaanik aalajangernermut nangissutitut najukkani peqqinnissaqarfinnik nutaamik pilersitsinermut atatillugu pisariaqartitsineq naapertorlugu kontunik pingaarnernik makkuninnga katititsisinnaanissamut: 60.11.10-miit 60.11.27-imut aamma 60.12.10-miit 60.12.26-imut.
Takornariaqarnermut, Angallannermut Niuernermut Attaveqaatinullu Naalakkersuisoq - Suliassaqarfiit 70 - 79
Suliassaqarfimmut 70-imut Takornariaqarnermut, Angallannermut Niuernermut Attaveqaatinullu Pisortaqarfik
Nr. 1.
Tjenestemandinut KNI Pisiffik A/S-imi KNI Pilersuisoq A/S-imilu imaluunniit ingerlatseqatigiiffimmi taakkununnga ingerlatseqatigiiffissuakkut atasumi atorfeqalersimasunut ingerlatseqatigiiffiit inummut tunngasumik soraarnerussutisiassanut sillimmasiissuteqassapput tjenestemandit soraarnerussutisiassaasa atorunnaarsinneqarnerinut taartissatut atugassanik. Tjenestemandit soraarnerussutisiassaasa taamaaqataannik matussutissaqartinnerat anguneqarsinnaanngippat, ingerlatseqatigiiffiit soraarnerussutisiassanik piumassarineqartut inummut tunngasumik soraarnerussutisinermut aaqqissuussinermit anguneqarsinnaanngitsut akilertassavaat. Namminersornerullutik Oqartussat atorfilimmut pisussaaffiup taassuma eqquutsinnissaa akisussaaffigaat, aamma Namminersornerullutik Oqartussat ingerlatseqatigiiffinnut tamakkiisumik akiliisitsiniartussaapput soraarnerussutisiassat ilassutaasa tunniunneqarnissaanni.
Nr. 2.
Naalakkersuisut piginnaatinneqarput tjenestemandit Royal Arctic Line A/S-imut imaluunniit ingerlatseqatigiiffimmi tassunga ingerlatseqatigiiffissuakkut atasumi nuussimasut pisassaasa akilernissaannut, tamatumunngalu atatillugu tjenestemandit imaatigut angalasut tjenestemandinut assingusumik ingerlatseqatigiiffimmi atorfinitsitaanerminni atugassaritinneqartut naapertorlugit piginnaatitaaffiisa naammassineqarnissaat Namminersornerullutik Oqartussat akisussaaffigissallugu.
Nr. 3.
Tjenestemandinut Tele Greenland A/S-imi atorfeqalersimasunut ingerlatseqatigiiffiit inummut tunngasumik soraarnerussutisiassanut sillimmasiissuteqassapput tjenestemandit soraarnerussutisiassaasa atorunnaarsinneqarnerinut taartissatut atugassanik. Tjenestemandit soraarnerussutisiassaasa taamaaqataannik matussutissaqartinnerat anguneqarsinnaanngippat, ingerlatseqatigiiffiit soraarnerussutisiassanik piumassarineqartut inummut tunngasumik soraarnerussutisinermut aaqqissuussinermit anguneqarsinnaanngitsut akilertassavaat. Namminersornerullutik Oqartussat atorfilimmut pisussaaffiup taassuma eqquutsinnissaa akisussaaffigaat, aamma Namminersornerullutik Oqartussat ingerlatseqatigiiffinnut tamakkiisumik akiliisitsiniartussaapput soraarnerussutisiassat ilassutaasa tunniunneqarnissaanni.
Nr. 4.
Naalakkersuisut piginnaatinneqarput Namminersornerullutik Oqartussat KNI Pilersuisoq A/S-illu akornanni sullissinerit pillugit killiliussatut isumaqatigiissuteqartoqarneranut atatillugu KNI Pilersuisoq A/S-imik imaluunniit ingerlatseqatigiiffimmik tassunga ingerlatseqatigiiffissuakkut atasumik, Tele Greenland A/S-imik aamma Royal Arctic Line A/S-imik imaluunniit ingerlatseqatigiiffimmik tassunga ingerlatseqatigiiffissuakkut atasumik sullissinerit pillugit isumaqatigiissuteqartarnissamut.
Isumaqatigiissuteqarnermut atatillugu Namminersornerullutik Oqartussat pisussaapput ukiumi aningaasaliissuteqarfiusumi tamatuma kingorna atortunnaarsitsinermut aningaasartuutaajunnartunut aningaasartuuteqarnissamut, sullissinerit isumaqatigiissutaasimasut arlaannik nutarterinnginngikkut Namminersornerullutik Oqartussat ilanngaatissat ilanngaatigereerlugit atorunnaarsitsinermut aningaasartuuteqassappata.
Nr. 5.
Ingerlatsinermut akuersissutinut naleqqiullugu naatsorsuutitigut nikingassutaasut suliffeqarfinni aalajangersimasunik aningaasaliiffigineqartartuni uninngatinneqassapput.
