Ilanngussaq 2

 

OQAASERTALIUSSAT

 

Kultureqarnermut, Ilinniartitaanermut Ilageeqarnermullu Naalakkersuisoq - Suliassaqarfíit 40 - 49.

Siunertamut kontumut 40.13-imut ílinniagaqarnersiutit

Siunertamut kontumut 40.13-imut oqaasertaliussaq nr. 3 allanngortinneqassaaq imaalillugu:

Nr. 3.

Ilinniagaqarnersiutit pillugit Inatsisartut peqqussutaanni nr. 3-mi, 2. maj 1996-imeersumi § 3, imm. 2 naapertorlugu qaammammut ilinniagaqarnersiutissatut imatut aalajangersarneqarput:

- 2.000 kr.-it GU-mi ilinniartunut angajoqqaaminni najugaqartunut kiisalu FSA/FSUA-rtunut angajoqqaaminni najugaqartunut,

- 2.300 kr.-it STI-mi ilinniartunut angajoqqaaminni najugaqartunut,

- 4.500 kr.-it Kalaallit Nunaata Danmarkillu avataani ilinniagaqartunut, aammalu

- 4.000 kr.-it ilinniagaqartunut allanut, imaalilluguli ilinniagaqartunut, ilinniakkaminnut atatillugu akeqanngitsumik nerisaqartinneqarlutillu ineqartinneqartunut, kr. 2.350 ilanngaatigineqassallutik.