Uninngasut katersukkat, Naalakkersuisunut Inatsisartullu aningaasanut ataatsimiititaliaanut saqqummiussereernikkut, ilaatigut aningaasaliissutitut atorneqarsinnaapput.
Kontumut pingaarnermut 70.11.20-imut Suluusalinnut mittarfiliortiterneq
Nr.1.
Naalakkersuisut piginnaatinneqarput, Inatsisartut aningaasaqarnermut ataatsimiititaliaat ataavartumik ilisimatitsissuteqarfigisarlugu, timmisartunut suluusalinnut mittarfiliortiternissaq pillugu inatsisartut inatsisaat naapertorlugu mittarfiliortiternissanut aningaasanik aningaasanut inatsisini immikkoortinneqarsimasunik atuisinnaanissamut.
Nr. 2.
Naalakkersuisut piginnaatinneqarput Inatsisartut aningaasaqarnermut ataatsimiititaliaannit akuerineqartarlutik mittarfiliortiternissamut atatillugu illoqarfimmiit mittarfiit tunngaannut aqqusinniornissani (ikaartarfiit ilanngullugit) pilersaarutigineqartuni allannguutit aningaasalersueqataaffigineqarnissaannut kommuninik ataasiakkaanik isumaqatigiissuteqarfiginnittarnissamut.
Kontumut pingaarnermut 70.12.13-imut Santa Claus of Greenland Foundation
Naalakkersuisut piginnaatinneqarput Namminersornerullutik Oqartussat Santa Claus of Greenland Foundationimut tapiissutigisartagaasa unitsinnissaannut kiisalu Santa Claus of Greenland Foundationip siulersuisuinut kaammattuuteqarnissamut aningaasaateqarfiup atorunnaarsinneqarnissaanut. Naalakkersuisut piginnaatinneqarputtaaq ussassaarilluni ingerlatat allakkanullu akissuteqartarnerit ingerlatiinnarnissaannut tapiissutaasartut Greenland Tourism A/S-imut nuunniarnissaannut tamatumunngalu atatillugu qulaajarlugu ilisarnaammut, atermut juullillu inuata silarsuaanut atatillugu piginnaatitaaffiit suut aningaasaateqarfiup avataatigut ingerlanneqarsinnaanersut.
Kontumut pingaarnermut 70.12.15-imut Takornariaqarnermi aallarnisaanut aningaasalersuinikkut tapersiisarneq
Kontumi pingaarnermi matumani aningaasaliissutit ilanngaatissat ilanngaatigereerlugit aningaasaliissutaapput tapiissutitut taarsigassarsiarititatullu atorneqartussat. Siusinnerusukkut taarsigassarsiaritinneqarsimasut erniaat akilersuutitaallu ilanngaatissat ilanngaatigereerlugit aningaasaliissutit iluanni atoqqinneqarsinnaapput.
Kontumut pingaarnermut 70.13.10-mut Nioqqutissanik pilersuineq
Naalakkersuisut piginnaatinneqarput Aningaasaqarnermut Ataatsimiititaliamit ilalerneqarlutik "Nioqqutissanik eqqussuinermi akitsuutit pillugit Inatsisartut inatsisaata allanngortinneqarneranik Inatsisartut inatsisissaannut siunnersuut"-mik, UKA 1998/91, 1998-imi oktobarip ulluisa 21-ianni Inatsisartut akuersissutiginninnerisa kingunerisaanik konto pingaarneq manna pillugu aningaasaliissuteqartarnikkut pisariaqartunik iliuuseqarnissaminnut, akitsuutinik qaffaanermi KNI-p ilanngaatissat ilanngaatigereerlugit isertitarinerusassai Landskarsimut nakkartinneqartussanngorlugit. Kontumi pingaarnermi matumani aningaasaliissutit ikilissutaat kontumi pingaarnermi 20.11.50-imi, Ingerlatsinermut sillimmatit, aningaasaliissutit amerlaqataannik amerlineqarnerinut atorneqassapput.
Kontumut pingaarnermut 70.13.18-imut Nunatsinni tunisassianik assartuinermut tapiissutit
Ukiumi aningaasanut inatsiseqarfiusumi qinnuteqartoqarneratigut nunatsinni tunisassiat assartorneqarnerinut tapiissutinik pissarsisoqarsinnaavoq. Ukiumi aningaasanut inatsiseqarfiusumi aningaasaliissutinit, taamaallat assartuinernut ukiumi aningaasanut inatsiseqarfiusumi ingerlanneqartunut tapiissuteqartoqarsinnaavoq. Taamaattorli assartuinernut 1998-imi ingerlanneqartunut tapiissuteqartoqarsinnaavoq, tamatumunnga kingusinnerpaamik 1999-imi februari aallartitsinnagu qinnuteqartoqarpat.